KDMNEWS

**बार्शीत महिलासुरक्षेचा प्रश्न पुन्हा ऐरणीवर; महिलेचा विनयभंग; आरोपीसह आईविरोधात गुन्हा दाखल**  **KDM NEWS प्रतिनिधी बार्शी :** शहरातील बाशिंगे प्लॉट परिसरातील एका वाड्यात एका महिलेचा विनयभंग करण्यात आल्याची गंभीर घटना उघडकीस आली आहे. या प्रकरणी आरोपी सदानंद उर्फ गोट्या पिंगळे व त्याची आई सविता पिंगळे यांच्याविरुद्ध बार्शी शहर पोलीस ठाण्यात गुन्हा दाखल करण्यात आला आहे. फिर्यादी महिला आपल्या आई, मुलगी व बहिणीसोबत बाशिंगे प्लॉट येथील वाड्यात राहते. ती मजुरी करून कुटुंबाचा उदरनिर्वाह करते. गेल्या काही दिवसांपासून उष्णतेमुळे परिसरातील महिला लाईटच्या उजेडात वाड्यात झोपत होत्या. शुक्रवार, २२ मे २०२६ रोजी पहाटे साडेतीन वाजता झोपेत असलेल्या फिर्यादी महिलेला आपली प्लाझो पॅन्ट कोणीतरी ओढल्याचे जाणवले. जाग आल्यावर तिने पाहिले की, ओळखीचा सदानंद उर्फ गोट्या पिंगळे याने तिच्या कपड्यांमध्ये हात घालून छातीवर हात फिरवला. घाबरलेल्या महिलेनं मोठ्याने आरडाओरडा केला. आरडाओरड्याने जाग्या झालेल्या फिर्यादीच्या बहिणीने आरोपीला पकडण्याचा प्रयत्न केला, मात्र तो घटनास्थळावरून पळून गेला. त्यानंतर...

**बार्शी : अवैध दारू विक्रीवर निर्भया पथकाची धडक कारवाई; १५ हजारांहून अधिकचा मद्यसाठा जप्त**  **KDM NEWS प्रतिनिधी बार्शी (सोलापूर)** : बार्शी उपविभागीय पोलीस अधिकारी अंजना कृष्णा यांच्या आदेशानुसार निर्भया पथकाने गुरुवारी दुपारी मानेगाव येथे छापा टाकून अवैध मद्यसाठा जप्त केला. या कारवाईत १५ हजार १४५ रुपयांचा विविध देशी-विदेशी मद्य आणि बिअरचा साठा ताब्यात घेण्यात आला. कारवाईत आरोपी रोहित दादासाहेब ताटे (वय २६, रा. मानेगाव, ता. बार्शी) याला पकडण्यात आले. तो बार्शी-वैराग रोडलगत मौजे मानेगाव येथील हॉटेल शिवारच्या मागील बाजूला विनापरवाना मद्य विक्री करत असल्याची माहिती मिळाल्यावर निर्भया पथकाने २१ मे २०२६ रोजी दुपारी २.२० वाजता धडक दिली. जप्त करण्यात आलेल्या मद्यामध्ये ओल्ड मंक, ग्रँड मास्टर, रॉयल स्टॅग, मास्टर डिलाइट, रॉयल चॅलेंज, मॅकडॉवेल नं. १, मुंबई माल्ट, इम्पिरियल ब्ल्यू, टँगो पंच यासह टुबर्ग, कार्ल्सबर्ग आणि किंगफिशर बिअरच्या बाटल्या समाविष्ट आहेत. या प्रकरणी वैराग पोलीस ठाण्यात महाराष्ट्र दारूबंदी अधिनियम १९४९ कलम ६५ (ई) अंतर्गत गुन्हा दाखल करण्यात आला आहे. पोलीस हव...

**मानसूनचा जोरदार हल्ला! पुढील १२ तासांत १७ राज्यांत भारी बारिश व तूफान**  **KDM NEWS प्रतिनिधी नवी दिल्ली, २२ मे २०२६:** भारत Meteorological Department (IMD) ने आज सायंकाळी देशातील १७ राज्यांमध्ये मुसळधार पाऊस, तीव्र आंधी-वादळ आणि विजांच्या कडकडाटाचा हाय अलर्ट जारी केला आहे. मानसूनच्या लवकर दस्तकाने निर्माण झालेल्या सक्रिय हवामान प्रणालीमुळे पुढील १२ ते २४ तासांत मोठ्या प्रमाणात तबाही होण्याची शक्यता वर्तवण्यात आली आहे. IMD ने दिलेल्या माहितीनुसार, उत्तर-पूर्व भारत, दक्षिण भारत, पूर्व व मध्य भारतातील अनेक भागांत अतिवृष्टीची शक्यता आहे. काही ठिकाणी ११५ मिलिमीटरपेक्षा अधिक पाऊस पडू शकतो. **प्रभावित राज्ये:** - **उत्तर-पूर्व:** अरुणाचल प्रदेश, आसाम, मेघालय, नागालँड, मणिपूर, मिझोराम, त्रिपुरा, सिक्कीम   - **दक्षिण:** केरळ, तामिळनाडू, कर्नाटक, आंध्र प्रदेश, लक्षद्वीप   - **पूर्व व मध्य:** पश्चिम बंगाल, बिहार, झारखंड, ओडिशा, छत्तीसगढ, मध्य प्रदेश   - **पश्चिम व उत्तर:** महाराष्ट्र, उत्तर प्रदेश, राजस्थान, पंजाब, हरियाणा, दिल्ली-एनसीआर **अलर्टची ...

**कलंब येथील महिला भूमापक २५ हजार रुपयांची लाच घेताना रंगेहात जाळ्यात**  **KDM NEWS प्रतिनिधी यवतमाळ :** भूमीअभिलेख विभागातील परिरक्षण भूमापक म्हणून कार्यरत असलेल्या शितल पांडे (वय ३७) यांना लाचलुचपत प्रतिबंधक विभागाच्या यवतमाळ पथकाने मंगळवारी (१९ मे २०२६) २५ हजार रुपयांची लाच स्वीकारताना रंगेहात पकडले.  कोठा (वेणी) शिवारातील एका मृत व्यक्तीच्या प्लॉटवरील मालमत्ता हक्काची नोंदणी करून घेण्यासाठी आलेल्या तक्रारदाराकडून वारसांची नावे फेरफार करण्यासाठी ही लाच मागण्यात आली होती. तक्रारदाराने भूमीअभिलेख कार्यालय, कलंब येथे शितल पांडे यांची भेट घेतली असता, त्यांनी फेरफारासाठी २५ हजार रुपयांची मागणी केली.  तक्रारदाराने लाचलुचपत प्रतिबंधक विभागाकडे तक्रार केल्यानंतर विभागाने १८ आणि १९ मे रोजी सापळा रचला. सापळा कारवाईदरम्यान शितल पांडे यांनी तक्रारदाराकडून २५ हजार रुपये स्वीकारले. त्यांच्या चेंबरमध्ये पंचांसमक्ष ही रक्कम घेताना त्यांना रंगेहात अटक करण्यात आली.  शितल पांडे यांच्यावर कलंब पोलिस ठाण्यात लाचलुचपत प्रतिबंधक कायद्यानुसार गुन्हा दाखल करण्यात आला असून पुढी...

**बकरी ईद निमित्त जनावरांच्या वाहतुकीसाठी प्रमाणपत्र बंधनकारक : निवासी उपजिल्हाधिकारी अभिजीत पाटील यांचे आदेश**  **KDM NEWS प्रतिनिधी सोलापूर, दिनांक २२:** बकरी ईद हा सण २७ मे २०२६ रोजी साजरा होत असून दि. २७ ते दि. २९ मे २०२६ या कालावधीत जिल्ह्यात मोठ्या प्रमाणावर जनावरांची खरेदी-विक्री होणार आहे. यासाठी ठिकठिकाणी बाजार भरविण्यात येणार असून जनावरांच्या वाहतुकीसाठी कायदेशीर प्रमाणपत्र घेणे बंधनकारक असल्याचे निवासी उपजिल्हाधिकारी अभिजीत पाटील यांनी सांगितले. जिल्हाधिकारी कार्यालयाच्या सभागृहात आयोजित बकरी ईद २०२६ निमित्त 'महाराष्ट्र प्राणी रक्षण कायदा १९७६' व 'महाराष्ट्र प्राणी रक्षण सुधारणा कायदा १९९५' च्या अंमलबजावणीच्या अनुषंगाने घेण्यात आलेल्या आढावा बैठकीत निवासी जिल्हाधिकारी श्री. पाटील मार्गदर्शन करत होते. यावेळी राज्य अल्पसंख्याक आयोगाचे सदस्य वसीम बुऱ्हाण, जिल्हा उपायुक्त पशुसंवर्धन व दुग्ध व्यवसाय डॉ. अनिल तांबे, जिल्हा नियोजन अधिकारी दिलीप पवार, पोलीस उपायुक्त अश्विनी पाटील, उप प्रादेशिक परिवहन अधिकारी अत्तिक मुलानी, महापालिकेचे मंडई नियंत्रण अधिकार...

**बार्शी : डॉ. संजय अंधारे यांच्या सुश्रुत हॉस्पिटलचा नोंदणी प्रमाणपत्र रद्द करण्याची नोटीस**  **KDM NEWS प्रतिनिधी बार्शी**सोलापूर : बार्शी येथील गट क्र. ८३९, अलीपुर रोडवरील सुश्रुत मल्टीस्पेशालिटी हॉस्पिटलचे बॉम्बे नर्सिंग होम रजिस्ट्रेशन प्रमाणपत्र रद्द करण्याची प्रक्रिया सुरू झाली आहे. जिल्हा शल्यचिकित्सक, सोलापूर यांनी डॉ. संजय श्रीधर अंधारे यांना यासंदर्भात नोटीस बजावली आहे. जिल्हा शल्यचिकित्सक डॉ. वर्षा डोईफोडे यांच्या स्वाक्षरीने १८ मे २०२६ रोजी जारी करण्यात आलेल्या नोटीसमध्ये म्हटले आहे की, श्री. संदीप चतुर्भुज सुतार यांनी १० फेब्रुवारी २०२६ रोजी केलेल्या तक्रारीनुसार कारवाई सुरू करण्यात आली आहे. ग्रामीण रुग्णालय, बार्शी येथील वैद्यकीय अधीक्षकांनीही या प्रकरणी अहवाल सादर केला आहे. **मुख्य उल्लंघने :** - बॉम्बे नर्सिंग होम रजिस्ट्रेशन अॅक्ट १९४९ कलम ५ अंतर्गत अग्निशमन विभागाचे ‘नो ऑब्जेक्शन सर्टिफिकेट’ (NOC) सादर न केल्याचे आरोप आहेत. - जानेवारी २०२६ ते डिसेंबर २०२६ या कालावधीचे अग्निसुरक्षा प्रमाणपत्र सादर न केल्याचेही निदर्शनास आले आहे. - मुंबई उच्च न्यायालयात...

**बार्शीत मोटारसायकल ‘कट’च्या वादातून हिंसक मारहाण; दोन तरुण जखमी**  **KDM NEWS बार्शी (प्रतिनिधी):** किरकोळ वादातून बार्शी शहरात पुन्हा एकदा तरुणांमधील हिंसाचार समोर आला आहे. मोटारसायकलला कट मारल्याच्या आरोपावरून तिघांनी दोन तरुणांना रस्त्यात अडवून दगडाने मारहाण केल्याची घटना मलिक चौकात घडली. या प्रकरणी बार्शी शहर पोलिसांत तिन्ही आरोपींविरुद्ध गुन्हा दाखल करण्यात आला आहे. १५ मे रोजी रात्री साडेदहाच्या सुमारास ही घटना घडली. उबेद शहानवाज तांबोळी (१८, रा. बार्शी) व त्याचा मित्र साईम शाहीद सय्यद हे क्षीरसागर टर्फ येथे क्रिकेट खेळून इलेक्ट्रिक दुचाकीवर घरी परतत होते. परांडा रोडवरील मलिक चौकातील अजिंठा कलेक्शनसमोर त्यांना रेहान बाबुडे, यासिर तुटके व शोएब मिर्झा यांनी अडवले. आरोपींनी “तू आम्हाला कट का मारलास?” असा प्रश्न विचारत शिवीगाळ सुरू केली. त्यानंतर त्यांनी दोघांना लाथाबुक्क्यांनी मारहाण केली. वाद अधिक तीव्र झाल्यावर आरोपींनी दगड फेकले. यात उबेद तांबोळीच्या पाठीवर तर साईम सय्यदच्या बरगडीवर दगड लागल्याने दोघे जखमी झाले. आरोपींनी जीवे मारण्याची धमकीही दिल्याची फिर्यादीत न...