**अतिवृष्टी-पुरामुळे ६५ लाख हेक्टर पिकांचे नुकसान; २८२ तालुक्यांसाठी शासनाचा विशेष मदत योजना**

**अतिवृष्टी-पुरामुळे ६५ लाख हेक्टर पिकांचे नुकसान; २८२ तालुक्यांसाठी शासनाचा विशेष मदत योजना** 

**KDM NEWS प्रतिनिधी **, दि. ११ ऑक्टोबर : जून ते सप्टेंबर २०२५ या कालावधीत राज्यभर कोसळलेल्या मुसळधार पावसाने, पूरपरिस्थितीने आणि इतर नैसर्गिक आपत्तींमुळे शेती, मालमत्ता आणि पायाभूत सुविधांना मोठा फटका बसला. या पार्श्वभूमीवर महाराष्ट्र शासनाने २५१ तालुक्यांना पूर्णतः आणि ३१ तालुक्यांना अंशतः अतिवृष्टीग्रस्त म्हणून घोषित करून बाधितांसाठी विशेष मदत पॅकेज जाहीर केले आहे. यात दुष्काळासारख्या परिस्थितीत मिळणाऱ्या सवलतींचाही समावेश आहे, अशी माहिती मदत व पुनर्वसन मंत्री मकरंद जाधव-पाटील यांनी आज दिली.

या आपत्तीमुळे शेतकऱ्यांच्या पिकांचे प्रचंड नुकसान, शेतजमिनी वाहून जाणे, घरे कोसळणे, पशुधनाची हानी आणि मालमत्तेचे मोठे नुकसान झाले. तातडीने दिलासा देण्यासाठी शासनाने हे पॅकेज लागू केले असून, त्यात बाधित पिकांसाठी भरपाई, शेती पुनर्वसन, घर दुरुस्ती, जनावरांच्या नुकसानीसाठी मदत, मत्स्यव्यवसायाला चालना आणि पायाभूत सुविधा सुधारणा यांचा समावेश आहे. "या योजनांमुळे बाधितांना लवकरच स्थिरता मिळेल आणि शेती-व्यवसाय पुन्हा उभे राहतील," असा विश्वास मंत्र्यांनी व्यक्त केला.

जून ते सप्टेंबर काळात २५१ पूर्ण बाधित आणि ३१ अंशतः बाधित तालुक्यांत पिकांच्या नुकसानीचे तात्काळ पंचनामे पूर्ण झाले. जून-ऑगस्टमध्ये २६.६९ लाख हेक्टर तर सप्टेंबरमध्ये जवळपास ३९ लाख हेक्टर असे एकूण सुमारे ६५ लाख हेक्टर क्षेत्रावरील शेतपीके उद्ध्वस्त झाली. या नुकसानीच्या आधारे शासन निर्णय जारी करण्यात आला असून, बाधितांना तातडीने अनुदान आणि सवलती मिळणार आहेत. विशेषतः दुष्काळग्रस्तांसारख्या योजनांद्वारे कर्जमाफी, विमा दावे आणि इतर सोयी उपलब्ध होणार आहेत.

या निर्णयामुळे लाखो शेतकरी-कष्टकरी कुटुंबांना फौजदारी मिळेल आणि राज्याच्या ग्रामीण अर्थव्यवस्थेला बळकटी येईल, असा अपेक्षित परिणाम आहे. शासनाने अधिकृतपणे जाहीर केलेल्या या पॅकेजचा लाभ घेण्यासाठी बाधितांनी स्थानिक प्रशासनाकडे त्वरित अर्ज करावेत, असे आवाहन मंत्र्यांनी केले.

KDM NEWS प्रतिनिधी