**बार्शीत दुपारी धाडसी चोरी: महिलेचे 60,000 रुपये किंमतीचे सोन्याचे मिनीगंठण लंपास**
**बार्शीत दुपारी धाडसी चोरी: महिलेचे 60,000 रुपये किंमतीचे सोन्याचे मिनीगंठण लंपास**
**KDM NEWS प्रतिनिधी**बार्शी, दि. 22 जून 2025**: बार्शी तालुक्यातील जामगाव (आ) येथे आज दुपारी 12:30 वाजता एक धक्कादायक चोरीची घटना घडली. दोन अनोळखी व्यक्तींनी स्वतःला पोलिस असल्याचे भासवून मनिषा हणमंत भिवरकर (वय 40) यांच्या मुलीचे 12 ग्रॅम वजनाचे, 60,000 रुपये किंमतीचे सोन्याचे मिनीगंठण हातचालाखीने लंपास केले. ही घटना बार्शी-लातूर बायपास रोडवर, गणेश बळीराम एरंडे यांच्या माऊली नर्सरीजवळ घडली. बार्शी तालुका पोलिस ठाण्यात तक्रार दाखल झाली असून, पोलिसांनी तपास सुरू केला आहे.
**घटनाक्रम**
मनिषा आणि त्यांची मुलगी आदिती माऊली नर्सरीतून गुलाबाची रोपे घेऊन पायी घरी परतत होत्या. यावेळी काळ्या मोटारसायकलवर आलेल्या दोन इसमांनी त्यांना अडवले. स्वतःला पोलिस सांगून त्यांनी परिसरात चेकिंग सुरू असल्याचे आणि मंदिरात दागिने चोरीला गेल्याचे खोटे नाटक केले. आदितीने गळ्यातील मिनीगंठण काढून मनिषा यांच्याकडे दिले. एका इसमाने ते सोने कागदात गुंडाळण्याच्या बहाण्याने घेतले आणि हातचालाखीने नकली अंगठी असलेली कागदाची पुडी आदितीच्या ओढणीला बांधली. “पुडी उघडू नका,” असे सांगून दोघे जामगावच्या दिशेने पसार झाले.
**फसवणूक उघड**
घरी पोहोचल्यावर पुडी उघडताच नकली अंगठी दिसली. फसवणूक झाल्याचे लक्षात येताच मनिषा आणि त्यांचे दिर तुकाराम यांनी पोलिस ठाण्यात धाव घेतली. तक्रारीनुसार, चोरीलेले मिनीगंठण 12 ग्रॅमचे आणि पिवळ्या सोन्याचे आहे.
**पोलिस कारवाई**
पोलिसांनी घटनास्थळाची पाहणी करून सीसीटीव्ही फुटेज तपासण्यास सुरुवात केली. संशयितांचा शोध घेण्यासाठी विशेष पथके रवाना झाली आहेत. पोलिसांनी नागरिकांना अनोळखी व्यक्तींवर विश्वास ठेवण्यापूर्वी सावध राहण्याचे आवाहन केले आहे.
KDM NEWS प्रतिनिधी
.
