**सेनापती कापशीत शिक्षकाची विद्यार्थिनीशी छेडछाड; ग्रामस्थांचा संताप, मारहाण, बरखास्त आणि अटक**
**सेनापती कापशीत शिक्षकाची विद्यार्थिनीशी छेडछाड; ग्रामस्थांचा संताप, मारहाण, बरखास्त आणि अटक**
**KDM NEWS प्रतिनिधी**कोल्हापूर, दि. २ जुलै २०२५**: कागल तालुक्यातील सेनापती कापशी येथील जस्टिस रानडे शाळेत सहायक शिक्षक निसार मुल्ला (वय ५५) याने अल्पवयीन विद्यार्थिनीशी छेडछाड केल्याची घटना आज सकाळी १०:४० वाजता उघडकीस आली. संतप्त ग्रामस्थांनी आणि पालकांनी मुल्लाला शाळेच्या आवारात मारहाण करत मुरगुड पोलिसांच्या स्वाधीन केले. शाळा प्रशासनाने त्याला तात्काळ बरखास्त केले, तर पोलिसांनी POCSO कायद्यांतर्गत गुन्हा दाखल करून अटक केली.
मुल्ला गेल्या काही दिवसांपासून विद्यार्थिनीशी असभ्य वर्तन करत होता. आजच्या घटनेनंतर विद्यार्थिनीने पालकांना सांगितले, त्यांनी शाळेत धाव घेतली आणि मुल्लाला जाब विचारला. बातमी गावात पसरताच ग्रामस्थांनी शाळेत गर्दी करत मुल्लाला मारहाण केली. गावाने बाजारपेठ बंद ठेवत निषेध फेरी काढली. मुल्लाने यापूर्वी मुरगुड येथील शाळेतही असेच कृत्य केल्याचे उघड झाले आहे.
राज्याचे मंत्री हसन मुश्रीफ यांनी पोलिसांना कठोर कारवाईचे आदेश दिले. मुरगुड पोलिसांनी तपास सुरू केला असून, मुल्लाच्या पार्श्वभूमीची चौकशी करत आहेत. शाळा प्रशासनाने निवेदनात सांगितले, “मुल्लाला बरखास्त केले असून, विद्यार्थ्यांच्या सुरक्षेला प्राधान्य देऊ.”
या घटनेने परिसरात खळबळ उडाली असून, शिक्षकांच्या नियुक्ती तपासणी आणि शाळांच्या सुरक्षाव्यवस्थेवर प्रश्न उपस्थित झाले आहेत. पोलिसांनी शांततेचे आवाहन केले आहे.
KDM NEWS प्रतिनिधी
