**बार्शी: प्रतिबंधित अन्न पदार्थांचा साठा जप्त, सात जणांविरुद्ध गुन्हा दाखल**
**बार्शी: प्रतिबंधित अन्न पदार्थांचा साठा जप्त, सात जणांविरुद्ध गुन्हा दाखल**
**KDM NEWS प्रतिनिधी**बार्शी, दि. ३१ जुलै २०२५**: बार्शी येथे अन्न व औषध प्रशासनाच्या पथकाने दोन व्यापारी पेढ्यांवर धाड टाकून १ लाख ५८ हजार ५२४ रुपयांचा प्रतिबंधित अन्न पदार्थांचा साठा जप्त केला आहे. या प्रकरणी सात जणांविरुद्ध बार्शी पोलिस ठाण्यात गुन्हा दाखल करण्यात आला असून, शहर पोलीस स्टेशनला FIR नोंदवण्यात आला आहे.
सहायक आयुक्त (अन्न) साहेबराव देसाई यांच्या नेतृत्वाखाली अन्न सुरक्षा अधिकारी चन्नवीर स्वामी आणि उमेश भुसे यांच्या पथकाने गुरुवारी (३१ जुलै २०२५) बार्शी येथील दोन व्यापारी पेढ्यांवर अचानक धाड टाकली. यामध्ये लता टॉकीज शेजारील रिझवान रहिमान तांबोळी यांच्या मालकीचे ए.एच. ट्रेडर्स आणि गणपती मंदिराजवळील आडवा रस्त्यावरील किरण शंकर कल्याणी यांच्या मालकीचे गजानन ट्रेडर्स या पेढ्यांचा समावेश आहे. या धाडीत बादशाह, के.आर. गुटखा, आर.एम.डी. पान मसाला, विमल पान मसाला, डायरेक्टर, सुगंधित सुपारी आदी प्रतिबंधित अन्न पदार्थांचा साठा जप्त करण्यात आला. जप्त केलेल्या मालमत्तेची एकूण किंमत १,५८,५२४ रुपये आहे.
या कारवाईनंतर अन्न सुरक्षा अधिकारी चन्नवीर स्वामी यांनी पुढील तपास करून रिझवान रहिमान तांबोळी, किरण शंकर कल्याणी, तसेच पुरवठादार तांबोळी, शेख, मिलन, राम डोंबे आणि आणखी एका तांबोळी यांच्याविरुद्ध बार्शी पोलिस ठाण्यात फिर्याद दाखल केली. सदर कारवाई अन्न व औषध प्रशासन, सोलापूरच्या मार्गदर्शनाखाली पूर्ण करण्यात आली.
सहायक आयुक्त साहेबराव देसाई यांनी सांगितले की, “प्रतिबंधित अन्न पदार्थांच्या विक्रीवर कडक कारवाई सुरू आहे. नागरिकांच्या आरोग्याशी खेळणाऱ्यांवर कायदेशीर कारवाई केली जाईल.” ही कारवाई अन्न सुरक्षा कायद्यांतर्गत करण्यात आली असून, पुढील तपास बार्शी पोलिस ठाणे करत आहे.
KDM NEWS प्रतिनिधी
टिप्पण्या