**बार्शीतील व्यापाऱ्याचा ४१ कोटींचा जीएसटी घोटाळा: जामीन फेटाळला**

**बार्शीतील व्यापाऱ्याचा ४१ कोटींचा जीएसटी घोटाळा: जामीन फेटाळला** 

**KDM NEWS प्रतिनिधी प्रतिनिधी | सोलापूर, २ जुलै २०२५*बार्शी येथील व्यापारी नीलेश केवलचंद जैन (परमार) यांनी महावीर सेल्स कॉर्पोरेशन आणि महावीर एंटरप्रायझेस या दोन संस्थांमार्फत १४६ कोटींचे संशयास्पद व्यवहार केले. मालाचा पुरवठा न करता बनावट बिलांद्वारे ४१ कोटींचा जीएसटी बुडवल्याचा आरोप त्यांच्यावर आहे. जीएसटी विभागाने नोटीस बजावल्यानंतर जैन यांनी सोलापूर जिल्हा न्यायालयात अटकपूर्व जामिनासाठी अर्ज केला, परंतु मंगळवारी (१ जुलै २०२५) तो फेटाळण्यात आला.

जीएसटी अधिकारी दिनेश नकाते यांनी छापा टाकून कागदपत्रे तपासली, ज्यामुळे फसवणूक उघड झाली. वरिष्ठ अधिकारी सुधीर चेके यांनी जैन यांचे बँक खाते सील केले, तसेच दोन्ही संस्थांची जीएसटी नोंदणी रद्द केली. जीएसटी विभागातर्फे अॅड. महेश झंवर यांनी बाजू मांडली, तर जैन यांनी अॅड. शशी कुलकर्णी आणि अॅड. गुरुदत्त बोरगांवकर यांच्यामार्फत जामिनासाठी प्रयत्न केले. प्रकरणाच्या गंभीरतेमुळे न्यायालयाने जामीन नाकारला.

राज्य जीएसटी विभागाची २०२५ मधील ही दुसरी मोठी कारवाई आहे. यापूर्वी दोन व्यापारी बंधूंवरही अशीच कारवाई झाली होती. तपास सुरू आहे.

KDM NEWS प्रतिनिधी