**मुंबई: १०६ पोलिसांना राज्यपालांकडून शौर्य आणि सेवा पदकांचा सन्मान**

**मुंबई: १०६ पोलिसांना राज्यपालांकडून शौर्य आणि सेवा पदकांचा सन्मान** 

**KDM NEWS प्रतिनिधी**मुंबई, दि. २९ जुलै २०२५: महाराष्ट्रातील १०६ पोलिस अधिकारी आणि कर्मचाऱ्यांना त्यांच्या शौर्य, उल्लेखनीय सेवा आणि गुणवत्तापूर्ण कार्यासाठी राज्यपाल सी. पी. राधाकृष्णन यांच्या हस्ते आज पोलीस शौर्य पदक, राष्ट्रपती पोलीस पदक आणि गुणवत्तापूर्ण सेवेसाठी पोलीस पदक प्रदान करण्यात आले. राजभवनातील दरबार हॉल येथे आयोजित भव्य सोहळ्यात २०२२ व २०२३ च्या स्वातंत्र्य दिनी तसेच २०२३ व २०२४ च्या प्रजासत्ताक दिनी जाहीर झालेली पदके वितरित करण्यात आली.

या सोहळ्यास उपमुख्यमंत्री एकनाथ शिंदे, गृह (शहरे) राज्यमंत्री योगेश कदम, पोलिस महासंचालक रश्मी शुक्ला, वरिष्ठ पोलिस अधिकारी, सेवानिवृत्त कर्मचारी आणि पुरस्कारप्राप्त पोलिसांचे कुटुंबीय उपस्थित होते. राज्यपालांनी पोलिसांच्या धैर्य आणि समर्पणाचे कौतुक करत त्यांच्या कार्यामुळे समाजात सुरक्षितता आणि विश्वास निर्माण होत असल्याचे नमूद केले.

पदकप्राप्त पोलिसांनी प्रतिकूल परिस्थितीत शौर्य आणि दीर्घकालीन सेवेतून समाजात बदल घडवला. उपमुख्यमंत्री शिंदे यांनी पोलिसांच्या कर्तव्यनिष्ठेला सलाम केला, तर पोलिस महासंचालक शुक्ला यांनी उत्कृष्ट कार्य पुढे सुरू ठेवण्याचे आवाहन केले. या पुरस्कारांनी पोलिस दलाचे मनोबल उंचावले असून, त्यांच्या सेवेचा गौरव करणारा हा सोहळा प्रेरणादायी ठरला.

KDM NEWS प्रतिनिधी