**मुंबई उच्च न्यायालयाचा कोल्हापूर येथे खंडपीठ स्थापनेचा निर्णय**

**मुंबई उच्च न्यायालयाचा कोल्हापूर येथे खंडपीठ स्थापनेचा निर्णय** 

**KDM NEWS प्रतिनिधी**मुंबई, २ ऑगस्ट २०२५**: मुंबई उच्च न्यायालयाने कोल्हापूर येथे खंडपीठ स्थापन करण्याचा महत्त्वपूर्ण निर्णय घेतला आहे. उच्च न्यायालयाचे मुख्य न्या. अलोक अराधे यांनी राज्य पुनर्रचना अधिनियम, १९५६ च्या कलम ५१ (३) अंतर्गत मिळालेल्या अधिकारांचा वापर करत आणि महाराष्ट्र राज्यपालांच्या मंजुरीने कोल्हापूर येथे उच्च न्यायालयाचे न्यायाधीश आणि खंडपीठ बसण्यासाठी १८ ऑगस्ट २०२५ पासून अधिकृत जागा म्हणून नियुक्ती केली आहे.

महाराष्ट्र शासन राजपत्राच्या असाधारण भाग चार-क, दिनांक १ ऑगस्ट २०२५ मध्ये प्रसिद्ध झालेल्या अधिसूचनेनुसार, या निर्णयाची अंमलबजावणी १८ ऑगस्ट २०२५ पासून होणार आहे. या निर्णयामुळे कोल्हापूर आणि परिसरातील नागरिकांना उच्च न्यायालयीन कामकाजासाठी मुंबई येथे जाण्याची गरज कमी होईल, तसेच स्थानिक पातळीवर न्यायप्रक्रिया अधिक सुलभ आणि गतिमान होईल.

कोल्हापूर येथील खंडपीठ स्थापनेमुळे पश्चिम महाराष्ट्रातील खटल्यांचा निपटारा जलद गतीने होण्यास मदत होईल. यामुळे वकिलांना आणि पक्षकारांना स्थानिक पातळीवर उच्च न्यायालयीन सुनावणीचा लाभ घेता येणार आहे. हा निर्णय न्यायप्रक्रियेच्या विकेंद्रीकरणाच्या दिशेने एक महत्त्वाचे पाऊल मानला जात आहे.

KDM NEWS प्रतिनिधी