**दुबई-अबू धाबीतील अतिश्रीमंतांची धावपळ: इराणी हल्ल्यांमुळे खासगी जेटसाठी ३.५ लाख डॉलर (३.२ कोटी रुपये) द्यावे लागणार**

*दुबई-अबू धाबीतील अतिश्रीमंतांची धावपळ: इराणी हल्ल्यांमुळे खासगी जेटसाठी ३.५ लाख डॉलर (३.२ कोटी रुपये) द्यावे लागणार* 

*KDM NEWS प्रतिनिधी : दुबई आणि अबू धाबीतील अतिश्रीमंत उद्योगपती, जागतिक वित्त कंपन्यांचे वरिष्ठ अधिकारी तसेच सुट्टीवर आलेले श्रीमंत नागरिक इराणच्या मिसाइल आणि ड्रोन हल्ल्यांमुळे घाबरले आहेत. अमेरिका आणि इस्त्राईल यांनी इराणवर शनिवारी समन्वयित हल्ले (ऑपरेशन एपिक फ्युरी) केल्यानंतर इराणने गल्फ प्रदेशात प्रत्युत्तर दिले. यात दुबईतील फेअरमाँट द पाम हॉटेलवर मलबा पडून आग लागली. दुबई विमानतळावर मलबा आणि स्फोटांच्या बातम्यांमुळे उड्डाणे विस्कळीत झाली आहेत.

या पार्श्वभूमीवर श्रीमंत लोक आपल्या लक्झरी व्हिल्स, महागड्या कार्स मागे सोडून पळ काढण्याच्या तयारीत आहेत. खासगी सुरक्षा कंपन्यांकडे कॉल्सचा पूर आला आहे. प्रत्येकजण फक्त एकच मागणी करत आहे – येथून बाहेर काढा, किताही पैसा देऊ.

प्रायव्हेट जेट ब्रोकरेज कंपनी विमाना प्रायव्हेटचे सीईओ अमीरह नरन यांनी स्पष्ट केले, “सध्या गल्फ सोडण्यासाठी सौदी अरेबिया हाच एकमेव खरा पर्याय शिल्लक आहे.” दुबई-अबू धाबीहून रियाधपर्यंत १० तासांचा रस्त्याचा प्रवास करून तेथून युरोपसाठी खासगी विमान पकडणे हा एकमेव मार्ग उरला आहे. रियाध विमानतळ अद्याप सुरू असून, सौदीने व्हिसा नियम सुलभ केल्याने अनेक राष्ट्रियांसाठी ऑन-अरायव्हल व्हिसा उपलब्ध आहे.

सुरक्षा कंपनी अल्मा रिस्कचे ऑपरेशन्स डायरेक्टर इयान मॅककॉल म्हणाले, “कुटुंबे, व्यक्ती आणि कॉर्पोरेट कंपन्यांकडून आमच्याकडे मोठ्या संख्येने कॉल्स येत आहेत. काहींना जीवितहानीची भीती वाटतेय तर काहींना व्यवसाय चालू ठेवण्यासाठी बाहेर जाणे गरजेचे आहे.”

मागणी इतकी वाढली आहे की, रियाधहून युरोपपर्यंतच्या छोट्या खासगी उड्डाणाचे भाडे आता ३५०,००० डॉलर (सुमारे ३.२ कोटी रुपये) पर्यंत गेले आहे. काही तासांपूर्वीही हे दर कमी होते, पण विमाने मर्यादित आणि पळणारे जास्त असल्याने दर तासाला वाढत आहेत. सुरक्षा कंपन्या आता एसयूव्ही फ्लीट्स बुक करून श्रीमंतांना रस्त्याने रियाधपर्यंत नेत आहेत.

दुबईला गेल्या काही वर्षांत परदेशी श्रीमंतांचे केंद्र बनले होते. आता तेच शहर हल्ल्यांच्या छायेत आहे. श्रीमंत लोक आपल्या कोट्यवधींच्या मालमत्ता सोडून फक्त जीव वाचवण्यासाठी धावत आहेत. गल्फमध्ये हवाई वाहतूक विस्कळीत झाल्याने रियाध हीच सुरक्षित खिडकी उरली आहे.

KDM NEWS प्रतिनिधी