**गुळपोळीची भैरवनाथ यात्रा: २ एप्रिलपासून चार दिवसांचा धार्मिक उत्साह!*

**गुळपोळीची भैरवनाथ यात्रा: २ एप्रिलपासून चार दिवसांचा धार्मिक उत्साह!*  

**KDM NEWS प्रतिनिधी बार्शी**:बार्शी तालुक्यातील गुळपोळी येथील ग्रामदैवत श्री भैरवनाथ (जोगेश्वरी) महाराजांची यात्रा गुरुवार, २ एप्रिल २०२६ पासून चार दिवस मोठ्या उत्साहात साजरी होणार आहे. महाराष्ट्रातील प्रमुख तीर्थक्षेत्र म्हणून ओळखल्या जाणाऱ्या या गावात चैत्र पौर्णिमेच्या मुहूर्तावर यात्रेला प्रारंभ होईल.

यात्रेची सुरुवात शुध्द चैत्र पौर्णिमेला मध्यरात्री श्री भैरवनाथ देवाला पुरणपोळीचा नैवेद्य देऊन होणार आहे. सकाळी ९ वाजता गुळाच्या शेरण्या देवास न्याहाळण्यास सुरुवात होईल. गाजत-गाजत भैरवनाथाची काठी घेऊन शेरण्या न्याहाळल्या जातील. सायंकाळी मंदिरात भैरवनाथाची आरती होईल. गावातील भाविकांसह बाहेरगावाहून आलेले भक्त मोठ्या संख्येने उपस्थित राहतील. दररोज मंदिरात महाप्रसाद वाटप सुरू असून, भक्तांची मोठी गर्दी असते.

**यात्रेचा कार्यक्रम**  

२ एप्रिल २०२६ : सकाळी ६ वाजता हनुमान जन्मोत्सव, सकाळी १० वाजता शेरणी कार्यक्रम, सायंकाळी ७ वाजता धुमधडाका ऑर्केस्ट्रा.  

३ एप्रिल २०२६ : सकाळी ७ वाजता कोरफळे ते गुळपोळी भव्य रथोत्सव, रात्री ९ वाजता छबीना व सोंगांचा पारंपरिक कार्यक्रम.  

४ एप्रिल २०२६ : दुपारी ३ वाजता जंगी कुस्ती मैदान, नामवंत मल्ल सहभागी.  

५ एप्रिल २०२६ : सायंकाळी ७ वाजता नादखुळा ऑर्केस्ट्रा व यात्रेची सांगता.

दुसऱ्या दिवशी सायंकाळी मानकरी मालवंडीहून मानाची काठी घेऊन येणार असून, कोरफळे गावातील भाविकांना आबीलचा गाडा किंवा माठ दिला जाईल. भाविक भक्तीभावाने भैरवनाथाच्या दर्शनासाठी येतात.

यात्रा कमिटी व ग्रामस्थांच्या वतीने “माझं गाव... माझी यात्रा...” या भावनेतून आयोजित केलेल्या या उत्सवात सर्व भाविकांचे हार्दिक स्वागत करण्यात येत आहे. धार्मिक विधींसह करमणूक, खेळ आणि सांस्कृतिक कार्यक्रमांचा समावेश असलेला हा चार दिवसीय उत्सव गुळपोळीच्या शतकानुशतकांच्या परंपरेला साजेसा असेल.

KDM NEWS प्रतिनिधी