**NEET-UG २०२६ पेपर लीक: लातूरमध्ये डॉक्टरच्या घरी CBI धाड, कोचिंग सेंटरचा मालकही अडकला**

**NEET-UG २०२६ पेपर लीक: लातूरमध्ये डॉक्टरच्या घरी CBI धाड, कोचिंग सेंटरचा मालकही अडकला**

**KDM NEWS प्रतिनिधी लातूर (प्रतिनिधी) :** NEET-UG २०२६ परीक्षेच्या पेपर लीक प्रकरणात सीबीआयने लातूरमध्ये मोठी कारवाई केली आहे. परीक्षेच्या १० दिवस आधीच प्रश्नपत्रिका मिळाल्याच्या संशयावरून एका डॉक्टरच्या घरी सीबीआयच्या पथकाने धाड घातली. या ठिकाणी सुमारे तीन तास चौकशी करण्यात आली. 

सीबीआय सूत्रांनी दिलेल्या माहितीनुसार, लातूरमधील काही नामवंत डॉक्टरांनी कथितरित्या लीक झालेला पेपर खरेदी केल्याचा संशय व्यक्त करण्यात आला आहे. रेनुकाई केमिस्ट्री क्लासेस (आरसीसी) या प्रसिद्ध कोचिंग सेंटरशी संबंधित या प्रकरणात CBI ची टीम लातूरमध्ये सक्रिय आहे. कोचिंग सेंटर चालक शिवराज रघुनाथ मोटेगावकर यांच्या मोबाइलवरून लीक पेपर आणि उत्तरकुंजी आढळून आल्याने हे प्रकरण अधिक गंभीर बनले आहे. 

सूत्रांकडून मिळालेल्या माहितीनुसार, २३ एप्रिलला आरोपींना पेपर मिळाला होता, तर परीक्षा ३ मे रोजी झाली. या प्रकरणात सीबीआयने आधीच काही अटक केल्या आहेत. लातूरमधील डॉक्टर आणि कोचिंग क्षेत्रातील व्यक्तींना या गँगशी संबंध असल्याचा तपास सुरू आहे. 

सीबीआय पथकाने रविवारी आरसीसी कार्यालय आणि संबंधित ठिकाणी झडती घेतली. या कारवाईतून पेपर लीकचा मोठा नेटवर्क उघड होण्याची शक्यता आहे. अधिक तपास सुरू असून, लवकरच आणखी काही अटक होण्याची शक्यता वर्तवली जात आहे. 

या प्रकारामुळे विद्यार्थी आणि पालकांमध्ये संतापाचे वातावरण आहे. परीक्षेच्या पारदर्शकतेवर प्रश्नचिन्ह निर्माण झाले आहे.

KDM NEWS प्रतिनिधी