**बार्शी : हद्दपार इसम तथागत मुकेश मस्के याला रात्री २.४० वाजता अटक**

**बार्शी : हद्दपार इसम तथागत मुकेश मस्के याला रात्री २.४० वाजता अटक** 

**KDM NEWS प्रतिनिधी बार्शी (सोलापूर) : बार्शी शहर पोलिसांनी हद्दपार आदेशाचा भंग केल्याप्रकरणी तथागत मुकेश मस्के (वय २४, रा. भिमनगर, बार्शी) यास रविवारी पहाटे २.४० वाजता पाण्याच्या टाकीजवळ, भिमनगर परिसरातून ताब्यात घेतले. 

महाराष्ट्र पोलीस कायदा कलम १४२ अंतर्गत बार्शी शहर पोलीस ठाण्यात सरकारी फिर्याद दाखल करण्यात आली आहे. 

फिर्यादी पो.कॉ. ७८७ अविनाश धिरू पवार यांनी दिलेल्या माहितीनुसार, ५ मे २०२६ रात्री ११ वाजता ते व त्यांच्या सहकाऱ्यांसह (पो.नि. सो., हवालदार बहिरे, चौधरी, माळी) शहरात पेट्रोलिंग करत होते. त्यावेळी बातमीदाराकडून मिळालेल्या माहितीवरून भिमनगर परिसरात हद्दपार इसम आल्याचे समजताच पथकाने तेथे धाव घेतली. 

तथागत मुकेश मस्के हा ठिकाणी आढळून आला. विचारणा केल्यावर त्याने कोणतीही पूर्वपरवानगी न घेतल्याचे कबूल केले. 

**हद्दपार आदेश काय?**  

मा. उपविभागीय दंडाधिकारी, सोलापूर यांच्या क्र. हद्दपार/एसआर/१६/२०२४ सोलापूर दिनांक २ फेब्रुवारी २०२६ च्या आदेशानुसार, तथागत मुकेश मस्के यास सोलापूर व धाराशिव जिल्ह्याच्या हद्दीबाहेर सहा महिने हद्दपार करण्यात आले होते. या आदेशाची मुदत अद्याप सुरू असताना तो बार्शी शहरात आल्याने आदेशाचा स्पष्ट भंग झाला.

पोलिसांनी सदर इसमास ताब्यात घेऊन बार्शी शहर पोलीस ठाण्यात आणले. पुढील तपास बार्शी शहर पोलीस करत आहेत.

KDM NEWS प्रतिनिधी