**बार्शीचे माजी आमदार कृष्णराव उर्फ किसनराव नानासाहेब देशमुख यांचे निधन**

**बार्शीचे माजी आमदार कृष्णराव उर्फ किसनराव नानासाहेब देशमुख यांचे निधन** 

**KDM NEWS  बार्शी (प्रतिनिधी):** बार्शी उत्तर विधानसभा मतदारसंघाचे माजी आमदार कृष्णराव उर्फ किसनराव नानासाहेब देशमुख (वय ९५) यांचे आज निधन झाले. ते दीर्घकाळ आजारी होते.

१९७८ च्या विधानसभा निवडणुकीत ते भारतीय राष्ट्रीय काँग्रेसच्या तिकिटावर विजयी झाले होते. त्यांनी जनता दलाचे उमेदवार पन्नालाल सुराणा यांचा पराभव केला होता. त्यानंतर त्यांनी बार्शी तालुका पंचायत समितीचे सभापती आणि सोलापूर जिल्हा मध्यवर्ती सहकारी बँकेचे संचालक म्हणून जबाबदाऱ्या सांभाळल्या.

देशमुख यांचा राजकीय प्रवास स्थानिक स्वराज्य संस्थांपासून सुरू झाला आणि त्यांनी बार्शी व सोलापूर जिल्ह्याच्या विकासात योगदान दिले. ते साधेपणा आणि कार्यकर्त्यांशी असलेल्या जवळीकसाठी ओळखले जात होते.

त्यांच्या पश्चात एक मुलगी, दोन जावई आणि नातवंडे असा परिवार आहे. शनिवार सकाळी ९ वाजता निबूंत (ता. बारामती) येथे अंत्यसंस्कार होणार आहेत.

बार्शी व सोलापूर जिल्ह्यातील राजकीय व सामाजिक क्षेत्रात त्यांच्या निधनाने शोककळा पसरली आहे. विविध पक्षांच्या नेत्यांनी भावपूर्ण श्रद्धांजली वाहिली आहे.

KDM NEWS प्रतिनिधी