**आषाढी वारी नियोजनात प्रोटोकॉल भंग? पालकमंत्र्यांच्या पंढरपूर दौऱ्यात जि.प. अध्यक्ष दीपक वैद्य यांना निमंत्रण नाही**

**आषाढी वारी नियोजनात प्रोटोकॉल भंग? पालकमंत्र्यांच्या पंढरपूर दौऱ्यात जि.प. अध्यक्ष दीपक वैद्य यांना निमंत्रण नाही** 

**KDM NEWS प्रतिनिधी सोलापूर:** आषाढी वारी २०२६ च्या पार्श्वभूमीवर भाविकांसाठी आवश्यक सोयी-सुविधा, पालखी मार्ग, विसावा स्थळे, मुक्काम व्यवस्था आणि विकासकामांच्या तयारीची पाहणी करण्यासाठी सोलापूर जिल्ह्याचे पालकमंत्री तथा ग्रामविकास मंत्री जयकुमार गोरे यांनी २८ जून २०२६ रोजी पंढरपूर व वाखरी परिसराचा दौरा केला.

या दौऱ्यात जिल्हा प्रशासनाचे वरिष्ठ अधिकारी, जिल्हा परिषदेचे उपाध्यक्ष इंद्रजीत पवार, इतर पदाधिकारी आणि विभागीय अधिकारी उपस्थित होते. मात्र, जिल्हा परिषदेचे अध्यक्ष दीपक वैद्य यांना अधिकृत निमंत्रण किंवा निरोप न दिल्याने प्रोटोकॉलचे पालन न झाल्याचे प्रकार समोर आला आहे. जिल्हा परिषदेच्या माध्यमातून आरोग्य, स्वच्छता, पाणीपुरवठा व अन्य महत्त्वाच्या सुविधा पुरवण्यात येत असताना संस्थेच्या सर्वोच्च लोकप्रतिनिधीला डावलणे प्रशासनाच्या समन्वयावर प्रश्नचिन्ह उभे करत आहे.

**अध्यक्ष वैद्य यांची प्रतिक्रिया:**  

या प्रकरणाबाबत दीपक वैद्य यांनी स्पष्ट केले की, "मला या दौऱ्याबाबत कोणताही निरोप किंवा निमंत्रण मिळाले नाही. सन्मानाने बोलावले असते तर मी निश्चित उपस्थित राहिलो असतो. निमंत्रण नसल्याने मी जिल्हा परिषदेतच आपले कामकाज सुरू ठेवले." 

**राजकीय प्रतिक्रिया आणि मागण्या:**  

वारीसारख्या राज्यस्तरीय महत्त्वाच्या सोहळ्याच्या नियोजनात लोकप्रतिनिधी व प्रशासन यांच्यातील सुसंवाद अपेक्षित असतो. या घटनेमुळे प्रशासनातील हलगर्जीपणा की जाणीवपूर्वक दुर्लक्ष, यावर राजकीय वर्तुळात चर्चा सुरू झाली आहे. भविष्यात अशा महत्त्वाच्या पाहणी दौऱ्यांमध्ये सर्व संबंधित लोकप्रतिनिधींना विश्वासात घेण्याची मागणी जोर धरत आहे. 

जिल्हा प्रशासनाकडून याबाबत स्पष्टीकरण येणे बाकी आहे. या प्रकरणात वरिष्ठ पातळीवरून काय भूमिका घेतली जाते, याकडे सर्वांचे लक्ष लागले आहे. 

KDM NEWS प्रतिनिधी