KDMNEWSBLOGSPOT.COM

*जिल्हा परिषद आणि पंचायत समिती निवडणुकीसाठी ७ फेब्रुवारीला भरपगारी सुट्टी अनिवार्य; १२ जिल्ह्यांत मतदान, राज्य सरकारचा आदेश*  *KDM NEWS प्रतिनिधी मुंबई, दि. २ फेब्रुवारी : महाराष्ट्रातील १२ जिल्हा परिषदा आणि त्यांच्याअंतर्गत येणाऱ्या १२५ पंचायत समित्यांच्या सार्वत्रिक निवडणुकीसाठी शनिवार, ७ फेब्रुवारी २०२६ रोजी मतदान होणार आहे. या दिवशी राज्यातील सर्व मतदारांना मतदानाचा हक्क बजावण्याची संधी मिळावी म्हणून उद्योग, आस्थापना, कारखाने आणि इतर व्यावसायिक संस्थांमधील कर्मचाऱ्यांना भरपगारी सुट्टी किंवा विशेष सवलत देणे बंधनकारक करण्यात आले आहे. उद्योग, ऊर्जा, कामगार आणि खनिकर्म विभागाने याबाबत परिपत्रक जारी केले असून, याचे उल्लंघन झाल्यास संबंधित आस्थापनांवर कारवाई होऊ शकते. राज्य निवडणूक आयोगाने मूळ कार्यक्रमानुसार ५ फेब्रुवारीला मतदान आणि ७ फेब्रुवारीला मतमोजणी जाहीर केली होती. मात्र, उपमुख्यमंत्री अजित पवार यांच्या अपघाती निधनानंतर राज्यात तीन दिवसांचा दुखवटा जाहीर झाल्याने निवडणूक कार्यक्रमात बदल करण्यात आला. आता ७ फेब्रुवारीला सकाळी ७.३० ते सायंकाळी ५.३० पर्यंत मतदान होईल, ...

*बार्शी - कर्तव्यनिष्ठ दिपाली गोरे यांना 'आदर्श मुख्याध्यापिका' पुरस्कार*  *KDM NEWS प्रतिनिधी बार्शी, दि. २ फेब्रुवारी : के.एल.ई. सोसायटी, बेळगाव संचलित सिल्व्हर ज्युबिली बालक मंदिर विभागाच्या मुख्याध्यापिका सौ. दिपाली नितीन गोरे यांना स्वामिनी बहुउद्देशीय सामाजिक संस्था, महाराष्ट्रच्या वतीने 'आदर्श मुख्याध्यापिका' पुरस्काराने सन्मानित करण्यात आले. संस्थेच्या सचिव नेहा विक्रांत पवार यांच्या हस्ते हा पुरस्कार प्रदान करण्यात आला. यावेळी पुनम वासकर, भारती चोपडे, तेजश्री स्वामी आणि दिपाली कळसकर उपस्थित होत्या. प्राथमिक शिक्षिका म्हणून शिक्षण सेवेत प्रवेश करून मुख्याध्यापिका पदापर्यंत पोहोचलेल्या दिपाली गोरे यांचा प्रवास प्रेरणादायी आहे. भगवद्गीतेच्या 'कर्मण्येवाधिकारस्ते मा फलेषु कदाचन' या श्लोकानुसार फळाची अपेक्षा न करता कर्म करत राहण्याच्या तत्त्वाने त्या कार्यरत आहेत. त्यांच्या गुणवत्तापूर्ण आणि प्रेरक कार्याने त्यांनी आदर्श शिक्षिकेची ओळख निर्माण केली आहे. गेल्या पाच वर्षांत बालक मंदिर विभागात विविध उपक्रमांद्वारे बालकांना घडवण्याचे काम त्यांनी केले...

*संपत्ती विवरण न दिलेल्या ६८ हजार सरकारी कर्मचाऱ्यांचा जानेवारीचा पगार रोखला*  *KDM NEWS प्रतिनिधी लखनौ, १ फेब्रुवारी २०२६ : उत्तर प्रदेश सरकारने भ्रष्टाचाराला शून्य सहिष्णुता दाखवत, संपत्तीचे विवरण न सादर करणाऱ्या ६८,२३६ सरकारी कर्मचाऱ्यांवर कठोर कारवाई केली आहे. या कर्मचाऱ्यांचा जानेवारी महिन्याचा पगार फेब्रुवारीत रोखण्यात आला असून, पुढील कठोर कारवाईची शक्यता आहे. मुख्य सचिव एस.पी. गोयल यांच्या सूचनेनुसार, ही कारवाई करण्यात आली असून, राज्यातील एकूण ८,६६,२६१ कर्मचाऱ्यांसाठी हे विवरण अनिवार्य होते. उत्तर प्रदेश सरकारी कर्मचारी आचार नियम, १९५६ च्या कलम २४ नुसार, प्रत्येक कर्मचाऱ्याला मनुष्य संपदा पोर्टलवर आपल्या जंगम आणि स्थावर संपत्तीचे विवरण ३१ जानेवारी २०२६ पर्यंत सादर करणे बंधनकारक होते. मात्र, एकूण कर्मचाऱ्यांच्या ८ टक्के इतक्या कर्मचाऱ्यांनी हे विवरण दिले नाही. यात तिसऱ्या श्रेणीतील ३४,९२६ कर्मचारी, चौथ्या श्रेणीतील २२,६२४, दुसऱ्या श्रेणीतील ७,२०४, पहिल्या श्रेणीतील २,६२८ आणि इतर १,६१२ कर्मचाऱ्यांचा समावेश आहे. यापैकी ८५४ कर्मचाऱ्यांनी कोणतेच विवरण दिले नव्हते. या ...

*सुनेत्रा पवार यांनी घेतली महाराष्ट्राच्या पहिल्या महिला उपमुख्यमंत्री पदाची शपथ*  *KDM NEWS प्रतिनिधी मुंबई, ३१ जानेवारी २०२६ : राष्ट्रवादी काँग्रेस पक्षाच्या (एनसीपी) नेत्या आणि राज्यसभा खासदार सुनेत्रा अजित पवार यांनी आज महाराष्ट्राच्या पहिल्या महिला उपमुख्यमंत्री म्हणून शपथ घेतली. त्यांच्या पती आणि माजी उपमुख्यमंत्री अजित पवार यांच्या २८ जानेवारी रोजी बारामतीजवळ झालेल्या विमान अपघातात झालेल्या निधनानंतर अवघ्या तीन दिवसांत ही शपथविधी पार पडला. राज्यपाल आचार्य देवव्रत यांनी लोक भवन येथे दुपारी ५ वाजता शपथ दिली, ज्यात मुख्यमंत्री देवेंद्र फडणवीस, उपमुख्यमंत्री एकनाथ शिंदे, एनसीपीचे नेते छगन भुजबळ, दिलीप वळसे पाटील आणि इतर मंत्री व नेते उपस्थित होते. ६२ वर्षीय सुनेत्रा पवार यांना आज सकाळी एनसीपीच्या विधिमंडळ पक्षाच्या बैठकीत एकमताने पक्षाचे विधिमंडळ नेते म्हणून निवडण्यात आले. छगन भुजबळ यांनी त्यांचे नाव सुचवले, तर दिलीप पाटील आणि इतर आमदारांनी त्याला अनुमोदन दिले. यानंतर पक्षाने मुख्यमंत्री फडणवीस यांना पत्र पाठवून त्यांची निवड कळवली, ज्यावरून राज्यपालांकडे शिफारस करण्य...

*सुनेत्रा पवार उद्या उपमुख्यमंत्रीपदाची शपथ घेणार? छगन भुजबळांचे स्पष्ट संकेत, राष्ट्रवादीची बैठक महत्त्वाची*  *KDM NEWS प्रतिनिधी मुंबई, ३० जानेवारी २०२६ : दिवंगत उपमुख्यमंत्री अजित पवार यांच्या निधनानंतर रिक्त झालेल्या उपमुख्यमंत्रिपदासाठी सुनेत्रा पवार यांचे नाव जवळपास निश्चित झाले असून, उद्या (३१ जानेवारी) राष्ट्रवादी काँग्रेसच्या विधिमंडळ गटाच्या बैठकीत त्यांची विधिमंडळ पक्षनेत्या म्हणून निवड होण्याची दाट शक्यता आहे. या निर्णयानंतर त्यांचा उपमुख्यमंत्रीपदाचा शपथविधीही उद्याच होऊ शकतो, असे पक्षाचे ज्येष्ठ नेते छगन भुजबळ यांनी स्पष्ट केले आहे. छगन भुजबळ म्हणाले, "अजितदादा गेले आणि ज्या पद्धतीने ते गेले ते पाहून झोप उडाली. शेवटी शो मस्ट गो ऑन. कुणाकडे तरी जबाबदारी देऊन पक्ष चालवला पाहिजे. उद्या विधान मंडळाचे सदस्य आहेत. त्यांची बैठक बोलावली आहे. त्यात विधान मंडळ प्रमुखपद अजितदादांकडे होतं, ते पद कोणाकडे द्यायचं? याबाबत निर्णय होईल. सुनेत्रा ताईंकडे पद देण्याची मागणी आहे. ते रास्त आहे. टीव्हीलाही मी ऐकत आहे. ते काही चूक आहे असं वाटत नाही. उपमुख्यमंत्री पदाची जागा रिक्...

*बार्शी (पांगरी) : प्रेमविवाहाच्या रागातून मेहुण्याकडून भाऊजीचा खून*  *KDM NEWS प्रतिनिधी पांगरी (ता. बार्शी) : प्रेमविवाहामुळे मनात राग असलेल्या मेहुण्याने बहिणीच्या पतीला हॉटेलमध्ये जेवायला बोलावून दारूच्या नशेत बियरची बाटली फोडून गळ्यावर वार करून निर्घृण खून केल्याची धक्कादायक घटना मंगळवारी (दि. २८ जानेवारी २०२६) रात्री सुमारे ८ वाजता पांगरीतील शिवनेरी हॉटेलमध्ये घडली. मृतकाचे नाव सुशील दिलीप क्षीरसागर (वय २६, रा. अरणगाव, ता. बार्शी) असे आहे. आरोपी ऋषीकेश मरीबा क्षीरसागर (मृतकाचा मेव्हणा) असून, त्याने बहिणीच्या प्रेमविवाहाचा राग मनात ठेवला होता. घटनेच्या रात्री सुशील, त्याची पत्नी रेशमा, ऋषीकेश, त्याची मैत्रीण काजल निसाळ व इतर नातेवाईक हे हॉटेलमध्ये जेवणासाठी आले होते. हॉटेलच्या मागील बाजूच्या वरच्या मजल्यावरील खोलीत जेवण करताना सुशील आणि ऋषीकेश यांच्यात दारू पिताना वाद झाला. वाद प्रेमविवाहाच्या मुद्द्यावरून तीव्र झाला. यात ऋषीकेशने हातातील बियरची बाटली फोडून सुशीलच्या गळ्यावर जोरदार वार केला. गंभीर जखमांमुळे सुशील रक्तस्त्रावाने जागीच कोसळला. हॉटेलमालक व उपस्थितांनी...

*महाराष्ट्र जिल्हा परिषद निवडणुका पुढे ढकलल्या; मतदान आता ७ फेब्रुवारीला*  *KDM NEWS प्रतिनिधी मुंबई, २९ जानेवारी २०२६  – उपमुख्यमंत्री अजित अनंतराव पवार यांच्या अपघाती निधनामुळे राज्यात तीन दिवसांचा शासकीय दुखवटा जाहीर झाल्याने १२ जिल्हा परिषदा आणि त्यांतर्गत १२५ पंचायत समित्यांच्या सार्वत्रिक निवडणुकीचा उर्वरित कार्यक्रम बदलण्यात आला आहे. राज्य निवडणूक आयोगाने आज सुधारित वेळापत्रक जाहीर केले असून, मतदान ७ फेब्रुवारी २०२६ (शनिवार) रोजी होईल. मतमोजणी ९ फेब्रुवारी (सोमवार) रोजी सकाळी १० वाजता सुरू होईल आणि निवडून आलेल्या सदस्यांची नावे ११ फेब्रुवारीपर्यंत राजपत्रात प्रसिद्ध केली जातील. मूळ कार्यक्रमानुसार मतदान ५ फेब्रुवारीला आणि मतमोजणी ७ फेब्रुवारीला होणार होती. मात्र, २८ जानेवारीला बारामतीजवळ झालेल्या विमान अपघातात अजित पवार यांच्यासह पाच जणांचा मृत्यू झाल्याने प्रचारासाठी उपलब्ध दिवस कमी पडले. उमेदवारांना शोककाळात (२८ ते ३० जानेवारी) प्रचार करणे शक्य नव्हते. त्यामुळे नियम ११(२अ) आणि १३(३) अंतर्गत बदल करण्यात आले. जिल्हाधिकाऱ्यांनी ३१ जानेवारीला सुधारित सूचना प्र...