KDMNEWS

**लातूरच्या निलंग्यात सावकारीचा भयावह प्रकार: मित्रासाठी जामीन राहिल्याने दीड लाखांच्या कर्जापायी गमावली सव्वा कोटींची पाच एकर जमीन**  **KDM NEWS प्रतिनिधी नणंद (लातूर):** मित्राच्या आर्थिक अडचणीमुळे जामीनदार राहणे एका तरुण शेतकऱ्याला चांगलेच भोवले. खासगी सावकाराने अवघ्या दीड लाख रुपयांच्या कर्जासाठी सव्वा कोटी रुपयांची पाच एकर शेती बळकावली. हा धक्कादायक प्रकार लातूर जिल्ह्यातील निलंगा तालुक्यातील नणंद गावात उघडकीस आला आहे. पीडिताचे नाव पुंडलिक भोसले आहे. पुंडलिक भोसले यांच्या एका मित्राने चार वर्षांपूर्वी खासगी सावकाराकडून दीड लाख रुपये कर्ज घेतले. पुंडलिक यांनी या कर्जासाठी जामीनदार म्हणून स्वाक्षरी केली. मित्राने कर्ज वेळेत फेडले नाही. त्यामुळे सावकाराने जामीनदार पुंडलिक यांच्यावर दबाव टाकला. व्याजावर व्याज लावत कर्जाचा डोंगर इतका वाढवला की, पुंडलिक यांना नाईलाजाने आपली पाच एकर शेती (अंदाजे सव्वा कोटी रुपये किंमत) सावकाराच्या नावावर रजिस्टर करून द्यावी लागली. जमीन सावकाराच्या नावावर केल्यानंतरही सावकाराचा तगादा थांबला नाही. त्याने अजून ७० ते ८० लाख रुपये व्याज बाकी अ...

**करमाळा-कुर्डुवाडी मार्गावर भीषण अपघात; टँकर आणि पिकअपच्या धडकेत दोन मजुरांचा मृत्यू, आठ जखमी**  **KDM NEWS प्रतिनिधी**करमाळा: करमाळा-कुर्डुवाडी रस्त्यावर वरकुटे गावच्या शिवारात गुरुवारी रात्री झालेल्या भीषण अपघातात दोन तरुण मजुरांचा मृत्यू झाला असून, आठ जण गंभीर जखमी झाले आहेत. भरधाव वेगात येणाऱ्या दुधाच्या टँकरने मजुरांना घेऊन जाणाऱ्या पिकअपला मागून जोराची धडक दिल्याने हा अपघात घडला.             अपघाताची पार्श्वभूमी पिकअप चालक योगेश शिवाजी घाडगे (रा. शिरगाव, ता. पंढरपूर) हे कासेगाव येथील द्राक्षबागेत काम करणाऱ्या मजुरांना घेऊन त्यांच्या गावी, पेठ (जि. नाशिक) येथे जात होते. रात्री ११:४० च्या सुमारास त्यांचे वाहन वरकुटे शिवारात पोहोचले असता, मागून भरधाव आलेल्या दुधाच्या टँकरने पिकअपला जोरात धडक दिली. धडक इतकी भीषण होती की पिकअपचे मोठे नुकसान झाले. मृत आणि जखमींची माहिती या अपघातात गुजरातमधील वलसाड जिल्ह्यातील नाचनखडक (ता. कापराडा) गावचे रहिवासी असलेले दीपकभाई शंकरभाई हिंड (वय १९) आणि लताबेन शंकरभाई हिंड (वय १८) या दोन तरुण मजुरांचा जागीच म...

**बार्शी नगरपरिषद प्रभाग २० : मुजम्मील पठाण यांचे नगरसेवक पद रद्द करण्याची प्रक्रिया सुरू**  **KDM NEWS बार्शी (प्रतिनिधी)** - नुकत्याच पार पडलेल्या बार्शी नगरपरिषद निवडणुकीत प्रभाग क्रमांक २० मधून शिवसेना (उद्धव बाळासाहेब ठाकरे) गटाचे मुजम्मील जहांगिर पठाण यांनी विजय मिळवला. मात्र, त्यांना तीन अपत्य असल्याने महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ च्या कलम १६ अंतर्गत ते नगरसेवक पदासाठी अपात्र ठरल्याची मागणी माजी नगरसेवक अॅड. महेश जगताप यांनी जिल्हाधिकाऱ्यांकडे केली आहे. शासनाच्या दोन अपत्य धोरणानुसार तीन किंवा अधिक अपत्य असणाऱ्या व्यक्तीला स्थानिक स्वराज्य संस्थांच्या सार्वत्रिक निवडणुकीत उमेदवारी करता येत नाही. पठाण यांनी अपत्यांची संख्या लपवून निवडणूक आयोग व शासनाची फसवणूक केल्याचा आरोप जगताप यांनी अर्जात केला आहे. यामुळे त्यांचे पद रद्द करण्याची मागणी करण्यात आली आहे. जिल्हाधिकारी कार्यालय, सोलापूर (नगरपरिषद प्रशासन शाखा) यांच्या वतीने आशिष लोकरे यांनी १ जुलै २०२६ रोजी पठाण यांना सात दिवसांत खुलासा व आवश्यक कागदपत्रांसह म्हणणे सादर करण्याची नोट...

**सावधान! बार्शीत दुचाकी चोरीच्या घटनांत वाढ; ३० हजारांची स्प्लेंडर चोरीस**  **KDM NEWS प्रतिनिधी बार्शी - शहरातील भवानी पेठ, सोलापूर रोड परिसरात घरासमोर उभी केलेली हिरो स्प्लेंडर प्लस मोटारसायकल अज्ञात चोरट्याने चोरून नेल्याची घटना ३० जून रोजी घडली.  शोहेब रियाज बागवान (वय २८, रा. भवानी पेठ, सोलापूर रोड, बार्शी) यांनी दिलेल्या फिर्यादीनुसार, ३० जून रोजी सायंकाळी साडेसहा वाजण्याच्या सुमारास त्यांनी एमएच-१३-सीव्ही-५३४४ क्रमांकाची काळ्या रंगाची हिरो स्प्लेंडर प्लस दुचाकी घरासमोर उभी करून घरात गेले. सायंकाळी ७.१० वाजता नमाज पठणासाठी बाहेर आले तेव्हा दुचाकी गायब असल्याचे त्यांच्या निदर्शनास आले. परिसरात, नातेवाईक आणि परिचितांकडे शोध घेतल्यानंतरही दुचाकीचा काही पत्ता लागला नाही. अखेर चोरी झाल्याची खात्री झाल्यावर शोहेब यांनी बार्शी शहर पोलीस ठाण्यात तक्रार दाखल केली. चोरीस गेलेली दुचाकी काळ्या रंगाची असून त्यावर लाल-निळ्या पट्टे आहेत. याची अंदाजे किंमत ३० हजार रुपये असल्याचे फिर्यादीत नमूद आहे. बार्शी शहर पोलीस ठाण्यात अज्ञात चोरट्याविरुद्ध चोरीचा गुन्हा दाखल करण्यात आल...

**महाराष्ट्र FDA ची गुटखा-पान मसाला विरोधात धडक कारवाई; दोन दिवसांत २.४१ कोटींचा साठा जप्त, १३ अटक**  **KDM NEWS प्रतिनिधी मुंबई, ३ जुलै २०२६:** अन्न व औषध प्रशासन (FDA) महाराष्ट्राने प्रतिबंधित गुटखा आणि पान मसाला विक्रीविरोधात राज्यभर विशेष मोहीम राबवली. १ आणि २ जुलै २०२६ रोजी झालेल्या या कारवाईत १५४ हॉटेल्स, रेस्टॉरंट्स आणि धाब्यांची तपासणी करण्यात आली. यात ६६ आस्थापनांना सुधारणा नोटीस बजावण्यात आल्या, तर ३२ अन्न व्यावसायिकांचे परवाने किंवा नोंदणी निलंबित करण्यात आल्या. विभागनिहाय निलंबनाची कारवाई खालीलप्रमाणे आहे:   - ठाणे: १०   - नाशिक: १०   - पुणे: ०७   - अमरावती: ०४   - छत्रपती संभाजीनगर: ०१   या मोहिमेत एकूण **२ कोटी ४१ लाख ८० हजार ५६५ रुपये** किमतीचा प्रतिबंधित गुटखा व पान मसाला जप्त करण्यात आला. १३ व्यक्तींना अटक करण्यात आली, ५ आस्थापना सील करण्यात आल्या आणि ४ वाहने जप्त करण्यात आली. नाशिकमधील हॉटेल ग्रीन वॉल येथे झालेल्या कारवाईदरम्यानचे दृश्य फारच लक्षवेधी ठरले. FDA अधिकाऱ्यांनी प्रतिबंधित उत्पादनां...

**सोलापूरच्या विकासाला 'बुस्टर डोस': उड्डाणपूल, पाणीपुरवठा आणि आयटी पार्कसह अनेक महत्त्वाचे निर्णय**  **KDM NEWS प्रतिनिधी सोलापूर,:** सोलापूर शहराच्या दीर्घकाळ प्रलंबित विकास प्रकल्पांना लवकरच गती मिळणार असून, मुख्यमंत्री देवेंद्र फडणवीस यांच्या अध्यक्षतेखालील उच्चस्तरीय बैठकीत उड्डाणपूल, १,४०० कोटींची अंतर्गत पाणीपुरवठा योजना, आयटी पार्क आणि विमानसेवा यासह अनेक महत्त्वाचे निर्णय घेण्यात आले आहेत.  बैठकीत दोन्ही उड्डाणपुलांसाठी रेल्वे, पोस्ट आणि शासकीय जागांचा प्रश्न १५ दिवसांत सोडवून ऑगस्टपूर्वी वर्क ऑर्डर देण्याचे निर्देश देण्यात आले. शासकीय जागा विनामूल्य देण्यासाठी मंत्रिमंडळास प्रस्ताव सादर करण्यात येणार आहे. पालकमंत्री जयकुमार गोरे यांनी सांगितले की, यामुळे पुढील दीड-दोन महिन्यांत प्रत्यक्ष काम सुरू होईल.  शहरातील अंतर्गत पाणीपुरवठा योजनेसाठी १,४०० कोटींच्या प्रकल्पाची निविदा १५ सप्टेंबरपर्यंत काढून ३० नोव्हेंबरपूर्वी वर्क ऑर्डर देण्याचे निर्देश देण्यात आले. पाकणी जलशुद्धीकरण प्रकल्पावरील अडथळे दूर झाले असून, केंद्राकडे प्रस्ताव पाठवण्यात आला आहे. शहराल...

**सावधान! उघड्यावर जैववैद्यकीय कचरा टाकल्यास भरावा लागणार दंड; पिंपरी महापालिकेचा धडा**  **KDM NEWS प्रतिनिधी पिंपरी-चिंचवड, ७ जून २०२६:** पिंपरी-चिंचवड महानगरपालिकेच्या ‘क’ क्षेत्रीय कार्यालयाने चिखली परिसरात उघड्यावर जैववैद्यकीय कचरा टाकण्याच्या प्रकरणी कठोर कारवाई केली आहे. प्रभाग क्रमांक २, सेक्टर १३ येथे आढळलेल्या मोठ्या प्रमाणातील कचऱ्याबाबत संबंधितांना ३५ हजार रुपयांचा दंड ठोठावण्यात आला. महापालिकेच्या आरोग्य विभागाच्या तपासणीत या ठिकाणी नियमबाह्य कचरा टाकल्याचे स्पष्ट झाले. जैववैद्यकीय कचऱ्यात संसर्गजन्य वस्तू, इंजेक्शन्स, सिरिंजेस आणि इतर वैद्यकीय अवशेष असल्याने परिसरातील प्रदूषण वाढण्याबरोबरच नागरिकांच्या आरोग्याला गंभीर धोका निर्माण झाला होता. या कचऱ्यामुळे डास, माश्या यांसारख्या कीटकांची वाढ होऊन संसर्गजन्य रोगांचा प्रसार होण्याची शक्यता होती. **उच्च अधिकाऱ्यांच्या निर्देशानुसार कारवाई**   महापालिका आयुक्त डॉ. विजय सूर्यवंशी आणि अतिरिक्त आयुक्त कुलदीप जंगम यांच्या निर्देशानुसार ही कारवाई करण्यात आली. उप आयुक्त डॉ. प्रदीप ठेंगल, सहायक आयुक्त किरणकुम...