सरकारी ठेकेदार होण्यासाठी कशी असते परवाना प्रक्रिया? या ठिकाणी करावा लागेल अर्ज? जाणून घ्या सविस्तर माहिती
ठेकेदार व्हायची अनेकजणांना इच्छा असते. कारण की, दररोज किंवा दर महिन्याला ठेकेदार हजारो-लाख कमवतात असे आपण बऱ्याचदा ऐकले असेल. पण तुम्हाला माहित आहे का की ठेकेदार बनणे हे आपल्या सर्वांना वाटते तितके सोपे नाही.आज आपण याबद्दल माहिती पाहणार आहोत.
माहितीनुसार अनेक प्रकारचे ठेकेदार आहेत. आज आपण रस्ते बांधणीचे ठेकेदार कसे बनतात आणि त्यांना कंत्राट कसे मिळते याची माहिती घेणार आहोत.
ठेकेदार कसे व्हायचे ?
रस्ते बांधणीचे कंत्राट कोण देते?
कंत्राटदार परवान्यासाठी कागदपत्रे
परवान्यासाठी नोंदणी कशी करावी?
ठेकेदार कसे व्हायचे ?
ठेकेदाराला कंत्राटदार असे देखील म्हंटले जाते. रस्ता कंत्राटदार होण्यासाठी तुम्हाला अभ्यास करण्याची गरज नाही, असा विचार करत असाल तर तुमची चूक आहे. यासाठी तुम्ही सिव्हिल इंजिनीअरिंग पास केले पाहिजे आणि कॉन्ट्रॅक्टर होण्यासाठी डिप्लोमाही केला पाहिजे. यानंतर तुम्हाला काही महिने किंवा काही वर्षे इतर कोणत्याही कंत्राटदारासोबत काम करावे लागेल. जेणेकरुन तुम्हाला या कामाचा थोडाफार अनुभव घेता येईल. कारण सरकारचे रस्तेबांधणीचे कंत्राट अशाच लोकांना दिले जाते ज्यांना या कामातील जास्त वर्षांचा अनुभव आहे.
रस्ते बांधणीचे कंत्राट कोण देते?
साधारणपणे, भारत सरकार आणि राज्य सरकारे आपापल्या स्तरावर रस्त्यांच्या बांधकामासाठी कंत्राटे जारी करतात. ते मिळविण्यासाठी देशातील जवळपास सर्वच कंत्राटदार अर्ज करतात, परंतु ते फक्त एकालाच दिले जाते. यासाठी सरकारी संस्थांकडून निविदाही काढल्या जातात, ज्या कंत्राटदाराला त्यांच्या अनुभव आणि पात्रतेच्या आधारावर दिल्या जातात. जेणेकरून काम व्यवस्थितपणे पूर्ण करता येईल.
कंत्राटदार परवान्यासाठी कागदपत्रे
सर्व प्रथम, आपल्याकडे अनुभव प्रमाणपत्र किंवा डिप्लोमाची प्रत असणे आवश्यक आहे.
आधार कार्ड
पॅन कार्ड ##
जीएसटी क्रमांक ##
याशिवाय, काही राज्यांमध्ये रस्त्यांचे कंत्राट मिळवण्यासाठी तुमच्याकडे चारित्र्य प्रमाणपत्र देखील असणे आवश्यक आहे. हे प्रमाणपत्र तुम्हाला तुमच्या जवळच्या पोलिस स्टेशनमध्ये मिळेल. तुम्हाला हवे असल्यास, तुम्ही स्वत:हून त्यासाठी ऑनलाइन अर्ज करू शकता, यासाठी तुम्हाला राष्ट्रीय सरकारी सेवा पोर्टलच्या अधिकृत वेबसाइटवर जावे लागेल.
परवान्यासाठी नोंदणी कशी करावी?
जर तुमच्याकडे वर नमूद केलेली सर्व कागदपत्रे असतील, तर तुम्ही या सर्वांसह कंत्राटदार नोंदणी मंडळाकडे जाऊन रस्ता कंत्राट परवान्यासाठी नोंदणी करू शकता. जर तुमची सर्व कागदपत्रे बरोबर असतील आणि तुम्ही पात्र असाल तर तुम्हाला एक ते दोन महिन्यात रस्ता कंत्राटदाराचा परवाना मिळेल. यासाठी तुम्ही घरबसल्या नॅशनल गव्हर्नमेंट सर्व्हिसेस पोर्टलवरून अर्ज करू शकता.
जर तुमच्याकडे रस्ता बांधण्याचा परवाना आहे आणि या कामाचा अनुभव आहे, तर तुम्हाला सरकारी रस्ते बांधणीचे कंत्राट सहज मिळेल. यासाठी तुम्ही तुमच्या जवळच्या PWD कार्यालयाशीही संपर्क साधू शकता. जेणेकरून भविष्यात रस्त्याचे कंत्राट तुम्हाला दिले जाईल.
