एकाच WhatsApp मध्ये दोन नंबर कसे वापरायचे, जाणून घ्या सोपी आणि नवी पद्धत
कसे वापरायचे हे जाणून घेऊया. आता सेटिंगमध्ये जाऊन एका पेक्षा जास्त नंबरचं व्हॉट्सअ‍ॅप अकाऊंट्स वापरता येतील. मार्क जुकेबर्गनं घोषणा केली आहे.तुमच्याकडे एकापेक्षा जास्त WhatsApp अकाऊंट्स आहेत का? कामासाठी तयार केलेल्या व्हॉट्सअ‍ॅपमध्ये लॉगिन करण्यासाठी पर्सनल अकाऊंटमधून लॉगआऊट
करून थकालात का? तर मग तुमच्यासाठी व्हॉट्सअ‍ॅपनं एक चांगली बातमी आणली आहे. लोकप्रिय इन्स्टंट मेसेजिंग अ‍ॅप आता तुम्ही समस्या सोडवणार आहे आणि एकाच डिवाइसवर अनेक व्हॉट्सअ‍ॅप अकाऊंट अ‍ॅक्सेस करता येणार आहेत.लवकरच हे फिचर उपलब्ध होणार असल्याची माहिती व्हॉट्सअ‍ॅपच्या पॅरेंट कंपनी मेटानं दिली आहे. सोशल मीडिया जायंटचा सीईओ मार्क झुकेबर्गनं फेसबुकवरून माहिती दिली की व्हॉट्सअ‍ॅपवर लवकरच युजर्सना अनेक अकाऊंट्समध्ये स्विच करता येणार आहे.
सध्या युजर्सना एकतर अतिरिक्त फोन किंवा टॅबलेट सोबत बाळगावा लागतो किंवा सतत एका अकाऊंटमधून लॉग आऊट करून दुसऱ्यात लॉगिन करावं लागतं. ह्या फिचरमुळे युजर सहज अकाऊंट्समध्ये स्विच करू शकतात. ‘ड्युअल व्हॉट्सअ‍ॅप अकाऊंट’ फिचर मुळे वेगवेगळ्या अकाऊंटवर संवाद साधणं सोपं जाईल.फिचर वापरण्यासाठी तुमच्याकडे दुसरा नंबर असणं आवश्यक आहे. त्यामुळे तुमच्या फोनमध्ये ड्युअल सिम सपोर्ट असावा किंवा दुसऱ्या डिवाइसमध्ये सिम टाकलेलं असावं. तरच तुम्हाला डिवाइसवर दुसरं अकाऊंट वापरता येईल.
अल्टर्नेट नंबर तुम्हाला वन टाइम पासवर्ड मिळवण्यासाठी आवश्यक असेल. सध्या व्हॉट्सअ‍ॅप अकाऊंट अ‍ॅक्सेस करण्यासाठी एसएमएसच्या माध्यमातून पासकोड पाठवत आहे. पुढे आम्ही मल्टिपल व्हॉट्सअ‍ॅप अकाऊंट एकाच डिवाइसवर वापरण्याची पद्धत सांगितली आहे.सर्वप्रथम व्हॉट्सअ‍ॅप अपडेट करून लेटेस्ट व्हर्जन इंस्टॉल करा.
अ‍ॅप ओपन करून डावीकडे असलेल्या तीन डॉट्सवर क्लिक करून सेटिंग मेन्यू ओपन करा.
इथे तुम्हाला तुमच्या नावापुढे एक ऐरो दिसेल.
तिथे ‘अॅड अकाऊंट’ वर क्लिक करा.
तुमचा दुसरा फोन नंबर टाका आणि एसएमएस व कॉलवरून पाठवलेला कोड टाकून व्हेरिफाय करा.
एकदा व्हेरिफिकेशन झालं की तुम्ही तुमच्या नावासमोर आलेल्या ऐरोवर टॅप करून दोन अकाऊंटमध्ये स्विच करू शकता.तुम्ही तुमची प्रायव्हसी आणि नोटिफिकेशन सेटिंग दोन्ही अकाऊंटसाठी वेगवेगळी सेट करू शकता. तसेच तुम्ही स्वतंत्रपणे म्यूट किंवा अर्काइव्ह कन्व्हर्सेशन, डिलीट मेसेज किंवा ब्लॉक स्पेसिफिक काँटॅक्ट्स सेट करू शकता
