बस चालकाच्या प्रसंगावधानामुळे मोठी दुर्घटना टळली; पिंपरी चिंचवडमध्ये खाजगी बस जळून खाक

बस चालकाच्या प्रसंगावधानामुळे मोठी दुर्घटना टळली; पिंपरी चिंचवडमध्ये खाजगी बस जळून खाक

पिंपरी चिंचवड, ५ जानेवारी – आज सकाळी पहाटे पाच वाजता

पिंपरी चिंचवडमधील Y जंक्शन, जगताप डेअरी चौक येथे एका खाजगी ट्रॅव्हल्स बसला भीषण आग लागली. या घटनेत बस जळून खाक झाली, पण बस चालकाच्या प्रसंगावधानामुळे मोठी दुर्घटना टळली.

सुरुवातीला बसमध्ये आग लागली तेव्हा बस चालकाने तात्काळ सर्व प्रवाशांना बाहेर काढले आणि नंतर अग्निशामक दलाला सूचित केले. यामुळे एका मोठ्या दुर्घटनेपासून बचाव करण्यात यश आले. घटनास्थळी नाना काटे सोशल फाउंडेशनचे कार्यकर्ते उपस्थित होते आणि त्यांनी तत्काळ आग लागलेल्या बसची माहिती चिपाडे साहेब, अग्निशामक अधिकारी यांना दिली.

शिवाय, पालिकेच्या ड प्रभागातील स्थानिक अधिकाऱ्यांच्या मदतीने आग विझवण्यासाठी अग्निशामक दलाने जलद कार्यवाही केली. सुदैवाने, घटनास्थळी कोणत्याही प्रकारच्या जीवितहानीची माहिती नाही. मात्र, बस पूर्णपणे जळून खाक झाली आहे.

पिंपरी चिंचवड पोलिस स्टेशनकडून घटनेची अधिक चौकशी सुरू आहे आणि कारणांचा शोध घेतला जात आहे.

#kdmnews #LatestUpdate #viral #pimpari chinchvad #पुणे #पुणेकर