**बार्शी कृषी उत्पन्न बाजार समिती निवडणूक कार्यक्रम जाहीर; नामनिर्देशनपत्रे ३ नोव्हेंबरपासून दाखल होणार**
**बार्शी कृषी उत्पन्न बाजार समिती निवडणूक कार्यक्रम जाहीर; नामनिर्देशनपत्रे ३ नोव्हेंबरपासून दाखल होणार**
**KDM NEWS प्रतिनिधी**बार्शी, ३१ ऑक्टोबर :** बार्शी तालुक्यातील कृषी उत्पन्न बाजार समितीच्या संचालक मंडळ निवडणुकीसाठी (२०२५-२०२६ ते २०३०-२०३१) सुधारित निवडणूक कार्यक्रम आज निवडणूक निर्णय अधिकारी ए. ए. गावडे यांनी जाहीर केला. सहायक निबंधक, सहकारी संस्था, सोलापूर तथा जिल्हा निवडणूक अधिकारी गावडे यांनी राज्य सहकारी निवडणूक प्राधिकरणाच्या पूर्वमान्यतेने हा कार्यक्रम प्रसिद्ध केला आहे. निवडणुकीसाठी चार मतदारसंघांमधून उमेदवार निवडले जाणार असून, मतदान १९ डिसेंबर रोजी होणार आहे.
निवडणूक कार्यक्रमानुसार **नामनिर्देशनपत्रे दाखल करण्याची मुदत ३ नोव्हेंबर ते १० नोव्हेंबर २०२५** पर्यंत आहे. नामनिर्देशनपत्रांची छाननी ११ नोव्हेंबर रोजी सकाळी ११.०० वाजल्यापासून सुरू होईल, तर उमेदवारी मागे घेण्याची शेवटची तारीख **१८ नोव्हेंबर २०२५** आहे. अंतिम उमेदवार यादी व चिन्ह वाटप १९ नोव्हेंबर रोजी प्रसिद्ध होईल. **मतदान १९ डिसेंबर २०२५ रोजी सकाळी ८.०० ते सायंकाळी ५.०० वाजेपर्यंत** होईल, तर मतमोजणी २० डिसेंबर रोजी सकाळी ८.०० वाजता सुरू होईल.
**मतदारसंघनिहाय तपशील :**
1. **सहकारी संस्था मतदारसंघ** – ११ जागा
2. **ग्रामपंचायत मतदारसंघ** – १ जागा
3. **व्यापारी मतदारसंघ** – २ जागा
4. **हमाल व तोलार मतदारसंघ** – १ जागा
याशिवाय **महिला राखीव, अनुसूचित जाती/जमाती, इतर मागासवर्गीय, विमुक्त जाती/भटक्या जमाती** आणि **आर्थिकदृष्ट्या दुर्बल घटक** यांच्यासाठी राखीव जागा आहेत.
**अर्ज भरताना महत्त्वाच्या सूचना :**
- नामनिर्देशनपत्र शुल्क : **रु. २००/-**
- **सर्वसाधारण व आर्थिकदृष्ट्या दुर्बल उमेदवार** – अनामत रक्कम **रु. ५,०००/-**
- **राखीव जागा उमेदवार** – अनामत रक्कम **रु. १,०००/-**
- **जात प्रमाणपत्र, जातवैधता प्रमाणपत्र, उत्पन्नाचा दाखला** आवश्यक
- **प्रतिज्ञापत्र बंधनकारक आहे **
अंतिम मतदार यादी बाजार समितीच्या उपविधीसह निवडणूक कार्यालयात विक्रीस उपलब्ध आहे. निवडणूक चिन्हे राज्य सहकारी निवडणूक प्राधिकरणाच्या यादीतून निवडावयाची आहेत. शासकीय सुट्ट्या वगळता निवडणूक प्रक्रिया सुरू राहील.
KDM NEWS प्रतिनिधी
टिप्पण्या