*इचलकरंजीतील राष्ट्रीय प्रेरणा किरण गौरव सोहळ्यात शंकर लाखे यांना 'महाराष्ट्र ग्रेट सोशल युथ आयकॉन २०२६' पुरस्कार*
*इचलकरंजीतील राष्ट्रीय प्रेरणा किरण गौरव सोहळ्यात शंकर लाखे यांना 'महाराष्ट्र ग्रेट सोशल युथ आयकॉन २०२६' पुरस्कार*
*KDM NEWS प्रतिनिधी इचलकरंजी, २६ जानेवारी २०२६ : आधार उद्योग प्रशिक्षण केंद्राच्या माध्यमातून गेल्या अकरा वर्षांपासून महाराष्ट्रातील सुशिक्षित बेरोजगार तरुणांना व्यवसायाच्या संधी उपलब्ध करून देणारे सामाजिक कार्यकर्ते शंकर लाखे यांना 'महाराष्ट्र ग्रेट सोशल युथ आयकॉन २०२६' पुरस्काराने सन्मानित करण्यात आले. एजे फाउंडेशन वेल्फेअर फाउंडेशन (महाराष्ट्र राज्य) आयोजित राष्ट्रीय प्रेरणा किरण गौरव सन्मान सोहळ्यात हा पुरस्कार प्रदान करण्यात आला.
सोहळ्यात मराठी चित्रपट अभिनेत्री प्रतीक्षा लोणकर यांच्या हस्ते लाखे यांना ट्रॉफी, सन्मानपत्र आणि शाल देऊन गौरविण्यात आले. प्रतीक्षा लोणकर यांनी 'स्वराज्य रक्षक संभाजी महाराज' मालिकेत राजमाता जिजाऊ आईसाहेबची भूमिका साकारली आहे. कार्यक्रमात राजकीय, सामाजिक, शैक्षणिक आणि कला क्षेत्रातील अनेक मान्यवर उपस्थित होते.
शंकर लाखे यांच्या आधार उद्योग प्रशिक्षण केंद्राने राज्यभरातील हजारो तरुणांना उद्योजकतेचे प्रशिक्षण देऊन स्वावलंबी बनवले आहे. बेरोजगारीच्या समस्येवर मात करण्यासाठी त्यांनी सुरू केलेले हे उपक्रम व्यावसायिक दृष्टिकोन विकसित करण्यावर भर देतात. या कार्याची दखल घेऊन हा पुरस्कार देण्यात आला असून, लाखे यांनी पुरस्कार स्वीकारताना तरुणांना प्रेरणा देण्याचे आवाहन केले. सोहळ्यात इतर क्षेत्रातील योगदानकर्त्यांनाही सन्मानित करण्यात आले.
KDM NEWS प्रतिनिधी
टिप्पण्या