*ठाण्यात ७७ व्या प्रजासत्ताक दिनाचा भव्य सोहळा; उपमुख्यमंत्री शिंदे यांच्या हस्ते ध्वजारोहण*

*ठाण्यात ७७ व्या प्रजासत्ताक दिनाचा भव्य सोहळा; उपमुख्यमंत्री शिंदे यांच्या हस्ते ध्वजारोहण* 

KDM NEWS प्रतिनिधी ठाणे, २६ जानेवारी : भारतीय संविधानाने प्रदान केलेल्या न्याय, अधिकार आणि स्वातंत्र्याची जाणीव ठेवत जनतेला केंद्रबिंदू मानणे हेच खरे प्रजासत्ताक आहे, असे मत व्यक्त करत उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांनी आज प्रजासत्ताक दिनाच्या निमित्ताने बोलताना सांगितले. हे लोकशाहीचे उत्सवी रूप असून, मराठी अस्मितेचे प्रतीक असलेल्या शिवसेनाप्रमुख बाळासाहेब ठाकरे यांच्या जन्मशताब्दी वर्षानिमित्त सामाजिक, शैक्षणिक आणि वैद्यकीय क्षेत्रातील उपक्रमांना वेग देण्याचा संकल्पही त्यांनी व्यक्त केला.

ठाणे शहरातील पोलीस क्रीडा संकुलातील साकेत मैदानावर आयोजित मुख्य शासकीय सोहळ्यात शिंदे यांच्या हस्ते सकाळी ध्वजारोहण करण्यात आले. या कार्यक्रमात जिल्ह्यातील स्वातंत्र्यसैनिक आणि माजी सैनिकांना विशेष सन्मान देण्यात आला. कार्यक्रमात परेड, सांस्कृतिक प्रदर्शन आणि विविध विभागांचे प्रदर्शन करण्यात आले, ज्यामुळे उपस्थितांना स्वातंत्र्यलढ्यातील इतिहास आणि वर्तमान विकासाची झलक पाहायला मिळाली.

सोहळ्यात आमदार संजय केळकर, रवींद्र फाटक, जिल्हाधिकारी डॉ. श्रीकृष्ण पांचाळ, ठाणे शहर पोलीस आयुक्त आशुतोष डुंबरे, ठाणे महानगरपालिका आयुक्त सौरभ राव, जिल्हा परिषद मुख्य कार्यकारी अधिकारी रणजीत यादव, पोलीस सह आयुक्त डॉ. ज्ञानेश्वर चव्हाण, पोलीस अधीक्षक डॉ. डी. स्वामी, अपर जिल्हाधिकारी हरिश्चंद्र पाटील यांच्यासह जिल्हा प्रशासनातील वरिष्ठ अधिकारी, कर्मचारी आणि मोठ्या संख्येने नागरिक उपस्थित होते. ठाणे पोलीस दलाच्या वतीने आयोजित या कार्यक्रमात सुरक्षेच्या कडक व्यवस्थेसह उत्साहपूर्ण वातावरण होते.

KDM NEWS प्रतिनिधी