**बार्शी : शाही नाईकवाडी ईदगाहवर हजारो मुस्लिम बांधवांची उपस्थिती; ईद-उल-फित्र उत्साहाने साजरी**

**बार्शी : शाही नाईकवाडी ईदगाहवर हजारो मुस्लिम बांधवांची उपस्थिती; ईद-उल-फित्र उत्साहाने साजरी** 

**KDM NEWS प्रतिनिधी बार्शी (२१ मार्च २०२६) – गुरुवारी संध्याकाळी शव्वाल महिन्याचा चंद्र दिसला नसल्याने रमजानचे ३० पूर्ण रोजे पूर्ण झाले. त्यामुळे ईद-उल-फित्रचा मुख्य दिवस आज शनिवार निश्चित झाला. बार्शी शहर व परिसरातील शाही नाईकवाडी ईदगाह येथे सकाळी ८ वाजता मदिना मस्जिदचे मौलाना अन्वारुल हक यांच्या मार्गदर्शनाखाली ईद नमाज अदा करण्यात आली. यावेळी बार्शी व आसपासच्या गावांतील हजारो मुस्लिम बांधव उपस्थित होते.

नमाज संपल्यानंतर सर्व उपस्थितांनी एकमेकांना ‘ईद मुबारक’च्या शुभेच्छा दिल्या. लहान मुलांमध्ये विशेष आनंद दिसून आला. यावेळी देशातील सुख-समृद्धी, शांती व सर्व धर्मांमध्ये एकता नांदावी यासाठी सामूहिक प्रार्थना करण्यात आली. ‘जकात-उल-फित्र’च्या रूपात गरिबांना मदत करून समाजातील समानता व बंधुत्वाचा संदेश देण्यात आला. सर्वांनी एकमेकांचा आदर करावा, सुख-दुःखात सहभागी व्हावे व गरजूंची मदत करावी, असा ठाम संदेश देण्यात आला.

बार्शी पोलीस प्रशासनाने मुस्लिम बांधवांना शुभेच्छा दिल्या. विविध राजकीय व सामाजिक नेत्यांनी ईदगाहवर भेट देत शुभेच्छा दिल्या व एकतेचा संदेश दिला. संपूर्ण परिसर आनंद, शांतता व उत्साहाने भरलेला होता.

ईद-उल-फित्र हा रमजान उपवास, नमाज व आत्मशुद्धीचा समारोप असून, तो भाईचारा व दानशीलतेचा दिवस म्हणून ओळखला जातो. बार्शीतील या कार्यक्रमाने शहरात सौहार्दाचे वातावरण निर्माण केले.

KDM NEWS प्रतिनिधी