**डॉ. बाबासाहेब आंबेडकर जयंतीनिमित्त जनस्वराज्य फाउंडेशन, पुणे यांच्याकडून घारी येथे पुरस्कार वितरण**

**डॉ. बाबासाहेब आंबेडकर जयंतीनिमित्त जनस्वराज्य फाउंडेशन, पुणे यांच्याकडून घारी येथे पुरस्कार वितरण** 

**KDM NEWS प्रतिनिधी घारी (बार्शी) | १५ एप्रिल २०२६**भारतरत्न डॉ. बाबासाहेब आंबेडकर यांची १३५वी जयंती १४ एप्रिल २०२६ रोजी मौजे घारी, बार्शी तालुका येथे जनस्वराज्य फाउंडेशन, पुणे यांच्या वतीने उत्साहात साजरी करण्यात आली. ‘ध्येय जनस्वराज्याचे, मानवतेचे हक्काचे’ असे ब्रीदवाक्य असलेल्या फाउंडेशनने विविध क्षेत्रांत कार्यरत मान्यवरांचा सन्मान करून कार्यक्रम संपन्न केला.

कार्यक्रमाच्या सुरुवातीला डॉ. बाबासाहेब आंबेडकर यांच्या प्रतिमेचे पूजन जिल्हा कार्यवाह ऋषिकेश कुलकर्णी, सरपंच नंदकुमार काशीद, सूर्यकांत देशमुख आणि जनस्वराज्य फाउंडेशनचे संचालक दशरथ उकिरडे यांच्या हस्ते करण्यात आले. ग्रामपंचायत कार्यालय, घारी येथे झालेल्या या सोहळ्यात फाउंडेशन संचालक दशरथ उकिरडे यांनी सांगितले की, महामानवांच्या जयंतीनिमित्त विविध क्षेत्रांत योगदान देणाऱ्या व्यक्तींना सन्मानित करणे हा फाउंडेशनचा उद्देश आहे.

**पुरस्कार विजेते :**

- **कलारत्न पुरस्कार** : बार्शी तालुक्यातील अभिनेते व दिग्दर्शक महादेव जाधवर. चित्रपट, शॉर्ट फिल्म, लघुनाटिका, नाटक आणि वेबसीरीजमधून सामाजिक व जनकल्याणाचे विषय मांडण्याबरोबरच ‘सरपंच द पॉवर मॅन’ या मराठी चित्रपटाद्वारे गावगाडा व ग्रामविकासावर आधारित कामगिरीसाठी त्यांचा गौरव करण्यात आला. हा चित्रपट लवकरच संपूर्ण महाराष्ट्रात प्रदर्शित होणार आहे.

- **क्रीडारत्न पुरस्कार** : क्रीडा क्षेत्रात मोफत कार्य करणाऱ्या मनीषा लोकरे.

- **कलारत्न पुरस्कार** : स्नेहल विधाते.

- **पुरस्कार** : ॲड. अक्षय पाटील व मेजर दत्तात्रय मोरे.

**प्रमुख उपस्थिती :**  

बार्शी कृषी उत्पन्न बाजार समितीचे चेअरमन विजय गरड, जिल्हा परिषद सदस्य देवेंद्र डोके, पंचायत समिती सदस्य शरद बसवंत, सारंग जगदाळे, ग्रामसेवक दर्शन मंडलिक, समाजसेविका सुवर्णा शिवपुरे, अश्विन गाढवे, राजाभाऊ वाघमारे, ॲड. मिलिंद बनसोडे, राधा घोंगणे, पूजा सातारकर, अबोली पालके, भावना शहाणे आदी मान्यवर उपस्थित होते.

कार्यक्रमाचे सूत्रसंचालन प्रफुल्ल भालशंकर यांनी केले तर आभार ॲड. मिलिंद बनसोडे यांनी मानले. 

हा कार्यक्रम डॉ. बाबासाहेबांच्या विचारांचा प्रचार व सामाजिक कार्याला प्रोत्साहन देणारा ठरला.

KDM NEWS प्रतिनिधी