**पानगाव (ता. बार्शी) येथील शिवकालीन जलाशयाच्या नूतनीकरणासाठी शासकीय मदतीची मागणी**

**पानगाव (ता. बार्शी) येथील शिवकालीन जलाशयाच्या नूतनीकरणासाठी शासकीय मदतीची मागणी** 

**KDM NEWS प्रतिनिधी सोलापूर : बार्शी तालुक्यातील पानगाव येथील ऐतिहासिक शिवकालीन जलाशयाच्या जीर्णोद्धारासाठी स्थानिक प्रतिनिधींनी जिल्हा प्रशासनाकडे पाठपुरावा केला. 

श्रीमती अंजली मरोड, उपजिल्हाधिकारी यांच्या उपस्थितीत ॲड. प्रशांत शेटे आणि अंकुश वाघमारे यांनी कलेक्टर कार्यालय, सोलापूर येथे बैठक घेतली. या वेळी त्यांनी जलाशयाच्या दुरुस्ती व नूतनीकरणासाठी शासकीय निधी उपलब्ध करून देण्याची मागणी केली. 

हा जलाशय शिवकालीन काळातील असल्याने त्याचे ऐतिहासिक महत्त्व लक्षात घेता, स्थानिक शेती, पिण्याचे पाणी आणि पर्यावरण संरक्षणाच्या दृष्टीने त्याचे पुनरुज्जीवन आवश्यक असल्याचे प्रतिनिधींनी सांगितले. सध्या जलाशयाची स्थिती जीर्ण झाल्याने पाणी साठवण क्षमता घटली असून, गाळ साचल्याने समस्या निर्माण होत आहे. 

उपजिल्हाधिकारी अंजली मरोड यांनी मागणीचे गांभीर्य लक्षात घेत प्रस्तावाची तपासणी करून संबंधित विभागांना निर्देश देण्याचे आश्वासन दिले. या बैठकीत जलसंपदा विभाग, स्थानिक ग्रामपंचायत आणि इतर संबंधित यंत्रणांच्या समन्वयाने लवकरात लवकर कार्यवाही करण्यावर चर्चा झाली. 

पानगाव परिसरातील शेतकरी आणि नागरिकांनी या उपक्रमाचे स्वागत केले असून, शासनाकडून सकारात्मक प्रतिसादाची अपेक्षा व्यक्त केली आहे.

KDM NEWS प्रतिनिधी