**केतन अग्रवाल हत्या प्रकरण: कुटुंबीयांना न्याय मिळणार; मुख्यमंत्री फडणवीसांचे आश्वासन**

**केतन अग्रवाल हत्या प्रकरण: कुटुंबीयांना न्याय मिळणार; मुख्यमंत्री फडणवीसांचे आश्वासन** 

**KDM NEWS प्रतिनिधी पुणे:** लोणावळा ग्रामीण परिसरातील लोहगड किल्ल्यावरून २६ वर्षीय केतन विशाल अग्रवाल यांना ढकलून हत्या केल्याच्या प्रकरणात राज्याचे मुख्यमंत्री देवेंद्र फडणवीस यांनी कुटुंबीयांना पूर्ण न्याय मिळवून देण्याचे ठोस आश्वासन दिले आहे. या प्रकरणात जलदगती न्यायालयात सुनावणी घेण्याचा आणि ज्येष्ठ विधिज्ञ उज्ज्वल निकम यांची विशेष सरकारी वकील म्हणून नियुक्ती करण्याचा निर्णय तत्काळ घेण्यात आला आहे.

आज पुण्यात मुख्यमंत्री फडणवीस यांची भेट घेण्यासाठी केतन यांचे वडील विशाल अग्रवाल कुटुंबीयांसह उपस्थित होते. भेटीदरम्यान विशाल अग्रवाल यांनी मुलाला न्याय मिळावा, प्रकरण जलदगती न्यायालयात चालवावे आणि उज्ज्वल निकम यांना विशेष सरकारी वकील म्हणून नेमावे, अशी मागणी केली. मुख्यमंत्री फडणवीस यांनी ही दोन्ही मागण्या तत्काळ मान्य केल्या आणि विधी व न्याय विभागाच्या सचिवांना आवश्यक निर्देश दिले. उज्ज्वल निकम यांनीही या प्रकरणात काम करण्याची संमती दिली आहे.

मुख्यमंत्री फडणवीस यांनी या घटनेवर गंभीर दखल घेतली. "दोषींना कठोर शिक्षा होईल आणि कुटुंबीयांना न्याय मिळवून देण्यासाठी शासन कोणतीही कसूर ठेवणार नाही," असे त्यांनी स्पष्ट केले. या प्रकरणाला केवळ गुन्हा म्हणून न पाहता सामाजिक दृष्टिकोनातून पाहण्याची गरज असल्याचेही त्यांनी सांगितले. शिक्षित आणि आर्थिकदृष्ट्या सक्षम कुटुंबातील तरुणांमध्ये असे विध्वंसक विचार कसे निर्माण होतात, याबाबत समाजाने विचार करावा, असे आवाहन त्यांनी केले.

**प्रकरणाची पार्श्वभूमी:**  

१८ जून २०२६ रोजी लोहगड किल्ल्यावरून केतन अग्रवाल यांना ३५० फूट खोल दरीत ढकलून हत्या करण्यात आल्याचे पोलिस तपासात समोर आले. सुरुवातीला ही घटना अपघात म्हणून हाताळली जात होती, मात्र नंतर केतन यांच्या मंगेतर सीया गोयल (२०) आणि तिच्या प्रियकर चेतन चौधरी यांनी संगनमताने ही हत्या केल्याचे उघड झाले. दोघांनाही अटक करण्यात आली आहे.

विशाल अग्रवाल यांनी पोलिस आणि माध्यमांसमोर धक्कादायक खुलासा केला आहे. त्यांच्या मते, १४ जून रोजीही सीया आणि चेतन यांनी केतन यांची हत्या करण्याचा प्रयत्न केला होता, ज्यात केतन यांनी झाडू धरून स्वतःला वाचविले होते. याशिवाय ३१ मे रोजीही एक प्रयत्न झाल्याचे संकेत मिळाले आहेत. छोट्या हेअर पॅच (विग) मुळे केतन यांना लक्ष्य करण्यात आले असावे, अशीही विशाल यांची धक्कादायक टीका आहे.

केतन अग्रवाल हे पिंपरी-चिंचवड येथील सक्सेस ग्रुप या रिअल इस्टेट कंपनीचे डायरेक्टर आणि चीफ मार्केटिंग ऑफिसर होते. या प्रकरणात पोलिसांनी पुराव्यांसह चार्जशीट दाखल केली असून, SIT चीही स्थापना झालेली आहे. कुटुंबीयांनी दोषींना फाशीची शिक्षा द्यावी, अशीही मागणी केली आहे.

मुख्यमंत्री कार्यालयाने याबाबत अधिकृत ट्विट करून माहिती दिली. या निर्णयामुळे कुटुंबीयांना मोठा दिलासा मिळाला असून, प्रकरण लवकरात लवकर निकाली निघण्याची आशा निर्माण झाली आहे.

KDM NEWS प्रतिनिधी