*कोविड काळातील मराठा आक्रोश मोर्चा: आमदार विजयकुमार देशमुख, राजेंद्र राऊतांसह ३० जण न्यायालयात उपस्थित*
*मराठा आक्रोश मोर्चा: कोविड नियमभंग प्रकरणी चार विद्यमान आमदारांसह ३० आरोपी न्यायालयात हजर*
आरोपींमध्ये विद्यमान आमदार विजयकुमार देशमुख, सचिन कल्याणशेट्टी, समाधान अवताडे व राजेंद्र राऊत यांचा समावेश आहे. माजी मंत्री लक्ष्मणराव ढोबळे आणि माजी खासदार जय सिद्धेश्वर महाराज यांच्यासह इतर नेते व कार्यकर्तेही आरोपी आहेत.
कोविड-१९ च्या पार्श्वभूमीवर सोलापूर महानगरपालिकेने मोर्चाला परवानगी नाकारली होती. तरीही समन्वयक राम जाधव व किरण पवार यांच्या नेतृत्वाखाली मोर्चा काढण्यात आल्याचा आरोप आहे. फौजदार चावडी पोलिस ठाण्यात पोलीस उपनिरीक्षक सोमनाथ देशमाने यांनी फिर्याद दाखल केली होती. पोलिसांनी तपास पूर्ण करून दोषारोपपत्र सादर केले आहे.
समन्स प्राप्त झाल्यानंतर आज आमदारांसह इतर आरोपी न्यायालयात हजर झाले. आरोपींच्या वतीने ॲड. संतोष न्हावकर, ॲड. सचिन साखरे, ॲड. राहुल रूपनर, ॲड. बाबासाहेब जाधव, ॲड. राज म्हात्रे व ॲड. अजिंक्य जाधव यांनी बाजू मांडली. सरकारतर्फे ॲड. संतोष पाटील उपस्थित होते.
टिप्पण्या