*बार्शी शहर पोलिसांची कारवाई: अवैध दारूविक्री करणाऱ्या दोघांवर महाराष्ट्र दारूबंदी कायद्यान्वये गुन्हे दाखल*

*बार्शी शहर पोलिसांची कारवाई: अवैध दारूविक्री करणाऱ्या दोघांवर महाराष्ट्र दारूबंदी कायद्यान्वये गुन्हे दाखल* 

*KDM NEWS प्रतिनिधी बार्शी, २७ ऑगस्ट २०२६ – बार्शी शहर पोलीस ठाण्याने गुरुवारी दोन वेगवेगळ्या ठिकाणी अवैध दारू विक्री करणाऱ्यांविरुद्ध कारवाई केली. महाराष्ट्र दारूबंदी कायद्याच्या कलम ६५ (ई) अंतर्गत दोन गुन्हे दाखल करण्यात आले असून एकूण ५३५० रुपये किंमतीची दारू जप्त करण्यात आली.

पोलिस कॉन्स्टेबल सचिन भारत देशमुख यांनी दिलेल्या माहितीनुसार, दुपारी सुमारे १.२० वाजता उपळाई रोडवरील रणवीर हॉटेलच्या पाठीमागील बाजूस दशरथ अर्जुन गोंदील (वय ३८, रा. शेंदरी, ता. बार्शी) याला बुलेट डार्क रमच्या १८० मिलीच्या १५ बाटल्या विक्री करताना पकडण्यात आले. प्रत्येक बाटलीची किंमत १५० रुपये असून एकूण २२५० रुपये किंमतीची दारू जप्त करण्यात आली. या प्रकरणात गुन्हा क्रमांक ६४०/२०२६ दाखल करण्यात आला.

त्यानंतर दुपारी सुमारे २ वाजता गाडेगाव चौकातील रंगत हॉटेलच्या पाठीमागे कैलास हानुमंत कांदे (वय ३९, रा. बोरगाव, ता. बार्शी) याला दारू विक्री करताना अटक करण्यात आली. त्याच्याकडून क्लासिक गोल्ड व्हिस्कीच्या १४ बाटल्या, मास्टर डिलाईट व्हिस्कीच्या ५ बाटल्या आणि रॉयल स्टॅगच्या ४ बाटल्या अशा एकूण २३ बाटल्या (एकूण किंमत ३१०० रुपये) जप्त करण्यात आल्या. या प्रकरणात गुन्हा क्रमांक ६४१/२०२६ दाखल झाला.

दोन्ही प्रकरणांत पोलिस निरीक्षकांच्या आदेशानुसार संबंधित पोलिस कर्मचाऱ्यांनी कारवाई पूर्ण केली. बार्शी शहर पोलीस ठाण्याने अवैध दारू विक्रीविरुद्ध कठोर कारवाई सुरू ठेवल्याचे स्पष्ट केले आहे.

KDM NEWS प्रतिनिधी