*नरखेड-अनगर रोडवर भीषण अपघात; भरधाव मोटारसायकलच्या धडकेत वयोवृद्ध शेतकऱ्याचा मृत्यू*

*नरखेड-अनगर रोडवर भीषण अपघात; भरधाव मोटारसायकलच्या धडकेत वयोवृद्ध शेतकऱ्याचा मृत्यू* 

*KDM NEWS प्रतिनिधी सोलापूर, २८ ऑगस्ट  ता. मोहोळ येथील नरखेड गावात १३ ऑगस्ट रोजी सायंकाळी झालेल्या मोटारसायकल अपघातात एका वयोवृद्ध शेतकऱ्याचा मृत्यू झाला. अपघाताबाबत मृतकाच्या मुलाने २५ ऑगस्ट रोजी पोलीस ठाण्यात फिर्याद नोंदवली आहे.

मयत विष्णू संदिपान मोटे (वय ६४) हे वन विभागातून सेवानिवृत्त होऊन नरखेड येथे शेती करीत होते. कुटुंबाची उपजीविका शेतीवर अवलंबून होती. १३ ऑगस्ट रोजी सायंकाळी सुमारे ७.१५ वाजता ते आपल्या मोटारसायकल क्र. MH 13 AB 9535 वरून घरातून शेताकडे निघाले होते. काही वेळाने गावातील नागनाथ रंगनाथ राऊत यांनी मुलाला फोन करून अपघाताची माहिती दिली.

अपघात नरखेड-अनगर रोडवर, नरखेड गावाच्या हद्दीत मच्छिंद्र सौदागर गोडसे यांच्या घरासमोर सुमारे ७.३० वाजता झाला. अनगरकडून नरखेडकडे भरधाव वेगाने येणारी मोटारसायकल क्र. MH 13 EQ 9527 समोरून जोरदार धडकली. धडकेत विष्णू मोटे रस्त्यावर पडले आणि डोक्याला गंभीर दुखापत झाली. गावकऱ्यांनी त्यांना पाटील हॉस्पिटल, नरखेड येथे नेले. तिथल्या डॉक्टरांनी मोहोळला पाठवले. मोहोळ येथील विघ्नहर्ता हॉस्पिटलमध्येही डॉक्टरांनी सोलापूरला पाठवण्याचा सल्ला दिला. अश्विनी हॉस्पिटल, सोलापूर येथे दाखल केल्यावर डॉक्टरांनी उपचार सुरू करण्यापूर्वीच मृत्यू झाल्याचे जाहीर केले. दुसऱ्या मोटारसायकल चालकाला किरकोळ दुखापत झाली असल्याचे साक्षीदारांनी सांगितले.

१४ ऑगस्ट रोजी पोलीस मृतदेह सिव्हिल हॉस्पिटल, सोलापूर येथे नेले. पोस्टमार्टमनंतर मृतदेह कुटुंबीयांच्या ताब्यात देण्यात आला. नरखेड येथे धार्मिक पद्धतीने अंत्यविधी करण्यात आले. धार्मिक विधी पूर्ण होईपर्यंत घराबाहेर पडता न येण्यामुळे मुलगा अक्षय विष्णू मोटे (वय ३१, शेतकरी) यांनी २५ ऑगस्ट रोजी फिर्याद नोंदवली. फिर्यादीत MH 13 EQ 9527 च्या अनोळखी चालकावर हयगईने, निष्काळजीपणे व भरधाव वेगाने वाहन चालविल्याचा आरोप करण्यात आला आहे. साक्षीदारांमध्ये नागनाथ रंगनाथ राऊत, परमेश्वर मच्छिंद्र मोटे व इतर गावकऱ्यांचा उल्लेख आहे. पोलीस तपास सुरू आहे.

KDM NEWS प्रतिनिधी