**बीडमध्ये FDA चा दणका: १ कोटी ९४ लाखांचे १ लाख १९ हजार किलो खाद्यतेल जप्त, पाच आस्थापने सील!**

-
**बीडमध्ये FDA चा दणका: १ कोटी ९४ लाखांचे १ लाख १९ हजार किलो खाद्यतेल जप्त, पाच आस्थापने सील!** 


KDM NEWS प्रतिनिधी बीड, ९ #ऑगस्ट : अन्न व औषध प्रशासनाने (एफडीए) ‘सेफ फूड, सेफ महाराष्ट्र’ मोहिमेअंतर्गत बीड जिल्ह्यात ६ आणि ७ #ऑगस्ट रोजी खाद्यतेल रिपॅकिंग व सैल तेल साठवणुकीच्या आस्थापनांवर धडक कारवाई केली. यात एकूण १,१९,१८७.५ किलो खाद्यतेल जप्त करण्यात आले. या #साठ्याची किंमत ₹१ कोटी ९४ लाख ५० हजार ९२२ आहे. पाचही आस्थापनांचे परवाने तात्काळ निलंबित करून त्यांची कामकाजाची ठिकाणे बंद करण्यात आली.

कारवाई संयुक्त आयुक्त श्रीकांत कारकाळे आणि बीडचे सहाय्यक आयुक्त नितीन मोहिते यांच्या देखरेखीखाली झाली. तपासणीत मुख्यतः एकाच टाकीतील तेलाला ‘रिफाइंड’ आणि ‘अल्ट्रा रिफाइंड’ अशी वेगवेगळी नावे देणे, वापरलेले टिन पुन्हा वापरणे, अस्वच्छ साठवणूक, इन-हाऊस प्रयोगशाळा नसणे, विश्लेषण प्रमाणपत्रे (Certificate of Analysis), फूड ग्रेड प्रमाणपत्रे, कामगारांची वैद्यकीय प्रमाणपत्रे आणि कीटक नियंत्रण नोंदी नसणे अशा गंभीर त्रुटी आढळल्या. एकूण २७ नमुने प्रयोगशाळेच्या तपासणीसाठी पाठवण्यात आले आहेत.

**कारवाई झालेली आस्थापने व जप्त साठा :**

- **स्वागत ऑईल इंडस्ट्रीज** (प्लॉट क्र. ८३, एमआयडीसी, बीड) – ६६,६५२.६ किलो तेल, किंमत सुमारे ₹१.०५ कोटी. एकाच टाकीतील सोयाबीन तेल ‘स्वागत गोल्ड’, ‘गुडलक’ आणि ‘स्वस्तिक गोल्ड अल्ट्रा’ या नावांनी विकले जात होते.
- **चर्खा ऑईल मिल** (प्लॉट क्र. ५२, एमआयडीसी, बीड) – ४५,९९५.७ किलो तेल, किंमत ₹७८.२२ लाख. पाल्मोलिन तेलाला वेगवेगळी लेबले, वापरलेले टिन आणि अस्वच्छ टाक्या. ‘शुभम’, ‘अनुज ड्रॉप’, ‘शुभम अल्ट्रा’ ब्रँडसह खुले सोयाबीन, पाल्मोलिन आणि राईस ब्रान तेल.
- **जय हनुमान ट्रेडर्स** (वडवणी) – ४,५४५.२ किलो तेल, किंमत ₹७.२५ लाख. वापरलेले टिन, अस्वच्छ परिसर आणि लेबलिंग नसलेल्या टाक्या. ‘सोहम’ ब्रँडचे तेल.
- **जान्हवी कमर्शियल्स** (जुना मोंढा, माजलगाव) – १,७४६ किलो सैल रिफाइंड सोयाबीन तेल, किंमत ₹२.७९ लाख. लेबल आणि बॅच नंबर नसलेले तेल असुरक्षित पद्धतीने साठवलेले.
- **विनायक ऑईल इंडस्ट्रीज** (जुना मोंढा, माजलगाव) – २४८ किलो सैल तेल, किंमत ₹३९,६८०. वापरलेले टिन आणि आवश्यक नोंदींचा अभाव.

एफडीएने नागरिकांना सल्ला दिला आहे की, खाद्यतेल खरेदी करताना FSSAI परवाना क्रमांक, उत्पादनाची तारीख, अंतिम वापराची तारीख आणि पॅकेजवरील लेबलिंग काळजीपूर्वक तपासावे. सैल तेल खरेदी टाळावी. प्रशासनाने स्पष्ट केले की, अशा नियमभंग करणाऱ्या आस्थापनांवर कठोर कारवाई सुरूच राहील.

KDM NEWS प्रतिनिधी

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

**बनावट खतांच्या मोठ्या साठ्यावर कृषी विभागाची धडक कारवाई; सोलापूरमध्ये शेतकऱ्यांची लाखोंची फसवणूक उघड, दोघांवर गुन्हा दाखल**

-
इमेज
**बनावट खतांच्या मोठ्या साठ्यावर कृषी विभागाची धडक कारवाई; सोलापूरमध्ये शेतकऱ्यांची लाखोंची फसवणूक उघड, दोघांवर गुन्हा दाखल**  **KDM NEWS प्रतिनिधी**सोलापूर** - सोलापूर जिल्ह्यात बनावट रासायनिक खतांच्या उत्पादन, साठवणूक आणि विक्रीच्या रॅकेटचा कृषी विभागाने पर्दाफाश केला आहे. मोडनिंब येथील रेवणसिद्ध ऍग्रो एजन्सीच्या गोडाऊनमध्ये राष्ट्रीयकृत इफको आणि पी.पी.एल. कंपनीच्या लोगो असलेल्या हजारो बनावट खतांच्या बॅगा जप्त करण्यात आल्या. यातून शेतकऱ्यांची सुमारे १५ ते २० लाख रुपयांची फसवणूक झाल्याचा प्राथमिक अंदाज आहे. पुरवठादार रामलिंग माळी (वय ४५, रा. बैरागवाडी, ता. माढा) आणि उत्पादक दीपक सस्ते (वय ३८, रा. ढवळेवाडी, ता. फलटण, जि. सातारा) यांच्यावर टेंभुर्णी पोलिस स्टेशनमध्ये खत नियंत्रण आदेश १९८५, अत्यावश्यक वस्तू अधिनियम १९५५ आणि फसवणुकीच्या कलमांखाली गुन्हा दाखल करण्यात आला आहे. पोलिसांनी दोघांना ताब्यात घेऊन चौकशी सुरू केली असून, रॅकेटमध्ये आणखी काही जणांचा समावेश असल्याचा संशय आहे. कृषी विभागाच्या जिल्हास्तरीय भरारी पथकाला गोपनीय माहिती मिळाल्यानंतर ३० नोव्हेंबर २०२५ रोजी सक...
अधिक वाचा

**बार्शी तालुक्यात निसर्गाचा कोप: श्रीपतपिंपरी येथे वीज पडून शेतकऱ्याचा दुर्दैवी मृत्यू**

-
इमेज
**बार्शी तालुक्यात निसर्गाचा कोप: श्रीपतपिंपरी येथे वीज पडून शेतकऱ्याचा दुर्दैवी मृत्यू**  **KDM NEWS प्रतिनिधी बार्शी**बार्शी तालुक्यातील खांडवी महसूल मंडळांतर्गत येणाऱ्या श्रीपतपिंपरी परिसरात आज दुपारी निसर्गाचा भीषण कोप पाहायला मिळाला. पावसापासून संरक्षण मिळवण्यासाठी झाडाचा आसरा घेणे एका ४५ वर्षीय शेतकऱ्याच्या जीवावर बेतले आहे. अंगावर वीज पडल्याने बाळासाहेब तानाजी गरदडे यांचा जागीच दुर्दैवी मृत्यू झाला.                नेमकी घटना काय? मिळालेल्या माहितीनुसार, श्रीपतपिंपरी येथील घाडगे अण्णा वस्ती परिसरात बाळासाहेब गरदडे हे आपल्या शेतात (गट नंबर ७३/२) काम करत होते. दुपारी ४:४५ ते ५:०० च्या सुमारास अचानक विजांच्या कडकडाटासह अवकाळी पावसाला सुरुवात झाली. पावसापासून बचाव व्हावा यासाठी बाळासाहेब शेतातील एका आंब्याच्या झाडाखाली थांबले होते. मात्र, याच वेळी नियतीने घाला घातला. अत्यंत वेगाने या झाडावर वीज कोसळली आणि त्याखाली बसलेल्या बाळासाहेबांचा जागीच मृत्यू झाला.              प्रशासकीय कार्यवाही घटनेची...
अधिक वाचा

**दुधाच्या नावाखाली कृत्रिम 'विष'चा पुरवठा; FDA-पुणे ग्रामीण पोलिसांची मोठी कारवाई, १३ जण ताब्यात**

-
इमेज
**दुधाच्या नावाखाली कृत्रिम 'विष'चा पुरवठा; FDA-पुणे ग्रामीण पोलिसांची मोठी कारवाई, १३ जण ताब्यात**  **KDM NEWS प्रतिनिधी पुणे/महाराष्ट्र:** अन्न व औषध प्रशासन (FDA) आणि पुणे ग्रामीण पोलिसांच्या स्थानिक गुन्हे शाखेने संयुक्त कारवाई करत राज्यातील कृत्रिम दूध भेसळीच्या मोठ्या रॅकेटचा पर्दाफाश केला आहे. मुख्य केंद्र मंचर (आंबेगाव तालुका, पुणे) असलेल्या या टोळीने स्किम मिल्क पावडर, डेअरी व्हे पावडर, इमल्सिफायर, पाम तेल, डिटर्जंट आणि शॅम्पूसारख्या हानिकारक रसायनांचा वापर करून बनावट दूध तयार केले. हे दूध दिसायला, वासाने आणि चवीने खऱ्या दुधासारखे वाटावे यासाठी विशेष मिश्रण केले जात होते. या कारवाईत पुणे, अहिल्यानगर (अहमदनगर), सोलापूर, जालना आणि ठाणे (भिवंडी) या जिल्ह्यांमध्ये एकाचवेळी धाडी टाकण्यात आल्या. सुमारे २.५ कोटी रुपयांचा भेसळयुक्त मुद्देमाल, कच्चा माल आणि साहित्य जप्त करण्यात आले. २० हजार लिटर संशयास्पद कृत्रिम दूध जागेवर नष्ट करण्यात आले. मुख्य सूत्रधार सुशांत बबनराव हिंगे (मंचर) याच्यासह १३ आरोपींना ताब्यात घेण्यात आले असून, त्यांना मंचर पोलिस ठाण्यात गुन्हा दाख...
अधिक वाचा