*पवारांच्या दौऱ्यादरम्यान बेकायदा वाळू वाहतुकीचा टिपर पलटी; दोन ब्रास वाळू जप्त, चालकावर गुन्हा*

*पवारांच्या दौऱ्यादरम्यान बेकायदा वाळू वाहतुकीचा टिपर पलटी; दोन ब्रास वाळू जप्त, चालकावर गुन्हा* 

KDM NEWS प्रतिनिधी सोलापूर जिल्ह्यातील माढा तालुक्यात १ नोव्हेंबर २०२६ रोजी दुपारी साडेतीनच्या सुमारास बेकायदा वाळू वाहतूक करणारा टिपर पलटी झाला. या प्रकरणी ग्राम महसुल अधिकारी कल्पना गिन्यान काळे यांनी ५ नोव्हेंबर रोजी पोलीस ठाण्यात फिर्याद दिली आहे.

         घटनाक्रम

- शरदचंद्र पवार यांचा तुळशी येथे दुष्काळी पाहणी दौरा असल्याने तहसिलदार संजय भोसले व कर्मचारी वरवडे ते तुळशी कडे जात होते.

- वरवडे गावात एक टिपर वाळू घेऊन जात असताना दिसला. चालक घाबरून टिपर वरवडे-तुळशी वळणावर पलटी झाला.

- टिपरमधून दोन ब्रास वाळू बाहेर पडली.

- तहसिलदारांनी चालकाचे नाव विचारले असता वैभव लक्ष्मण पराडे (रा. बाभुळगाव, ता. माळशिरस) असे सांगितले. रायल्टी परवाना नसल्याचेही त्याने कबूल केले.

- त्याच दिवशी सायंकाळी ५.३० ते ५.५५ दरम्यान दोन पंचासमक्ष पंचनामा करण्यात आला. दोन ब्रास वाळू सापडली. अंदाजे किंमत ९,५०० रुपये.

- पंचनामा तहसिल कार्यालयात सादर करण्यात आला. टिपर तहसिल कार्यालयात घेण्यात आला.

      कारवाई

- ३ नोव्हेंबर रोजी तहसिल कार्यालयाच्या जा.क्र./जमाबंदी १/कावि/१२८३/२०२६ च्या आदेशानुसार अवैध गौण खनिज उत्खनन, वाहतूक व साठा याबाबत कारवाई करण्याचे निर्देश देण्यात आले.

- त्यानुसार ग्राम महसुल अधिकारी कल्पना काळे (वय २६, रा. माढा, मूळ रा. काकडदाभा ता. औंढानगरनाथ जि. हिंगोली) यांनी ५ नोव्हेंबर रोजी पोलीस ठाण्यात उशिरा फिर्याद दाखल केली.

**आरोप व कायदा**

वैभव लक्ष्मण पराडे याच्याविरुद्ध शासनाच्या संमतीशिवाय व विनापरवाना दोन ब्रास वाळू वाहतूक केल्याचा आरोप आहे. भारतीय न्याय संहिता कलम ३०३(२), ३(५), पर्यावरण अधिनियम कलम ९ व १५ तसेच भारतीय गौण खनिज कायदा कलम ४(१) व ४(क) अंतर्गत सरकारतर्फे फिर्याद दाखल करण्यात आली आहे.

वरवडे येथे गेल्या दोन वर्षांपासून काम करणाऱ्या ग्राम महसुल अधिकाऱ्यांनी दिलेल्या जबाबानुसार ही माहिती समोर आली आहे.

KDM NEWS प्रतिनिधी