KDMNEWSBLOGSPOT.COM

*बार्शी शहरात गोवंश कत्तल आणि अवैध वाहतुकीप्रकरणी गुन्हा दाखल; दोन जनावरे जप्त, स्विफ्ट कारसह मुद्देमालाची किंमत ३.४३ लाख* *KDM NEWS बार्शी (प्रतिनिधी): बार्शी शहरात गोवंश जातीच्या जनावरांची कत्तल करून त्यांचे मांस विक्रीसाठी ताब्यात ठेवण्याचा आणि अवैध वाहतुकीचा धक्कादायक प्रकार उघडकीस आला आहे. या प्रकरणी बार्शी शहर पोलीस ठाण्यात भारतीय न्याय संहिता कलम ३२५, ३(५) अन्वये तसेच महाराष्ट्र प्राणी संरक्षण (सुधारणा) अधिनियम १९७६ चे कलम ५(ब), ५(क), ९, ९(अ) आणि प्राणी क्रूरता प्रतिबंध कायद्याच्या कलम ३ अंतर्गत गुन्हा नोंदवण्यात आला आहे. रविवार, १५ फेब्रुवारी २०२६ रोजी पहाटे ४.११ वाजता मंगळवार पेठ परिसरात हा प्रकार घडला. पोलीस शिपाई विशाल दिलीप देशमुख (वय ३४) यांनी दिलेल्या फिर्यादीनुसार, अज्ञात आरोपींनी गोवंश जातीच्या दोन जनावरांची कत्तल करून त्यांचे मांस आणि अवशेष अवैधरित्या वाहतुकीसाठी तयार केले होते. घटनास्थळी जनावरांचे मुंडके अर्धवट कापलेले, चारही पाय वेगळे केलेले आणि अर्धवट चामडी सोललेली अवस्था आढळली. प्रत्येक जनावराचे अंदाजे वय १० वर्षे आणि वजन १०० किलो असून, त्यांची एकत्रित ...

*राजा माने अखिल भारतीय डिजिटल मीडिया संपादक पत्रकार संघटनेचे केंद्रीय अध्यक्ष*  *KDM NEWS प्रतिनिधी कोल्हापूर, दि. १५: ** अखिल भारतीय डिजिटल मीडिया संपादक पत्रकार संघटनेच्या केंद्रीय आणि राज्य कार्यकारिणीच्या निवडी कोल्हापूर येथे झालेल्या बैठकीत करण्यात आल्या. यात वरिष्ठ संपादक राजा माने यांची केंद्रीय अध्यक्षपदी बिनविरोध निवड झाली. ही संघटना देशातील सर्वात मोठी डिजिटल मीडिया पत्रकारांची संस्था असून, देशभरात १२ हजारांहून अधिक सदस्य आहेत. राजा माने हे संघटनेचे संस्थापक असून, त्यांच्या नेतृत्वाखाली डिजिटल मीडियाला शासकीय जाहिराती आणि मान्यता मिळवण्यासाठी यशस्वी प्रयत्न झाले आहेत. महाराष्ट्र प्रदेशाध्यक्षपदी सांगोला (सोलापूर) येथील सतीश भाऊ सावंत, राज्य महासचिवपदी कराड येथील विकास भोसले, प्रदेश उपाध्यक्षपदी अहिल्यानगर येथील इकबाल शेख यांची निवड झाली. केंद्रीय उपाध्यक्षपदी महेश कुगावकर आणि अमोल पाटील, राष्ट्रीय सचिवपदी तेजस राऊत, संघटनेच्या साप्ताहिक विभागाच्या प्रदेशाध्यक्षपदी संजय कदम, गोवा प्रदेशाध्यक्षपदी अनिल पाटील आणि मध्य प्रदेश प्रदेशाध्यक्षपदी प्रवीण कुमार खारीवाल ...

*निवृत्त मुख्याध्यापक व्यंकटेश कुलकर्णी यांची 'प्रतिबिंब' प्रतिष्ठानला १० हजार रुपयांची देणगी*  *KDM NEWS बार्शी, दि. १५ (प्रतिनिधी) : महाराष्ट्रातील पत्रकारांच्या कुटुंबांना शिक्षण, करिअर आणि आरोग्य क्षेत्रात मदत करण्यासाठी स्थापन झालेल्या 'प्रतिबिंब प्रतिष्ठान'ला सोलापूर जिल्ह्यातील बार्शी तालुक्यातील ठोंगे उपळाई जिल्हा परिषद प्राथमिक शाळेचे निवृत्त मुख्याध्यापक व्यंकटेश कुलकर्णी यांनी १० हजार रुपयांची देणगी दिली. राज्याचे उच्च व तंत्र शिक्षण तसेच संसदीय कार्यमंत्री चंद्रकांतदादा पाटील यांच्या प्रेरणेने सुरू झालेल्या या प्रतिष्ठानच्या सामाजिक कार्याने प्रभावित होऊन कुलकर्णी यांनी ही मदत जाहीर केली. बार्शी येथे आयोजित छोटेखानी कार्यक्रमात ही देणगी प्रदान करण्यात आली. यावेळी अखिल भारतीय नाट्य परिषदेच्या बार्शी शाखेचे अध्यक्ष कवी सोमेश्वर घाणेगावकर, ज्येष्ठ पत्रकार सचिन अपसिंगकर आणि अनिल जोशी उपस्थित होते. कुलकर्णी यांनी डिजिटल मीडिया संपादक पत्रकार संघटना महाराष्ट्र आणि प्रतिबिंब प्रतिष्ठानचे संस्थापक अध्यक्ष राजा माने तसेच कोषाध्यक्ष दीपक नलावडे यांना धनादे...

*बार्शीत अवैध पिस्तूलसह युवकाला अटक; पोलिसांची धडक कारवाई*  *KDM NEWS प्रतिनिधी बार्शी*  दि. १४ : बार्शी शहरातील राणी लक्ष्मीबाई उद्यान परिसरात पोलिसांनी गोपनीय माहितीच्या आधारे एका युवकाला ताब्यात घेऊन त्याच्याकडून गावठी बनावटीचे पिस्तूल आणि जिवंत काडतूस जप्त केले. या प्रकरणी भारतीय शस्त्र कायद्याच्या कलम ३ आणि २५ तसेच महाराष्ट्र पोलिस कायद्याच्या कलम १३५ अंतर्गत गुन्हा दाखल करण्यात आला आहे. पोलिस अधीक्षक अतुल कुलकर्णी, अतिरिक्त अधीक्षक प्रितम यावलकर, उपविभागीय अधिकारी अशोक सायकर आणि पोलिस निरीक्षक बालाजी कुकडे यांच्या मार्गदर्शनाखाली बार्शी शहर पोलिस ठाण्याच्या गुन्हे प्रकटीकरण पथकाने ही कारवाई केली. दि. १३ फेब्रुवारी रोजी दुपारी ४ वाजण्याच्या सुमारास सोलापूर रोडवरील उद्यान परिसरात ही मोहीम राबवण्यात आली. पोलिस उपनिरीक्षक उमाकांत कुंजीर यांच्या नेतृत्वाखालील पथकात पोलीस हवालदार प्रवीण साठे, अमोल माने, सचिन देशमुख, अंकुश जाधव, अजीज शेख, बाळकृष्ण मुठाळ, अविनाश पवार, राहुल उदार, सचिन नितनात, इसामिया बहिरे, सतीश उघडे आणि वैभव भांगे यांचा समावेश होता. पोलिसांनी रोहित ...

*मंत्रालयात लाचखोरी प्रकरण: नरहरी झिरवाळ म्हणतात, 'माझ्यापर्यंत धागेदोरे आल्यास राजीनामा देईन'*  *KDM NEWS प्रतिनिधी मुंबई, दि. १३ फेब्रुवारी: राज्याचे अन्न व औषध प्रशासन मंत्री नरहरी झिरवाळ यांच्या मंत्रालयातील कार्यालयात लाचलुचपत प्रतिबंधक विभागाने (एसीबी) धडक कारवाई करत एका लिपिकाला ३५ हजार रुपयांची लाच घेताना रंगेहाथ पकडले. या प्रकरणात मंत्री झिरवाळ यांचे कार्यालय सील करण्यात आले असून, मंत्री स्वत: दिल्लीत असल्याने त्यांनी या घटनेची कल्पना नसल्याचे सांगितले. मात्र, या प्रकरणाचे धागेदोरे स्वत:पर्यंत पोहोचल्यास जबाबदारी घेण्यास तयार असून, थेट संबंध सिद्ध झाल्यास राजीनामा देईन, अशी स्पष्ट भूमिका झिरवाळ यांनी घेतली आहे. एसीबीच्या कारवाईचे तपशील सांगताना अधिकाऱ्यांनी माहिती दिली की, लातूर येथील एका औषध दुकानदाराचा परवाना रद्द करण्यात आला होता. या परवान्याचे नूतनीकरण करण्यासाठी मंत्री झिरवाळ यांच्या कार्यालयातील लिपिक राजेंद्र ढेरंग याने ५० हजार रुपयांची मागणी केली होती. त्यातील ३५ हजार रुपये गुरुवारी देण्याचे ठरले असता, ढेरंग याला मंत्रालयाच्या दुसऱ्या मजल्यावरील एफड...

*बनावट HSRP नंबर प्लेट कारखान्यावर पोलिसांची धडक कारवाई; ४ लाख रुपयांचा मुद्देमाल जप्त*  *KDM NEWS प्रतिनिधी कोल्हापूर, १२ फेब्रुवारी २०२६:** वाहनांच्या सुरक्षेसाठी अनिवार्य असलेल्या हाय सिक्युरिटी रजिस्ट्रेशन प्लेट (HSRP) च्या नावाखाली सुरू असलेल्या फसवणुकीचा मोठा प्रकार उघडकीस आला आहे. कोल्हापूर जिल्ह्यातील हातकणंगले तालुक्यातील साजणी गावात एका घरात बनावट नंबर प्लेट तयार करण्याचा कारखाना सुरू असल्याचे समोर आले. स्थानिक गुन्हे शाखेने गोपनीय माहितीच्या आधारे सापळा रचून छापा टाकला आणि संपूर्ण कारखाना जप्त केला. या कारवाईत सुमारे ४ लाख रुपयांचा मुद्देमाल ताब्यात घेण्यात आला असून, मुख्य आरोपीला अटक करण्यात आली आहे. पोलिसांना एका गोपनीय खबऱ्याकडून माहिती मिळाली की, साजणी गावातील संतोष यादव नावाच्या व्यक्तीच्या राहत्या घरात बनावट HSRP प्लेट्स तयार करण्याचे काम सुरू आहे. या माहितीच्या आधारे गुन्हे शाखेच्या पथकाने सापळा रचला आणि घरावर धाड टाकली. घरात आधुनिक मशिनरीसह बनावट प्लेट्स तयार करण्याचे युनिट आढळले. यादव 'अँकर HSRP' नावाच्या ब्रँडच्या हुबेहूब दिसणाऱ्या बनावट प्लेट्स...

*विजयी नगरसेवकांना विशेष सोहळ्यात सन्मान; समाजाच्या विकासासाठी नवे उपक्रमांचे नियोजन*  *KDM NEWS प्रतिनिधी सोलापूर, दि. १२ : सोलापूर जिल्हा सकल मराठा समाजाच्या विश्वस्त मंडळाची महत्त्वपूर्ण बैठक काल सायंकाळी शहरातील मयूरबन हॉटेलमध्ये पार पडली. या बैठकीत समाजाच्या विकास आणि प्रबोधनासाठी विविध उपक्रमांवर सविस्तर चर्चा झाली. याशिवाय, नुकत्याच झालेल्या सोलापूर महानगरपालिका निवडणुकीत विजयी झालेल्या मराठा समाजाच्या नगरसेवकांचा विशेष सोहळा आयोजित करून सत्कार करण्याचा एकमुखी निर्णय घेण्यात आला. हा सोहळा समाजाच्या एकजुटीचे प्रतीक ठरणार असून, त्याद्वारे नवनिर्वाचित सदस्यांना प्रोत्साहन देण्याचे उद्दिष्ट आहे. बैठकीला विश्वस्त मंडळाचे अध्यक्ष माऊली पवार आणि शारदभाऊ ठाकरे यांची प्रमुख उपस्थिती होती. याशिवाय, ॲड. गणेश देशमुख, श्रीमती नलिनीताई जगताप, किसनराव दाडगे, निळकंठ वाघचौरे, दत्तामामा मुळे आणि राजू सुपाते हे विश्वस्त सदस्य प्रत्यक्ष हजर राहिले. सौ. उत्तरा बचूटे-बरडे यांनी ऑनलाइन माध्यमातून सहभाग घेतला. बैठकीत मराठा समाजाच्या युवा पिढीला शिक्षण, रोजगार आणि राजकीय नेतृत्वासाठी मार...