KDMNEWS

**ACB चा मोठा सापळा! चर्नी रोड शिक्षण कार्यालयातील लिपिकाला १.५ लाखांसह रंगेहात पकडले**  **KDM NEWS प्रतिनिधी मुंबई, २० मे २०२६ :** चर्नी रोड येथील विभागीय शिक्षण उपसंचालक कार्यालयातील वरिष्ठ लिपिक राहुल विठ्ठल शिंदे याला लाच स्वीकारताना लाचलुचपत प्रतिबंधक विभाग (ACB) ने मंगळवारी रंगेहात पकडले. इयत्ता ११वी व १२वी वर्गांसाठी प्रथम मान्यता देण्याची फाईल क्लिअर करण्यासाठी त्याने १.५ लाख रुपयांची लाच मागितल्याचा आरोप आहे. तक्रारदार एका प्रतिष्ठित शिक्षण संस्थेचे प्रतिनिधी आहेत. त्यांच्या संस्थेची ११वी-१२वी मान्यतेची फाईल गेल्या काही महिन्यांपासून चर्नी रोड कार्यालयात प्रलंबित होती. शिंदे याने फाईल पुढे सरकवण्यासाठी १.५ लाख रुपयांची मागणी केली. नियमाप्रमाणे काम व्हायला हवे असतानाही लाचेची मागणी करण्यात आल्याने तक्रारदाराने १३ एप्रिल २०२६ रोजी वरळी येथील ACB कार्यालयात तक्रार दाखल केली. ACB पथकाने तक्रारीची गोपनीय पडताळणी केली. पडताळणीत लाच मागणीची पुष्टी झाल्यावर सापळा रचण्यात आला. आज तक्रारदार १.५ लाख रुपये घेऊन कार्यालयात गेला. शिंदे याने रक्कम स्वीकारताच ACB अधिकाऱ्यांनी ...

**बार्शीत ७५० लिटर अवैध हातभट्टी दारूचा सुळसुळाट! टेम्पोसह चालक अटक** **KDM NEWS बार्शी (प्रतिनिधी) :** बार्शी तालुका पोलीस ठाण्याच्या पथकाने मंगळवारी (१९ मे २०२६) रात्री ११ वाजता फपाळवाडी शिवारात (बार्शी-शेलगाव रोड) सापळा लावून एका टेम्पोमधून ७५० लिटर अवैध हातभट्टी दारू जप्त केली. टेम्पोसह एकूण सुमारे ४.५० लाख रुपयांचा मुद्देमाल हस्तगत करण्यात आला आहे. गोपनीय बातमीवरून पोलीस उपनिरीक्षक बालाजी पळसने यांच्या मार्गदर्शनाखाली सहायक पोलीस निरीक्षक माने व पथकातील कर्मचारी राहुल र्बोदर  यांनी रोडवरील गतिरोधकावर वाहन तपासणी सुरू केली होती. यावेळी राखाडी रंगाचा अशोक लिलँड टेम्पो क्र. MH-13-DQ-4813 आढळला. तपासणी केली असता मागील हौद्यात १५ काळ्या रबर ट्यूबांमध्ये भरण्यात आलेली ७५० लिटर (प्रत्येक ट्यूब ५० लिटर) हातभट्टी दारू सापडली. दारूचा तीव्र आंबट वास येत होता. टेम्पो चालक अविनाश प्रकाश पवार (वय २७, रा. तांबेवाडी, यमाई तांडा, ता. बार्शी, जि. सोलापूर) याला ताब्यात घेण्यात आले. पंचांसमक्ष टेम्पोची तपासणी करून दारू व वाहन जप्त करण्यात आले. **जप्त मुद्देमाल :** - हातभट्टी दारू : ७५...

**नॉर्वे दौऱ्यात मोदी-स्टोरे संयुक्त पत्रकार परिषद विवादात; नॉर्वेजियन पत्रकार हेल्ले लिंग सोशल मीडियावर चर्चेत**  **KDM NEWS प्रतिनिधी ओस्लो (नॉर्वे):** पंतप्रधान नरेंद्र मोदी यांच्या नॉर्वे दौऱ्यादरम्यान नॉर्वेजियन पंतप्रधान जोनास गहर स्टोरे यांच्यासोबत झालेल्या संयुक्त पत्रकार परिषदेत प्रश्नोत्तर सत्र न घेतल्याने वाद निर्माण झाला. या घटनेनंतर नॉर्वेजियन पत्रकार हेल्ले लिंग (Helle Lyng Svendsen) यांचे नाव सोशल मीडियावर चांगलेच चर्चेत आले आहे. सोमवारी (१८ मे २०२६) ओस्लोमध्ये दोन्ही नेत्यांनी संयुक्त विधान केले. यानंतर प्रश्न विचारण्याची संधी न मिळाल्याने हेल्ले लिंग यांनी उभे राहून मोठ्याने विचारले, “पंतप्रधान मोदी, जगातील सर्वात मुक्त पत्रकारितेच्या देशातून काही प्रश्न घेणार नाहीत का?” मोदी यांनी काही प्रतिसाद न देता स्टोरे यांच्याशी हस्तांदोलन करून सभागृह सोडले. हेल्ले लिंग यांनी या घटनेचा व्हिडिओ सोशल मीडियावर शेअर करत नॉर्वे विश्व पत्रकार स्वातंत्र्य निर्देशांकात प्रथम क्रमांकावर असल्याचे तर भारत १५७व्या स्थानावर असल्याचे नमूद केले. “भारताचे पंतप्रधान नरेंद्र मोदी ...

**NEET-UG २०२६ पेपर लीक: लातूरमध्ये डॉक्टरच्या घरी CBI धाड, कोचिंग सेंटरचा मालकही अडकला** **KDM NEWS प्रतिनिधी लातूर (प्रतिनिधी) :** NEET-UG २०२६ परीक्षेच्या पेपर लीक प्रकरणात सीबीआयने लातूरमध्ये मोठी कारवाई केली आहे. परीक्षेच्या १० दिवस आधीच प्रश्नपत्रिका मिळाल्याच्या संशयावरून एका डॉक्टरच्या घरी सीबीआयच्या पथकाने धाड घातली. या ठिकाणी सुमारे तीन तास चौकशी करण्यात आली.  सीबीआय सूत्रांनी दिलेल्या माहितीनुसार, लातूरमधील काही नामवंत डॉक्टरांनी कथितरित्या लीक झालेला पेपर खरेदी केल्याचा संशय व्यक्त करण्यात आला आहे. रेनुकाई केमिस्ट्री क्लासेस (आरसीसी) या प्रसिद्ध कोचिंग सेंटरशी संबंधित या प्रकरणात CBI ची टीम लातूरमध्ये सक्रिय आहे. कोचिंग सेंटर चालक शिवराज रघुनाथ मोटेगावकर यांच्या मोबाइलवरून लीक पेपर आणि उत्तरकुंजी आढळून आल्याने हे प्रकरण अधिक गंभीर बनले आहे.  सूत्रांकडून मिळालेल्या माहितीनुसार, २३ एप्रिलला आरोपींना पेपर मिळाला होता, तर परीक्षा ३ मे रोजी झाली. या प्रकरणात सीबीआयने आधीच काही अटक केल्या आहेत. लातूरमधील डॉक्टर आणि कोचिंग क्षेत्रातील व्यक्तींना या गँगशी संबंध...

**तुकाराम मुंढे यांची अन्न व औषध प्रशासन मुंबईच्या आयुक्तपदी नियुक्ती**  **KDM NEWS प्रतिनिधी मुंबई, १९ मे २०२६:** महाराष्ट्र शासनाने आज तुकाराम मुंढे, भाप्रसे यांची अन्न व औषध प्रशासन, मुंबई या पदावर आयुक्त म्हणून बदली केली आहे. श्री. श्रीधर डुबे यांच्या जागी ही नियुक्ती करण्यात आली असून, पद अधिकालिक वेतन श्रेणीत उन्नत करून देण्यात आले आहे. सामान्य प्रशासन विभागाने काढलेल्या आदेशानुसार मुंढे यांनी त्वरित नवीन पदाचा कार्यभार स्वीकारावा, असे स्पष्ट निर्देश देण्यात आले आहेत. बदली आदेशात रुजू अहवाल SAPREMO प्रणालीवर अपडेट करण्यासह, कार्यभार हस्तांतरण, गोपनीय अहवाल लिहिणे, ई-ऑफिस आणि एचआरएमएस प्रणालीचा अधिकाधिक वापर यासारख्या महत्त्वाच्या सूचना देण्यात आल्या आहेत. तुकाराम मुंढे हे भाप्रसे संवर्गातील अनुभवी अधिकारी आहेत. अन्न व औषध प्रशासन हा अत्यंत महत्त्वाचा नियामक विभाग असल्याने ही बदली प्रशासनिक वर्तुळात चर्चेचा विषय ठरली आहे.

**दोन गावठी कट्टे, जिवंत काडतुसे आणि चोरीची दुचाकी जप्त; सराईत गुन्हेगार अटक**  **KDM NEWS प्रतिनिधी धाराशिव :** धाराशिव जिल्हा पोलीस अधीक्षकांच्या विशेष पथक व स्थानिक गुन्हे शाखेने (LCB) एकाच कारवाईत बेकायदेशीर हत्यार आणि चोरीच्या दुचाकीचा सुळसुळाट करणाऱ्या सराईत गुन्हेगाराला अटक केली आहे. आरोपीकडून **दोन गावठी कट्टे, जिवंत काडतुसे** आणि **एक चोरीची मोटरसायकल** जप्त करण्यात आली आहे. स्थानिक गुन्हे शाखेला विश्वासू गुप्त बातमीदाराकडून माहिती मिळाली होती की, एक इसम बेकायदेशीर हत्यारांसह धाराशिव शहरात वावरत आहे. या माहितीवरून एलसीबी पथकाने तात्काळ सापळा रचला. संशयित इसमाला अत्यंत शिताफीने ताब्यात घेऊन अंगझडती घेतली असता, त्याच्याकडे दोन देशी बनावटीचे गावठी कट्टे व जिवंत काडतुसे आढळून आले. त्याच्याकडील दुचाकीची तपासणी केली असता ती चोरीची असल्याचे समोर आले. अटक करण्यात आलेला आरोपी हा गुन्हेगारी रेकॉर्ड असलेला सराईत गुन्हेगार असल्याची प्राथमिक माहिती आहे. पोलीस त्याच्याकडून हत्यारे कोणाकडून मिळवली, त्याने धाराशिव जिल्ह्यात कोणत्या मोठ्या गुन्ह्याची तयारी चालवली होती का, आणि च...

**बार्शीतील पिंपळवाडीत राष्ट्रीय महामार्गावर वारंवार अपघात; ग्रामस्थांचा रास्ता रोको आंदोलन**  **KDM NEWS प्रतिनिधी, बार्शी, दि. १९ बार्शी तालुक्यातील मौजे पिंपळवाडी येथील राष्ट्रीय महामार्गावर सतत होणाऱ्या भीषण अपघातांमुळे ग्रामस्थांचा संताप उसळला. आज सकाळी झालेल्या आणखी एका अपघातानंतर संतप्त नागरिकांनी मृतदेह रस्त्यावर ठेवून रास्ता रोको आंदोलन केले. महिलावर्ग व ज्येष्ठ नागरिक मोठ्या संख्येने सहभागी झाले. आज सकाळी अविदाबाई शिवराज चौधरी (वय ६५, रा. पिंपळवाडी) रस्त्याच्या कडेला चालत असताना भरधाव दुचाकीने जोरदार धडक दिली. या अपघातात त्यांचा जागीच मृत्यू झाला. घटनेनंतर ग्रामस्थांनी राष्ट्रीय महामार्ग रोखून धरला आणि “जोपर्यंत ठोस उपाययोजना होत नाही, तोपर्यंत मृतदेह हलवणार नाही,” असा इशारा प्रशासनाला दिला. ग्रामस्थांच्या म्हणण्यानुसार, गेल्या आठ महिन्यांत या ठिकाणी अनेक गंभीर अपघात झाले आहेत. आठ महिन्यांपूर्वी एक व्यक्ती दुचाकी व चारचाकी वाहनाच्या धडकेत ५०० मीटरपर्यंत फरफटत गेली होती. पाच महिन्यांपूर्वी सुवर्णा गौतम चौधरी (वय ६५) यांचा वाहनाच्या धडकेत जागीच मृत्यू झाला. दहा ...