KDMNEWS

**बार्शीत शस्त्रबंदीचे उल्लंघन; गावठी पिस्तूल आणि तलवारीसह तीन जण पोलिसांच्या ताब्यात** KDM NEWS प्रतिनिधी बार्शी, १२ ऑगस्ट   बार्शी शहर पोलीस ठाणे परिसरात रात्रीच्या वेळी शस्त्रबंदी आदेशाचे उल्लंघन करणाऱ्या तीन जणांना पोलिसांनी ताब्यात घेतले आहे. सुभाष नगर येथील हिरेमठ हॉस्पिटल परिसरात मध्यरात्री सुमारे दोन वाजता कारवाई झाली. आरोपी सचिन कुमार मिरगणे (वय ३८, रा. सुभाष नगर, बार्शी), दत्ता उंदरे आणि राहुल अनभूले (दोघे रा. बार्शी) यांच्याकडून विनापरवाना शस्त्रे जप्त करण्यात आली. जप्त साहित्यात गावठी बनावटी पिस्तूल (किंमत सुमारे ५० हजार रुपये), लोखंडी तलवार (सुमारे ४ हजार रुपये), धारदार चाकू (सुमारे १ हजार रुपये) आणि गजगा रंगाची स्विफ्ट डिझायर कार (सुमारे ५ लाख रुपये) यांचा समावेश आहे. जिल्हाधिकारी तथा जिल्हा दंडाधिकारी सोलापूर यांच्या ३ ऑगस्ट २०२६ च्या आदेशानुसार (जा.क्र. २०२६ डीसीबी २/आर.आर. ३६०९) महाराष्ट्र पोलीस अधिनियम १९५१ च्या कलम ३७ (१) (३) अंतर्गत ५ ते १९ ऑगस्ट दरम्यान शस्त्रबाजीवर बंदी लागू होती. या आदेशाचे उल्लंघन करून सचिन मिरगणे यांनी कारमध्ये गावठी पिस्तू...

​ "बार्शीत घराबाहेरून दुचाकी लंपास; युवकाचे ७२ हजारांचे नुकसान; पोलीस ठाण्यात गुन्हा दाखल"  **KDM NEWS प्रतिनिधी  बार्शी, १० ऑगस्ट : बार्शी शहर पोलीस ठाणे हद्दीत कासारवाडी रोड येथे एका तरुणाची होन्डा युनीकॉर्न मोटरसायकल अज्ञात चोरट्यांनी चोरून नेल्याची घटना घडली आहे. फिर्यादी ओम निलकंठ जगदाळे, रा. इरले ता. बार्शी, सध्या दिव्यरत्य बिल्डींग समोर कासारवाडी रोड बार्शी) यांच्या तक्रारीवरून बार्शी शहर पोलीस ठाण्यात गुन्हा दाखल करण्यात आला आहे. **घटना**   ८ ऑगस्ट २०२६ रोजी रात्री ११.०० वाजता ते ९ ऑगस्ट सकाळी सुमारे ८.०० वाजेपर्यंत फिर्यादी यांनी घरासमोर (दिव्यरत्य बिल्डींग समोर, कासारवाडी रोड, बार्शी ता. बार्शी जि. सोलापूर) लावलेली मोटरसायकल कोणीतरी अज्ञात व्यक्तीने मुद्दाम व फिर्यादीच्या संमतीशिवाय चोरून नेली. पोलीस ठाण्यापासून घटनास्थळ उत्तरेस सुमारे २ कि.मी. अंतरावर आहे. **चोरीला गेलेला माल**   - होन्डा कंपनीची युनीकॉर्न मोटरसायकल (मॉडेल २०२६)   - आरटीओ नंबर : MH13FB6640   - चेसी नंबर : ME4KC407CTG275332   - इंजिन नंबर...

**बीडमध्ये FDA चा दणका: १ कोटी ९४ लाखांचे १ लाख १९ हजार किलो खाद्यतेल जप्त, पाच आस्थापने सील!**  KDM NEWS प्रतिनिधी बीड, ९ #ऑगस्ट : अन्न व औषध प्रशासनाने (एफडीए) ‘सेफ फूड, सेफ महाराष्ट्र’ मोहिमेअंतर्गत बीड जिल्ह्यात ६ आणि ७ #ऑगस्ट रोजी खाद्यतेल रिपॅकिंग व सैल तेल साठवणुकीच्या आस्थापनांवर धडक कारवाई केली. यात एकूण १,१९,१८७.५ किलो खाद्यतेल जप्त करण्यात आले. या #साठ्याची किंमत ₹१ कोटी ९४ लाख ५० हजार ९२२ आहे. पाचही आस्थापनांचे परवाने तात्काळ निलंबित करून त्यांची कामकाजाची ठिकाणे बंद करण्यात आली. कारवाई संयुक्त आयुक्त श्रीकांत कारकाळे आणि बीडचे सहाय्यक आयुक्त नितीन मोहिते यांच्या देखरेखीखाली झाली. तपासणीत मुख्यतः एकाच टाकीतील तेलाला ‘रिफाइंड’ आणि ‘अल्ट्रा रिफाइंड’ अशी वेगवेगळी नावे देणे, वापरलेले टिन पुन्हा वापरणे, अस्वच्छ साठवणूक, इन-हाऊस प्रयोगशाळा नसणे, विश्लेषण प्रमाणपत्रे (Certificate of Analysis), फूड ग्रेड प्रमाणपत्रे, कामगारांची वैद्यकीय प्रमाणपत्रे आणि कीटक नियंत्रण नोंदी नसणे अशा गंभीर त्रुटी आढळल्या. एकूण २७ नमुने प्रयोगशाळेच्या तपासणीसाठी पाठवण्यात आले आहेत. **का...

**गॅस कनेक्शनसाठी उपोषण; तहसीलच्या लेखी आश्वासनानंतर आंदोलन मागे**  *KDM NEWS प्रतिनिधी बार्शी : गौडगांव येथील सौ. आशा उमराज सुतार यांनी नवीन गॅस कनेक्शन मिळण्यासाठी बार्शी तहसील कार्यालयासमोर एक दिवसाचे उपोषण केले. गॅस कनेक्शन नसतानाही त्यांच्या बँक खात्यात गॅस सबसिडी जमा होत असल्याने नवीन कनेक्शन मिळण्यात अडचणी येत होत्या. त्यामुळे तात्काळ कनेक्शन देण्याची मागणी करत त्यांनी आंदोलन छेडले. तहसील कार्यालयाच्या पुरवठा विभागाने संबंधित गॅस एजन्सीला आशा उमराज सुतार यांना तात्काळ नवीन कनेक्शन देण्याच्या सूचना दिल्या. याबाबतचे लेखी पत्र तहसील कार्यालयाकडून दिले गेले. लेखी आश्वासन मिळाल्यानंतर आशा उमराज सुतार यांनी उपोषण मागे घेतले. यावेळी पुरवठा अधिकारी आठवले, सामाजिक कार्यकर्ते राहुल भड, अशोक माळी, पांडुरंग घोलप, सतीश बुरगुटे आदी उपस्थित होते. KDM NEWS प्रतिनिधी 

**बार्शीत डीजेवर असभ्य डान्स, जिल्हाधिकाऱ्यांच्या आदेशाचा भंग; सहा जणांवर गुन्हा दाखल**  KDM NEWS प्रतिनिधी बार्शी, ९ ऑगस्ट : बार्शी शहरातील पांडे चौक येथे अवैध ध्वनीप्रक्षेपण करून पाचपेक्षा जास्त व्यक्ती जमवून डीजेवर असभ्य हावभाव करून डान्स केल्याप्रकरणी आणि जिल्हाधिकाऱ्यांच्या आदेशाचा भंग केल्याप्रकरणी सहा जणांविरुद्ध बार्शी शहर पोलीस ठाण्यात गुन्हा दाखल झाला आहे. गुन्हा क्रमांक ६०३/२०२६ अन्वये भारतीय न्याय संहिता २०२३ चे कलम २२३, ३(५) तसेच मुंबई पोलीस अधिनियम १९५१ चे कलम १३५ अंतर्गत कारवाई करण्यात आली आहे. फिर्यादी पोलीस हवालदार विश्वजीत शिवाजी ठोगे (वय ४०, बार्शी शहर पोलीस ठाणे) यांनी तक्रार दिली. आरोपींमध्ये अनिकेत सदाशिव गायकवाड (रा. माळवाडी कोथोली, ता. पन्हाळा, जि. कोल्हापूर – खपाणे मालक), आनंद गुलाब डोलारे (रा. लहूजी चौक, बार्शी – मध्यवर्ती जयती उत्सव अध्यक्ष), अदित्य विशाल चौगुले (नगर रोड, सोलापूर – डिजे डाबी मालक, व्हेमपायर), साईराम उत्तम शिंदे (रा. टिळक चौक, बार्शी – अध्यक्ष), अर्थव सुनिल नागुन (रा. आर्थी, ता. हवेली, जि. पुणे – डिजेबी मालक, आरके पॉवर) आणि विज...

**‘हे पालकमंत्री नव्हे, बालकमंत्री’; सुषमा अंधारेंचा जयकुमार गोरे आणि भाजपवर घणाघात**  **KDM NEWS प्रतिनिधी सोलापूर, ९ ऑगस्ट** – शिवसेना (उद्धव बाळासाहेब ठाकरे) पक्षाच्या उपनेत्या सुषमा अंधारे यांनी आज येथे पत्रकार परिषद घेऊन सोलापूरचे पालकमंत्री जयकुमार गोरे यांच्यावर १९ हून अधिक गुन्हे दाखल असल्याचा आरोप केला. “काय किर्ती राव, मिस्टर गोरे?” असा सवाल करत त्यांनी फसवणूक, महिला संबंधित प्रकरणे आणि कोरोना काळातील बोगस बिलांच्या आरोपांवरून जोरदार टीका केली. गंभीर प्रकरणांची सखोल चौकशी करून कठोर कायदेशीर कारवाई व्हावी, अशी मागणीही त्यांनी केली. अंधारे म्हणाल्या, कोरोना काळात मयत रुग्णांना जिवंत दाखवून सुमारे २०० हून अधिक बोगस बिले तयार करून पैसे लाटण्यात आले. खोटा मेडिकल ऑफिसर दाखवून त्याच्या सहीनिशी हजारो बिले काढली गेली. संबंधित पोलीस अधिकाऱ्यांनी संगनमताने एफआयआर आणि चार्जशीटमधून गोरे यांचे नाव काढून टाकले. उच्च न्यायालयात धाव घेतल्यानंतर न्यायालयाने समन्स बजावले असल्याचे त्यांनी सांगितले. भाजपमध्ये इतके खटले आणि गुन्हे असलेला हा पहिला मंत्री असू शकतो, असेही त्या म्हणाल्...

**सोलापूर : पावसाची प्रतीक्षा कायम, तापमान वाढीचा अंदाज; शेतकऱ्यांची चिंता वाढली**  **KDM NEWS प्रतिनिधी सोलापूर, ९ ऑगस्ट २०२६**   जिल्ह्यात पावसाची प्रतीक्षा कायम असताना उन्हाचा तडाखा पुन्हा वाढू लागला आहे. हवामान विभागाच्या अंदाजानुसार, आज (रविवार) आणि येत्या काही दिवसांत कमाल तापमान ३० ते ३२ अंश सेल्सिअसच्या आसपास राहण्याची शक्यता आहे. किमान तापमान साधारण २३ ते २४ अंश सेल्सिअस राहील. ढगाळ वातावरण आणि कडक ऊन यामुळे आर्द्रता वाढून उकाडा जाणवत आहे. हवामान अंदाजानुसार आज अंशतः ढगाळ आकाश राहून विखुरलेल्या वादळी पावसाची किंवा विजेची शक्यता २५ टक्क्यांपर्यंत आहे. सोमवार आणि मंगळवारी पावसाची शक्यता काही प्रमाणात वाढू शकते (३५ ते ६० टक्के). मात्र दमदार आणि सलग पावसाचा अंदाज सध्या तरी दिसत नाही. आर्द्रता ५८ ते ७८ टक्क्यांपर्यंत राहण्याची शक्यता आहे, त्यामुळे उकाडा जास्त जाणवेल. **शेतकऱ्यांची चिंता**   खरीप हंगामातील पिकांना पाण्याची नितांत गरज आहे. पावसाअभावी जमिनीतील ओलावा झपाट्याने आटत असून तापमानवाढीमुळे पिकांच्या वाढीवर विपरीत परिणाम होण्याची शक्यता आहे...