KDMNEWS

**बार्शीच्या कव्हे गावात अवैध मुरूम उत्खननाचा धडाका; चर्मकार समाजाच्या पूर्वजांच्या समाधीची तोडफोड**  **KDM NEWS प्रतिनिधी बार्शी** जिल्ह्यातील बार्शी तालुक्यातील कव्हे गावातून एक संतापजनक प्रकार समोर आला आहे. गावठाण क्षेत्रातील स्मशानभूमीजवळ दिवसाढवळ्या अवैध मुरूम उपसा सुरू आहे , यात चर्मकार समाजाच्या पूर्वजांच्या स्मृती असलेल्या समाधीची तोडफोड करण्यात आल्याने गावात तणावाचे वातावरण. शासनाचा लाखो रुपयांचा महसूल बुडत असतानाही महसूल प्रशासन आणि ग्रामपंचायत जाणीवपूर्वक दुर्लक्ष करत असल्याचा आरोप स्थानिक नागरिकांनी केला आहे. समाधीची तोडफोड: धार्मिक भावनांशी खेळ कव्हे येथील गावठाण जागेत अनेक वर्षांपासून **चर्मकार समाजाच्या पूर्वजांच्या समाधी** आहेत. मात्र, मुरूम माफियांच्या हापापलेपणाने या समाधींची तोडफोड करून त्या ठिकाणी जेसीबीच्या साहाय्याने खोल उत्खनन केले आहे. आपल्या पूर्वजांच्या खुणा पुसल्या जात असल्याचे पाहून समाजात तीव्र संताप व्यक्त होत आहे. स्मशानभूमीसारख्या पवित्र जागेचे विद्रुपीकरण होत असल्याने स्थानिकांच्या धार्मिक भावनांना मोठा तडा गेला आहे.  महसूल प्रशासन ...

**बार्शी नगरपरिषदेच्या २६८ विकासकामांवर ठेकेदारांच्या विलंबाबाबत नगरसेवकांची तक्रार**  **KDM NEWS प्रतिनिधी बार्शी (सोलापूर) :** बार्शी शहरातील २६८ विकासकामांची मुदत संपूनही अनेक कामे अपूर्ण किंवा मंद गतीने चालू असल्याबाबत नगरसेवकांनी मुख्याधिकारी तैमूर मुलाणी यांच्याकडे आज लिखित तक्रार दाखल केली. या कामांमुळे सार्वजनिक निधीचा अपव्यय होत असल्याचा आरोप करत ठेकेदारांसह जबाबदार अधिकाऱ्यांवर कायदेशीर व प्रशासकीय कारवाई करण्याची मागणी केली आहे. २०२५-२६ च्या सुधारित अर्थसंकल्पात आणि २०२६-२७ च्या अर्थसंकल्पात पान क्र. ५८ ते ७२, नमुना क्र. ८८ अंतर्गत ही २६८ कामे विविध ठेकेदारांना देण्यात आली होती. प्रत्यक्ष पाहणी आणि स्थानिक नागरिकांच्या तक्रारींवरून असे दिसून आले की, करारातील निश्चित मुदत संपूनही अनेक कामे अपूर्ण अवस्थेत आहेत, तर काही ठिकाणी प्रगती अत्यंत मंद आहे. नगरसेवक आक्कलकोटे यांच्या नेतृत्वात सर्व नगरसेवकांच्या वतीने स्मरणपत्र देण्यात आले. यावेळी बारबोले, राहुल कोंढारे, लांडगे, नवनाथ माळगे, मुजमील पठाण, सचिन मांगडे, सौ. पाचपुते , बाळासाहेब पवार, वसंत देवकर, अजय भानवसे, ...

**बीड : एसीबीचा एकाच दिवशी ‘डबल’ धमाका; तलाठी व ग्रामसेवक लाच घेताना एसीबी च्या जाळ्यात**  **KDM NEWS प्रतिनिधी बीड, ता. ९ एप्रिल : जिल्ह्यातील महसूल व ग्रामविकास विभागात भ्रष्टाचाराच्या तक्रारींना आज एसीबीने ठोस पुष्टी दिली. लाचलुचपत प्रतिबंधक विभागाने बुधवारी (८ एप्रिल) एकाच दिवशी दोन धडाकेबाज कारवाया करत एक तलाठी व एक ग्रामसेवक यांना लाच स्वीकारताना रंगेहात पकडले. या दोन्ही घटनांमुळे महसूल व ग्रामपंचायत प्रशासनात खळबळ उडाली आहे. **पहिली कारवाई : केज तालुक्यातील तलाठी जाळ्यात**   केज तालुक्यातील दहिफळ (वडमाऊली) येथील ग्राम महसूल अधिकारी (तलाठी) परमेश्वर अभिमान जाधव (४७) याला एसीबीने ९ हजार रुपयांची लाच घेताना ताब्यात घेतले. वारसा हक्क प्रमाणपत्र (७/१२ उताऱ्यात वारस नोंद) काढून देण्यासाठी त्याने तक्रारदाराकडे प्रथम ३९ हजार रुपयांची मागणी केली होती. तडजोडीअंती ३५ हजार रुपयांवर सौदा झाला. यातील ९ हजार रुपये कामापूर्वी घेण्याचे ठरले होते. तलाठी कार्यालयाबाहेरच एसीबी पथकाने सापळा रचला. जाधव हे माजी सैनिक असून, निवृत्तीनंतर अवघ्या सहा महिन्यांपूर्वीच तलाठी पदावर र...

**केजचे तरुण तहसीलदार राकेश गिड्डे यांचा रेणापूर फाट्याजवळ भीषण कार अपघातात जागीच मृत्यू**  **KDM NEWS प्रतिनिधी केज (जि. बीड) | **बीड जिल्ह्यातील केज तालुक्याचे तहसीलदार राकेश गिड्डे (वय ३१) यांचे गुरुवारी पहाटे ५ वाजेच्या सुमारास लातूर-अंबाजोगाई महामार्गावरील रेणापूर फाट्याजवळ झालेल्या भीषण कार अपघातात दुर्दैवी निधन झाले. स्वतःच्या खासगी कारने एकटेच प्रवास करत असताना वाहनावरील नियंत्रण सुटून कार रस्त्याच्या खाली जाऊन पलटी झाली. अपघात इतका भीषण होता की गाडीचा पार चुराडा झाला आणि राकेश गिड्डे यांचा जागीच मृत्यू झाला. अपघाताचा आवाज ऐकून स्थानिक नागरिकांनी घटनास्थळी धाव घेतली, मात्र तोपर्यंत उशीर झाला होता. रेणापूर पोलिसांनी तातडीने घटनास्थळी पोहोचून पंचनामा केला. मृतदेह उत्तरीय तपासणीसाठी रेणापूर ग्रामीण रुग्णालयात पाठवण्यात आला. अपघाताचे नेमके कारण अद्याप स्पष्ट झाले नाही. प्राथमिक तपासात वेग, रस्त्याची परिस्थिती आणि वाहनातील तांत्रिक बाबी यांचा समावेश असू शकतो, असे रेणापूर पोलिसांनी सांगितले. कारची तांत्रिक तपासणी सुरू असून, साक्षीदारांच्या जबानी आणि उपलब्ध पुराव्यांवर...

**येरमाळा : येडेश्वरी देवीच्या पालखीला पोलिसी बंदोबस्तावर हल्ला; शासकीय कामात अडथळा आणल्याप्रकरणी दोघांवर गुन्हा**  **KDM NEWS प्रतिनिधी येरमाळा **  येरमाळा येथील प्रसिद्ध येडेश्वरी देवीच्या चैत्र पौर्णिमा यात्रेदरम्यान पालखी सोहळ्यात शासकीय बंदोबस्त करणाऱ्या पोलिसांवर हल्ला झाल्याची धक्कादायक घटना घडली. आरोपींनी पोलिसांना धक्के देऊन बाजूला केले आणि पालखीचे खांदेकरी वैभव बारकुल यांना मारहाण केली. या प्रकारामुळे शासकीय कामात मोठा अडथळा निर्माण झाला. ही घटना मंगळवारी (७ एप्रिल) संध्याकाळी साडेसहा ते सात वाजेदरम्यान येरमाळा येथील बाजार चौकात घडली. येडेश्वरी देवीची पालखी गावातून डोंगराकडे नेण्यात येत असताना येरमाळा पोलीस ठाण्याचे सहायक पोलीस निरीक्षक तात्याराव रुपाजी भालेराव व त्यांचा कर्मचारी वर्ग मंदिराकडे पायी जात होता. यावेळी पवन जाधव (रा. टेंभुर्णी, जि. सोलापूर) आणि राकेश कसबे (रा. येरमाळा, ता. कळंब) या दोघांनी अचानक हल्ला चढवला. येडेश्वरी देवी ही तुळजाभवानी देवीची धाकटी बहीण मानली जाते. दरवर्षी यात्रेला हजारो भाविक गर्दी करतात. यंदा यात्रेदरम्यान मोठ्या प्रमाणात ...

**बार्शी : शेअर बाजारात दरमहा १० टक्के नफ्याच्या आमिषाने डॉक्टरची ५२ लाखांची फसवणूक**  **KDM NEWS प्रतिनिधी बार्शी**बार्शी शहर पोलिस ठाण्यात दाखल झालेल्या फिर्यादीनुसार, बार्शीतील चौधरी हॉस्पिटलचे डॉक्टर मिलिंद बिभीषण चौधरी (वय ३९, रा. फुले प्लॉट, उपळाई रोड, बार्शी) यांची ५५ लाख रुपयांची गुंतवणूक करून केवळ ३ लाख रुपये परत करून उर्वरित ५२ लाखांची फसवणूक केल्याचा गंभीर प्रकार समोर आला आहे. फसवणूक करणारा आरोपी संदीप दिलीप वायचळ (रा बार्शी, ) हा स्थानिक इन्कम टॅक्स सल्लागार असल्याचे फिर्यादीत म्हटले आहे. डॉ. मिलिंद चौधरी यांनी ७ एप्रिल २०२६ रोजी दिलेल्या फिर्यादीत सविस्तर माहिती दिली आहे. त्यानुसार, आरोपी वायचळ हे इन्कम टॅक्स भरण्याचे काम करत असल्याने चौधरी यांची ओळख झाली होती. वायचळ यांनी डॉक्टरांना सांगितले की, “मी शेअर मार्केटमध्ये पैसे गुंतवतो आणि दोन-तीन महिन्यात दुप्पट-तिप्पट नफा कमावतो. तुम्ही माझ्याकडे पैसे गुंतवा, मी दरमहा १० टक्के नफा देतो.”  वायचळ यांनी आपल्या कुर्दुवाडी रोड, अध्यापक कॉलनी येथील ऑफिसमध्ये बोलावून कॉम्प्युटरवर ट्रेडिंग दाखवली. त्यावेळी डॉ. चौ...

**गोवंश कत्तलखान्यावर पोलिसांची धडक; ६० किलो गायीचे मांस आणि ७ जनावरे जप्त**  **KDM NEWS प्रतिनिधी कुर्डूवाडी ** कुर्डूवाडी (सोलापूर) :** ५ एप्रिल २०२६ रोजी सकाळी ५.३० वाजता कुर्डूवाडी पोलिस ठाण्याच्या पथकाने कुरेशी गल्लीतील एका खुल्या पत्राशेडमध्ये बेकायदेशीर गोवंश कत्तल आणि मांस विक्रीचा धक्कादायक प्रकार उघडकीस आणला. ६० किलो गायीचे मांस आणि एकूण सात जर्सी गोवंश जनावरे (५ वासरे, एक गाय व एक खोंड) जप्त करण्यात आली. दोन आरोपींवर गुन्हा दाखल करण्यात आला आहे. पोलिस कॉन्स्टेबल महादेव सुखदेव सोलंकर (पो.क्र. २२२५) यांनी दिलेल्या फिर्यादीनुसार, गोपनीय माहितीवरून कुर्डूवाडी पोलिस निरीक्षकांच्या मार्गदर्शनाखाली पथकाने सरकारी वाहन क्र. एमएच १३/डीएम ९४७९ ने कुरेशी गल्लीत छापा टाकला. पत्राशेडमध्ये मांसाचे तुकडे, पाय आणि मुंडके विक्रीसाठी ठेवलेले आढळले. विक्रेता इस्माइल अबुतालीब कुरेशी (वय २९, रा. कुरेशी गल्ली, कुर्डूवाडी) याने मांस जर्सी गायीचे असल्याचे सांगितले. शेडच्या लगतच जर्सी गाईची काळ्या-पांढऱ्या रंगाची पाच लहान वासरे, एक तांबड्या-पांढऱ्या रंगाची जर्सी गाय आणि एक पांढरा खोंड...