KDMNEWS

*₹११ ची वस्तू रुग्णालयात ₹३२५ ला; ₹६.७५ ची सिरिंज MRP ₹५७.२० – एफडीए आयुक्त तुकाराम मुंढेंनी उघड केली रुग्णालयांतील महागडी लूट*  *KDM NEWS प्रतिनिधी महाराष्ट्र अन्न व औषध प्रशासन (एफडीए) आयुक्त तुकाराम मुंढे यांनी खासगी रुग्णालयांतील वैद्यकीय उपकरणे आणि कॉन्झ्युमेबल्सच्या किमतींतील प्रचंड फरक उघडकीस आणला आहे. राज्यातील सर्वेक्षणातून समोर आलेल्या आकड्यांनुसार रुग्णालयांना मिळणारी खरेदी किंमत (ट्रेड प्राइस) आणि रुग्णांकडून वसूल होणारी छापलेली एमआरपी यात हजारो टक्के नफा दिसून येत आहे. *सर्वेक्षणात समोर आलेले धक्कादायक आकडे - आयव्ही इन्फ्यूजन सेट (सलाईन नळी) : रुग्णालयाला मिळणारी किंमत ₹११.०५; छापलेली एमआरपी ₹३२५. यात जवळपास *२,८४१ टक्के** नफा. - सिरिंज : खरेदी किंमत ₹६.७५; एमआरपी ₹५७.२०. - कॅथेटर : खरेदी किंमत ₹२९.४१; एमआरपी ₹३१०. याशिवाय नेब्युलायझर आणि ऑक्सिजन मास्कसारख्या इतर वस्तूंमध्येही १३०० ते १६०० टक्क्यांपर्यंत मार्जिन आढळले आहे.   मुंढे काय म्हणाले? तुकाराम मुंढे यांनी सोशल मीडियावर स्पष्ट केले की, रुग्णालयातील बिलाचा सर्वात महागडा भाग कधीकधी रुग्णालयाशी थेट...

*बार्शी तालुका दुष्काळग्रस्त जाहीर करा; चारा छावण्या व तातडीची मदत सुरू करा : शिवसेनेची मागणी*  *KDM NEWS प्रतिनिधी सोलापूर : बार्शी तालुक्यात जून ते सप्टेंबरमध्ये सुमारे ५० ते ६० दिवस सलग पावसाचा खंड पडल्याने गंभीर दुष्काळसदृश परिस्थिती निर्माण झाली आहे. या पार्श्वभूमीवर शिवसेनेच्या वतीने तहसीलदार कार्यालयात निवेदन देण्यात आले. तालुका दुष्काळग्रस्त जाहीर करून शेतकऱ्यांना तातडीने मदत जाहीर करावी तसेच जनावरांसाठी चारा छावण्या सुरू कराव्यात, अशी प्रमुख मागणी करण्यात आली आहे. शिवसेना उपजिल्हाप्रमुख व बार्शी विधानसभा क्षेत्रातील पदाधिकारी पांडुरंग (नाना) त्रिंबक पाटील यांच्या नेतृत्वाखाली हे निवेदन सादर झाले. त्यात म्हटले आहे की, जूनमध्ये अत्यल्प पाऊस झाला आणि त्यानंतर ऑगस्ट व सप्टेंबरच्या मध्यापर्यंत पावसाने दांडी मारल्याने खरिपाच्या पेरणीवर मोठा परिणाम झाला. अनेक शेतकऱ्यांनी दुबार पेरणी केली; मात्र पाऊस नसल्याने सोयाबीन, ऊस, कांदा, फळबागा आणि इतर पिके पूर्णतः करपली आहेत. शेतीची कामे थांबली असून शेतकरी आर्थिक संकटात सापडले आहेत. पाण्याच्या तीव्र टंचाईमुळे पिण्याच्या पाण्या...

*मराठा आरक्षणाला वेग; शिंदे समिती आणि कक्षासाठी नवीन प्रशासन भवनात स्वतंत्र जागा जाहीर!*  *KDM NEWS प्रतिनिधी मुंबई, १६ सप्टेंबर २०२६ मराठा आरक्षणाच्या मुद्द्यावर मनोज जरांगे पाटील यांचे आंदोलन सुरू असतानाच राज्य सरकारने आज एक महत्त्वाचा प्रशासकीय शासन निर्णय (जीआर) जारी केला आहे. निवृत्त न्यायमूर्ती संदीप शिंदे समिती आणि मराठा आरक्षण कक्षाच्या कामकाजासाठी नवीन प्रशासन भवनात स्वतंत्र जागा उपलब्ध करून देण्याचा निर्णय घेण्यात आला आहे. *नेमका आदेश काय? नवीन प्रशासन भवनाच्या १२व्या मजल्यावरील पश्चिम बाजूची ऊर्जा विभागाला वाटप केलेली जागा आता शिंदे समिती आणि मराठा आरक्षण कक्षाला देण्यात येणार आहे. या जागेचे एकूण क्षेत्रफळ ९६४.४४ चौरस फूट असून प्रत्यक्ष उपलब्ध क्षेत्रफळ ७७५ चौरस फूट आहे. त्याच मजल्यावर राज्य निवडणूक आयोगाच्या रोखशाखेला वाटप झालेली पण अद्याप ताब्यात न घेतलेली ४०० चौरस फूट जागा ऊर्जा विभागाला देण्यात येईल. गृह विभागाच्या ताब्यातील १,१०३ चौरस फूट जागेपैकी ८४६ चौरस फूट गृह विभागाकडेच राहणार असून उर्वरित २५७ चौरस फूट ऊर्जा विभागाला देण्यात येणार आहे. समिती आणि कक्...

*बार्शी तालुक्यातील रस्तापूर येथे रात्री उशिरा राडा; जुन्या वादातून युवक आणि आईवर लोखंडी रॉड व साखळीने जीवघेणा हल्ला*  *KDM NEWS प्रतिनिधी बार्शी, १५ सप्टेंबर : सोलापूर जिल्ह्यातील बार्शी तालुक्यातील रस्तापूर गावात रविवारी रात्री हनुमान मंदिर कट्ट्याजवळ एका युवक व त्याच्या आईवर लोखंडी रॉड, साखळी आणि काठीने हल्ला झाला. बार्शी तालुका पोलीस ठाण्यात गुन्हा दाखल झाला आहे. फिर्यादी ऋषीकेश सुरेश मोहिते (वय २१, शेतकरी, रा. रस्तापूर) यांच्या म्हणण्यानुसार, ते मंदिर कट्ट्याजवळ उभे असताना ओंकार रामलिंग बरबडे काळ्या स्कॉर्पिओ गाडीत (क्रमांक एमएच २४ एएफ ३३३३) आले. गाडीतून ओंकार बरबडे, संदीप बिरमल मोहिते, किरण बिरमल मोहिते, परमेश्वर जयराम पालकर, सुरज हरिचंद्र देशमुख आणि विशाल बापुसाहेब बरबडे उतरले. त्यांनी फिर्यादीला गाडी काढण्याची मागणी केली. फिर्यादीने चावी नसल्याचे सांगितले असता आरोपींनी गैरकायदेशीर मंडळी जमवली. ओंकार बरबडे यांनी “तुला लई माज आला आहे” असे म्हणत लोखंडी रॉडने फिर्यादीच्या डाव्या खांद्यावर वार केला. घरातील लोक सोडविण्यास आले असता किरण मोहिते यांनी साखळीने डोक्यात मार...

*मनोज जरांगे पाटील मुंबईकडे रवाना; प्रकृती अस्वस्थ असतानाही आंदोलनाचा निर्धार कायम!*  KDM_NEWS_प्रतिनिधी वडीगोद्री (जालना) : मराठा आरक्षणाच्या मागणीसाठी अंतरवाली सराटी येथे आमरण उपोषण करत असलेले मनोज जरांगे पाटील आज मंगळवारी मोजक्या सहकाऱ्यांसह मुंबईकडे रवाना झाले. उपोषणाच्या १८ व्या दिवशीही त्यांची प्रकृती अस्वस्थ असताना त्यांनी मुंबईत आंदोलन सुरू ठेवण्याचा निर्धार कायम ठेवला. मुंबई पोलिसांनी आझाद मैदानावरील उपोषणाला परवानगी नाकारल्यानंतर जरांगे पाटील यांनी रणनीती बदलली. केवळ दहा सहकारी आणि दोन रुग्णवाहिकांसह ते निघाले. समाजाने सध्या मुंबईत येऊ नये, योग्य वेळी हाक देईन, असे आवाहन त्यांनी केले. एकजूट कायम ठेवा, शांततेने आंदोलन करा आणि संयम सोडू नका, असे भावनिक आवाहनही त्यांनी मराठा समाजाकडे केले. अंतरवाली सराटीतून निघताना औक्षण झाले. गाडीत बसताच जरांगे पाटील भावूक झाले. अवघ्या एक किलोमीटरचे अंतर पार करायला हजारो समर्थक आणि वाहनांच्या रांगेमुळे एक तास लागला. वडीगोद्रीतही मोठी गर्दी जमली होती. परिसरात आंदोलनाचे वातावरण होते. या दौऱ्यासाठी ६४८ पोलिसांचा कडेकोट बंदोबस्त तैन...

*सोलर प्लांट व नदीकाठच्या कॉपर वायर चोरीचे ६ गुन्हे उकल; १४५ किलो वायरसह आरोपी जेरबंद*  KDM NEWS प्रतिनिधी सोलापूर, १४ सप्टेंबर २०२६   स्थानिक गुन्हे शाखा सोलापूर ग्रामीणने सोलर प्लांट व नदीकाठच्या इलेक्ट्रिक मोटारींतील कॉपर वायर चोरीचे एकूण सहा गुन्हे उकलले असून एका आरोपीला अटक केली आहे. त्याच्याकडून १४५ किलोग्रॅम वजनाचे कॉपर वायर जप्त करण्यात आले असून त्याची किंमत १ लाख ८८ हजार ५०० रुपये आहे. पोलीस अधीक्षक अतुल कुलकर्णी यांच्या आदेशानुसार स्थानिक गुन्हे शाखेचे वरिष्ठ पोलीस निरीक्षक संजय जगताप यांनी सहाय्यक पोलीस निरीक्षक ज्ञानदेव वाघ व त्यांच्या पथकास या चोऱ्यांचा तपास करण्याचे निर्देश दिले होते. पथकाला मौजे रानमसले (ता. उत्तर सोलापूर) येथील गोपनीय बातमीदाराकडून माहिती मिळाली की, समाधान नवनाथ पवार (वय २१, रा. रानमसले) हा त्याच्या साथीदारासह गौडगाव (ता. बार्शी) येथील सोलर प्लांट तसेच उंदरगाव, वडशिंगे, बेंबळे, रांझणी (ता. माढा) येथील ठिकाणांहून कॉपर वायर चोरून आणत आहे आणि सध्या गावातील घराजवळ विक्रीसाठी उभा आहे. बातमीनुसार पोलीस पथक रानमसले येथे पोहोचले. आरोपी...

*बार्शीच्या धावपटूंचा सातारा हिल मॅरेथॉनमध्ये डंका; ३७ शिलेदारांचा गौरव!* *KDM NEWS प्रतिनिधी बार्शी, दि. १४ सप्टेंबर : सातारा हिल मॅरेथॉन २०२६ मध्ये २१ कि.मी.चे आव्हानात्मक अंतर यशस्वीरीत्या पूर्ण करणाऱ्या बार्शी रनर्सच्या धावपटूंचा सत्कार बार्शी रनर्स आणि बार्शी सायकलिंग क्लबच्या वतीने शिवशक्ती मैदान येथे आयोजित करण्यात आला. विविध वयोगटातील ३७ धावपटूंनी ही स्पर्धा पूर्ण केली. त्यापैकी युवराज करळे यांनी अवघ्या १ तास ५८ मिनिटांत अंतर पार करत सर्वाधिक वेगवान कामगिरी नोंदवली. त्यानंतर निलेश खालदकर (२:०४), अमोल ताकभाते (२:०७), अमृत खेडकर (२:१३) आणि डॉ. विजय पवार (२:१४) यांचा क्रमांक लागला. इतर सहभागी धावपटूंनीही २:१५ ते ३:४० या कालावधीत यशस्वीरीत्या शर्यत पूर्ण केली. याच प्रसंगी सायकलिस्ट निलेश सरवदे यांचा १००० कि.मी. बीआरएम अवघ्या ७३ तासांत पूर्ण केल्याबद्दल विशेष सत्कार करण्यात आला. युवराज करळे यांचाही दोन तासांच्या आत कामगिरी केल्याबद्दल गौरव करण्यात आला. सत्कार समारंभाला नागपूरचे उपजिल्हाधिकारी उमेश चव्हाण, श्री शिवाजी शिक्षण प्रसारक मंडळाचे जयकुमार उर्फ बापू शितोळे, बार्श...