KDMNEWS

*बार्शीत रंगणार विद्यापीठाचा २२ वा युवा महोत्सव; २८ सप्टेंबरपासून चार दिवस कलाकुंभ*  *KDM NEWS प्रतिनिधी बार्शी, २३ सप्टेंबर : पुण्यश्लोक अहिल्यादेवी होळकर सोलापूर विद्यापीठाच्या २२ व्या युवा महोत्सवाचे यजमानपद यंदा श्री शिवाजी महाविद्यालय, बार्शीला मिळाले आहे. दि. २८ सप्टेंबर ते १ ऑक्टोबर २०२६ दरम्यान महाविद्यालय परिसरात हा चार दिवसीय कलामहोत्सव संपन्न होणार आहे. महोत्सवाचे उद्घाटन दि. २८ सप्टेंबर रोजी सकाळी १० वाजता पोलीस अधीक्षक अतुल कुलकर्णी यांच्या हस्ते कर्मवीर डॉ. मामासाहेब जगदाळे मुख्य रंगमंचावर होईल. उद्घाटन समारंभाचे अध्यक्षस्थानी विद्यापीठाचे कुलगुरु डॉ. प्रकाश महानवर असतील. यावेळी खासदार ओमराजे निंबाळकर, आमदार दिलीप सोपल, आमदार राजेंद्र राऊत, नगराध्यक्षा तेजस्विनी कथले, प्र. कुलगुरु डॉ. लक्ष्मीकांत दामा, श्री शिवाजी शिक्षण प्रसारक मंडळाचे अध्यक्ष डॉ. वी. वाय. यादव आदी मान्यवर उपस्थित राहणार आहेत. विद्यापीठाशी संलग्न सुमारे ११० महाविद्यालयांचे १५०० ते २००० विद्यार्थी ३९ कलाप्रकारांमध्ये सहभागी होणार आहेत. संगीत, नाट्य, नृत्य, ललित कला आणि साहित्य या क्षेत्रां...

*सासू-सासऱ्यांच्या घराचा ताबा कायम; सर्वोच्च न्यायालयाने सुनेची याचिका फेटाळली*  *KDM NEWS प्रतिनिधी बार्शी, २३ सप्टेंबर : बार्शी येथील ज्येष्ठ नागरिक दांपत्य लता अनिल शिंदे व अनिल गुरुनाथ शिंदे यांच्या स्वकष्टार्जित घरजागेचा ताबा त्यांना देण्याबाबतचा आदेश आता सर्वोच्च न्यायालयानेही कायम ठेवला आहे. सन वैशाली शिंदे यांनी दाखल केलेली विशेष अनुमती याचिका फेटाळण्यात आली. गट क्रमांक १३४०/२/अ पैकी प्लॉट क्रमांक ३० वरील टू-बीएचके घराबाबत हा वाद होता. पालक व ज्येष्ठ नागरिकांचा निर्वाह व कल्याण अधिनियम, २००७ अंतर्गत ज्येष्ठ नागरिकांनी उपविभागीय अधिकारी (प्रांत अधिकारी) सदाशिव पडदुणे यांच्याकडे अर्ज केला होता. न्यायिक चौकशीअंती २८ नोव्हेंबर २०२४ रोजी प्रांत अधिकाऱ्यांनी ज्येष्ठ दांपत्याला घराचा ताबा देण्याचे आदेश दिले. या आदेशाविरोधात सुनेने जिल्हाधिकारी कुमार आशीर्वाद यांच्याकडे अपील केले. जिल्हाधिकाऱ्यांनी अपील फेटाळून प्रांत अधिकाऱ्यांचा आदेश कायम ठेवला. त्यानंतर मुंबई उच्च न्यायालयाच्या कोल्हापूर खंडपीठात रिट याचिका दाखल करण्यात आली. २२ जुलै २०२६ रोजी उच्च न्यायालयानेही याचिक...

*पुणे विभाग पदवीधर-शिक्षक मतदारसंघ निवडणूक: आचारसंहिता लागू, राजकीय पक्षांची बैठक*  *KDM NEWS प्रतिनिधी पुणे, २३ सप्टेंबर : महाराष्ट्र विधान परिषदेच्या पुणे विभाग पदवीधर आणि पुणे विभाग शिक्षक मतदारसंघाच्या निवडणुकीचा कार्यक्रम भारत निवडणूक आयोगाने मंगळवारी (२२ सप्टेंबर) जाहीर केल्यानंतर आदर्श आचारसंहिता तत्काळ लागू झाली आहे. निवडणूक निर्णय अधिकारी तथा विभागीय आयुक्त शीतल तेली-उगले यांच्या अध्यक्षतेखाली आज विभागीय आयुक्त कार्यालयात राजकीय पक्षांची बैठक झाली. या बैठकीत पुणे जिल्ह्यातील पक्ष प्रतिनिधी प्रत्यक्ष उपस्थित होते. सोलापूर, सातारा, कोल्हापूर आणि सांगली जिल्ह्यांतील प्रतिनिधी दूरदृश्य प्रणालीद्वारे जोडले गेले. पाचही जिल्ह्यांतील जिल्हा निवडणूक प्रशासन, पोलीस प्रशासन आणि महानगरपालिका अधिकारीही उपस्थित होते. **आचारसंहितेचे पालन आवश्यक**   विभागीय आयुक्त शीतल तेली-उगले यांनी सांगितले की, सार्वत्रिक वा पोटनिवडणुकांसाठीच्या आचारसंहिताविषयक तरतुदी या निवडणुकीसाठीही लागू आहेत. मार्गदर्शक पुस्तिका जिल्हा निवडणूक प्रशासनाकडून तसेच आयोग आणि मुख्य निवडणूक अधिकारी य...

*महाराष्ट्र विधान परिषदेच्या पुणे विभाग पदवीधर आणि पुणे विभाग शिक्षक मतदार संघासाठी २३ ऑक्टोबरला मतदान*  *KDM NEWS प्रतिनिधी पुणे, दि. २२ : भारत निवडणूक आयोगाने महाराष्ट्र विधान परिषदेच्या पुणे विभाग पदवीधर मतदार संघ आणि पुणे विभाग शिक्षक मतदार संघाच्या निवडणुकीचा कार्यक्रम जाहीर केला आहे. या मतदारसंघांसाठी २३ ऑक्टोबर २०२६ रोजी मतदान होणार आहे.  पुणे विभाग पदवीधर मतदारसंघातून अरुण लाड आणि पुणे विभाग शिक्षक मतदारसंघातून जयंत आसगावकर या विद्यमान सदस्यांचा कार्यकाळ ६ डिसेंबर २०२६ रोजी संपुष्टात येणार आहे. या पार्श्वभूमीवर हा कार्यक्रम जाहीर करण्यात आला आहे. भारत निवडणूक आयोगाने या निवडणुकांची घोषणा केल्यापासून संबंधित मतदारसंघांमध्ये आदर्श आचारसंहिता तत्काळ लागू झाली आहे. या निवडणुकीसाठी २९ सप्टेंबर २०२६ रोजी अधिसूचना प्रसिद्ध होईल. उमेदवारी अर्ज दाखल करण्याची अंतिम तारीख ६ ऑक्टोबर, अर्जांची छाननी ७ ऑक्टोबर, तर उमेदवारी अर्ज मागे घेण्याची अंतिम तारीख ९ ऑक्टोबर २०२६ आहे. मतदान २३ ऑक्टोबर रोजी सकाळी ८ ते सायंकाळी ४ या वेळेत होईल. मतमोजणी २७ ऑक्टोबर रोजी करण्यात येणार अ...

*पंढरपूर : वृद्ध प्रेमप्रकरणातून हत्या, दीड महिन्यानंतर डीएनए अहवालाने उघडला खून*  *KDM NEWS प्रतिनिधी पंढरपूर*सोलापूर जिल्ह्यातील पंढरपूर तालुक्यात दोन वृद्धांच्या प्रेमप्रकरणातून झालेल्या हत्येचा धक्कादायक प्रकार उघडकीस आला आहे. ७० वर्षीय अंबादास खांडेकर यांची त्यांच्या प्रेयसी मंगल होनमाने (७०) यांनी हत्या केल्याचा आरोप आहे. मंगलला पोलिसांनी अटक केली असून तिने गुन्हा कबूल केला आहे. अंबादास आणि मंगल यांच्यातील प्रेमसंबंध गेल्या काही वर्षांपासून चालू होते. दोघे गावात नियमित भेटत असत. २७ जुलै रोजी दोघांमध्ये किरकोळ वादातून जोरदार भांडण झाले. रागाच्या भरात मंगलने अंबादासवर हल्ला करून शेतातच त्यांची हत्या केली. त्यानंतर पुरावे नष्ट करण्यासाठी मृतदेह अर्धवट जाळून टाकला आणि पळून गेली. २ ऑगस्ट रोजी गावकऱ्यांना शेतात अर्धवट जळालेला मृतदेह दिसला. पोलिसांना माहिती मिळताच फॉरेन्सिक टीम बोलावण्यात आली. मृतदेह पूर्ण जळाल्याने ओळख पटणे अवघड होते. नमुन्यांची डीएनए तपासणी करण्यात आली. दीड महिन्यानंतर अंबादास यांच्या दोन मुलींच्या डीएनए अहवालातून मृतदेह त्यांचा असल्याची पुष्टी झाली. ओ...

*बार्शीत लंबोदर प्रतिष्ठानचा महिला आरती व खेळसोहळा उत्साहात; सुप्रिया पवार ठरल्या 'सोन्याची नथ'च्या मानकरी*  *KDM NEWS प्रतिनिधी बार्शी :   शिवछत्रपती व्यायाम शाळा, पाटील चाळ तरुण गणेश मंडळ संचलित लंबोदर प्रतिष्ठानतर्फे गणेशोत्सवानिमित्त आयोजित महिला आरती व मनोरंजक खेळ सोहळा तुळजापूर रोड, पाटील चाळ येथील हनुमान मंदिर परिसरात मोठ्या उत्साहात पार पडला. कार्यक्रमाची सुरुवात महिलांच्या उपस्थितीत भावपूर्ण महाआरतीने झाली. त्यानंतर महिलांसाठी विविध मनोरंजक खेळांचे आयोजन करण्यात आले. महिलांनी उत्स्फूर्त सहभाग घेत खेळांचा आनंद लुटला. लहान मुला-मुलींनी सादर केलेल्या नृत्यांनी कार्यक्रमाला रंगत आणली. उपस्थितांनी बालकलागुणांना टाळ्यांच्या कडकडाटात दाद दिली. संपूर्ण कार्यक्रमाचे सूत्रसंचालन संज्योती योगेश थोरात यांनी खुसखुशीत आणि ओघवत्या शैलीत केले. त्यामुळे वातावरण उत्साहात राहिले. मनोरंजक खेळ स्पर्धेतील विजेत्यांना मान्यवरांच्या हस्ते बक्षिसे देण्यात आली. प्रथम क्रमांक सुप्रिया संघर्ष पवार यांनी पटकावला. त्यांना सोन्याची नथ प्रदान करण्यात आली. द्वितीय क्रमांक नीता महेश स...

*महाराष्ट्राला मुसळधार पावसाचा इशारा; IMD चा २२ जिल्ह्यांना यलो अलर्ट*  *KDM NEWS प्रतिनिधी भारतीय हवामान विभागाने (IMD) सोमवार, २१ सप्टेंबर रोजी राज्यात मुसळधार पावसाचा इशारा दिला आहे. मध्य महाराष्ट्रातील काही भागांत वेगळ्या ठिकाणी जोरदार पाऊस पडण्याची शक्यता आहे. त्यासोबतच मेघगर्जना, विजांचा कडकडाट आणि ताशी ४० ते ५० किमी वेगाचे वादळी वारेही वाहण्याची शक्यता वर्तवण्यात आली आहे. **कोणत्या जिल्ह्यांना अलर्ट?**   यलो अलर्ट खालील जिल्ह्यांसाठी आहे: ठाणे, रत्नागिरी, सिंधुदुर्ग, नाशिक (घाट भाग), अहिल्यानगर, पुणे (घाट भागासह), कोल्हापूर (घाट भागासह), सातारा (घाट भागासह), सांगली, सोलापूर, परभणी, बीड, हिंगोली, नांदेड, लातूर, धाराशिव, चंद्रपूर, गडचिरोली, गोंदिया, नागपूर, वर्धा, वाशीम आणि यवतमाळ. काही अंदाजानुसार अमरावती, भंडारा आणि बुलढाणा यांचाही समावेश आहे. मध्य महाराष्ट्र आणि कोकण-गोव्याच्या काही भागांत आज व उद्या वेगळ्या ठिकाणी मुसळधार पाऊस पडू शकतो. मराठवाडा आणि विदर्भातही मेघगर्जनेसह पावसाची शक्यता आहे. विदर्भात २३ सप्टेंबरनंतर पावसाची तीव्रता वाढण्याची शक्यता आह...