KDMNEWS

*प्रत्येक पात्र मतदाराचा समावेश व्हावा; मतदार यादी शुद्धीकरणासाठी राजकीय पक्षांचे सहकार्य आवश्यक – विभागीय आयुक्त शितल तेली-उगले*  KDM NEWS प्रतिनिधी सोलापूर, दि. ८ : भारत निवडणूक आयोगाने महाराष्ट्रासह १३ राज्यांमध्ये सुरू केलेल्या विशेष सखोल पुनरीक्षण (एसआयआर) कार्यक्रमांतर्गत मतदार याद्यांचे शुद्धीकरण सुरू आहे. प्रत्येक पात्र नागरिकाचा समावेश करणे आणि अपात्र नागरिकांना वगळणे हा याचा उद्देश आहे. सोलापूर जिल्ह्यातील मतदार यादीत प्रत्येक पात्र मतदाराचा समावेश होण्यासाठी राजकीय पक्षांनी प्रशासनाला सहकार्य करावे, असे आवाहन मतदार यादी निरीक्षक तथा विभागीय आयुक्त शितल तेली-उगले यांनी केले. जिल्हाधिकारी कार्यालयात राजकीय पक्षांच्या प्रतिनिधींसोबत झालेल्या आढावा बैठकीत त्या बोलत होत्या. यावेळी जिल्हाधिकारी एस. कार्तिकेयन, नोडल अधिकारी तुषार ठोंबरे, निवासी उपजिल्हाधिकारी अभिजीत पाटील, महापालिका अतिरिक्त आयुक्त संदीप कारंजे, उपजिल्हा निवडणूक अधिकारी लक्ष्मण कसेकर, सर्व मतदार नोंदणी अधिकारी आणि प्रमुख राजकीय पक्षांचे प्रतिनिधी उपस्थित होते. श्रीमती तेली-उगले म्हणाल्या...

*सोलापूर : दिशा समितीची बैठक; केंद्रीय योजनांच्या प्रभावी अंमलबजावणीचे निर्देश*  KDM NEWS प्रतिनिधी सोलापूर, दि. ८ : जिल्हा विकास समन्वय व संनियंत्रण समितीची (दिशा) बैठक खासदार प्रणिती शिंदे यांच्या अध्यक्षतेखाली नियोजन भवनातील समिती सभागृहात पार पडली. बैठकीत केंद्र शासनाच्या विविध योजनांच्या अंमलबजावणीचा सविस्तर आढावा घेण्यात आला. बैठकीस खासदार धैर्यशील मोहिते-पाटील, खासदार ज्योती वाघमारे, आमदार अभिजीत पाटील, जिल्हाधिकारी एस. कार्तिकेयन, जिल्हा परिषदेचे मुख्य कार्यकारी अधिकारी कुशल जैन, जिल्हा ग्रामीण विकास यंत्रणेचे प्रकल्प संचालक चंद्रशेखर जगताप, निवासी उपजिल्हाधिकारी अभिजीत पाटील, उपजिल्हाधिकारी (महसूल) संतोषकुमार देशमुख यांच्यासह विविध विभागांचे वरिष्ठ अधिकारी उपस्थित होते. **रोजगारनिर्मितीवर भर देण्याचे आवाहन** खासदार प्रणिती शिंदे यांनी मनरेगा योजनेअंतर्गत जिल्ह्यात अधिकाधिक कामे उपलब्ध करून ग्रामीण भागातील नागरिकांना रोजगार मिळवून देण्याची सूचना केली. मंजूर पाणंद रस्त्यांची कामे तसेच रखडलेली कामे तातडीने मार्गी लावण्याचे निर्देशही त्यांनी दिले. याशिवाय धोकादायक ...

*बार्शीत गोकुळाष्टमी उत्साहात; दैवी गुणांसाठी राजयोगाचा संदेश*  KDM NEWS प्रतिनिधी बार्शी : प्रजापिता ब्रह्माकुमारी ईश्वरीय विश्व विद्यालयाच्या स्थानिक सेवाकेंद्रावर आयोजित गोकुळाष्टमी कार्यक्रमात ब्रह्माकुमारी निशादिदी यांनी श्रीकृष्णाप्रमाणे दैवी गुण आत्मसात करण्याचे आवाहन केले. अध्यक्षस्थानी सेवाकेंद्राच्या संचालिका ब्रह्माकुमारी संगीतादिदी होत्या. निशादिदी म्हणाल्या, श्रीकृष्ण सत्ययुगातील सर्वगुणसंपन्न महाराजकुमार होते. आज परमपिता परमात्मा शिव ज्ञानमुरलीद्वारे मार्गदर्शन करीत असून राजयोगाने बुद्धी, दिव्य गुण आणि संस्कारांचा आंतरिक शृंगार होतो. बाह्य शृंगार विनाशी, तर आंतरिक शृंगार अविनाशी आहे. मुलांना श्रीकृष्णाप्रमाणे वस्त्रे घालून सजवणे आनंद देते, पण खरे सौंदर्य पवित्रता, प्रेम, शांती, सत्यता, निर्भयता, प्रसन्नता आणि करुणा या गुणांमध्ये आहे. हे गुण राजयोगाच्या नियमित अभ्यासातून परमात्म्याशी संबंध जोडून विकसित होतात. त्यामुळे नकारात्मक विचार कमी होऊन आत्मिक शक्ती वाढते. आपत्ती, हिंसाचार आणि अशांतीच्या काळात राजयोग ध्यानाद्वारे शांती-शक्तीच्या प्रकंपना पसरवून दुःखी ...

*बार्शी : दरोड्याची पूर्वतयारी करत असताना पाच जण ताब्यात; प्राणघातक हत्यारे व दोन दुचाकी जप्त*  KDM NEWS प्रतिनिधी बार्शी, ८ सप्टेंबर : बार्शी तालुका पोलीस ठाण्याच्या पोलिसांनी मंगळवारी मध्यरात्री दरोडा टाकण्याच्या पूर्वतयारीत असलेल्या पाच जणांना रंगेहात पकडले. त्यांच्याकडून प्राणघातक हत्यारे, मिरची पावडर आणि दोन मोटारसायकल जप्त करण्यात आल्या. ही कारवाई मौजे कोरफळे येथील कोरफळे-यमाई रोडलगत सोमनाथ शेरखाने यांच्या शेताजवळ रात्री १२.२० वाजण्याच्या सुमारास झाली. बार्शी तालुका पोलीस ठाण्यापासून  १५ किमी अंतरावर असलेल्या कोरफळे या गावी  आरोपींना ताब्यात घेण्यात आले. ताब्यात घेतलेले आरोपी पुढीलप्रमाणे :   पप्पू शहाजी शिंदे (३९), आकाश बाशा भोसले (३०), बापू शहाजी शिंदे (६०), मनोज बापू शिंदे (१९) – सर्व रा. लाडोळे, ता. बार्शी आणि ईनामदार श्रीमंत भोसले (३५) रा. तांबेवाडी, ता. बार्शी. पोलिसांनी आरोपींकडून एक ३२ इंच लांबीची लोखंडी कुऱ्हाड, ६० सेमी लांबीचा कोयता, ४२ सेमी लांबीची कटावणी, पाच पाकिटे मिरची पावडर, एक स्कूटर ड्रायव्हर तसेच होन्डा शाईन (एमएच १३ ईटी ६२८३...

*बार्शी : वायंडिंग वर्कशॉपमधील कॉपर वायर चोरीचा पर्दाफाश; तीन आरोपी अटकेत, ६.९७ लाखांचा मुद्देमाल जप्त* *KDM NEWS प्रतिनिधी बार्शी*बार्शी शहर पोलिसांनी परांडा चौक परिसरातील एका वायंडिंग वर्कशॉपच्या गोदामातून झालेल्या कॉपर वायर चोरीप्रकरणात आंतरजिल्हा टोळीचा पर्दाफाश केला आहे. तीन आरोपींना अटक करण्यात आली असून, चोरीस गेलेली कॉपर वायर, गुन्ह्यात वापरलेले वाहन व इतर साहित्य असा एकूण सुमारे ६ लाख ९७ हजार ६०० रुपयांचा मुद्देमाल जप्त केला आहे. दि. १२ ते १३ जून २०२६ दरम्यान अज्ञात चोरट्यांनी शटर उचकटून २०४ किलो वजनाची पाच बंडले कॉपर वायर (किंमत १ लाख ९३ हजार ६०० रुपये) चोरून नेली होती. तक्रारदार पप्पू श्रीमंत रगडे यांच्या फिर्यादीवरून बार्शी शहर पोलीस ठाण्यात गुन्हा दाखल झाला होता. तांत्रिक विश्लेषण व गोपनीय माहितीच्या आधारे कोल्हापूर परिसरातील संशयितांचा माग काढण्यात आला. त्यानंतर सागर आकाराम गोसावी (४१, रा. गडमुडशिंगी, ता. करवीर, जि. कोल्हापूर), हणमंत राजाराम सपोनेसी (४०, रा. त्रिवोळी मंदिर, तेवलाई नाका, कोल्हापूर) आणि दुर्गाप्पा रामाप्पा कल्याणी (४८, रा. त्रिवोळी मंदिर, तेवलाई ...

*सोलापूर जिल्ह्याचा राष्ट्रीय गौरव! आपत्ती व्यवस्थापन विभागाला सहा 'सेफ-टेक' पुरस्कार प्रदान*  *KDM NEWS प्रतिनिधी सोलापूर, ७ सप्टेंबर : सुरक्षा, आपत्ती व्यवस्थापन आणि बचावकार्यात उल्लेखनीय कामगिरी करणाऱ्या सोलापूर जिल्ह्याच्या आपत्ती व्यवस्थापन विभागाला राष्ट्रीय स्तरावर मोठा सन्मान मिळाला आहे. मुंबईत झालेल्या सहाव्या सेफ-टेक पुरस्कार, परिषद व प्रदर्शन २०२६ मध्ये जिल्ह्याला एकूण सहा पुरस्कार प्रदान करण्यात आले. किंग्ज एक्सप्लो मीडिया यांच्यावतीने ३ सप्टेंबर रोजी मुंबईतील हॉटेल ताज येथे हा सोहळा पार पडला. देशभरातील सुरक्षा, अग्निशमन, आपत्ती व्यवस्थापन आणि बचावक्षेत्रातील १३५ अधिकारी, व्यक्ती व संस्थांचा यावेळी गौरव करण्यात आला. जिल्हा आपत्ती व्यवस्थापन अधिकारी शक्तीसागर ढोले यांना ‘बेस्ट ऑफिसर’ विभागात ‘बेस्ट फायर फायटर अँड रेस्क्युअर ऑफ द इयर’ पुरस्काराने सन्मानित करण्यात आले. आपत्तीकाळात तत्पर कार्यवाही, बचावकार्याचे प्रभावी नियोजन आणि विविध आपत्कालीन परिस्थितींमध्ये दाखवलेल्या कामगिरीची दखल घेत हा पुरस्कार देण्यात आला. याशिवाय जिल्हा आपत्ती प्रतिसाद दल (डीआरएफ) म...

*गणेशोत्सव मंडळ स्पर्धेच्या अर्जांना ११ सप्टेंबरपर्यंत मुदतवाढ; सांस्कृतिक कार्यमंत्री आशिष शेलार यांची घोषणा*  *KDM NEWS प्रतिनिधी मुंबई, दि. ७ सप्टेंबर : महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धा २०२६ साठी अर्ज सादर करण्याची मुदत वाढवण्यात आली आहे. आता शुक्रवार, ११ सप्टेंबर २०२६ पर्यंत ऑनलाइन अर्ज करता येणार आहेत. सांस्कृतिक कार्यमंत्री ॲड. आशिष शेलार यांनी ही घोषणा केली. सन २०२५ पासून गणेशोत्सव ‘महाराष्ट्राचा राज्य उत्सव’ म्हणून साजरा होत आहे. या अंतर्गत ही वार्षिक स्पर्धा आयोजित करण्यात आली आहे. यावर्षीपासून देशभरातील व देशाबाहेरील सार्वजनिक गणेशोत्सव मंडळांसाठीही स्वतंत्र पारितोषिके जाहीर करण्यात आली आहेत. जास्तीत जास्त मंडळांना सहभागी होण्याची संधी मिळावी यासाठी मुदतवाढ देण्यात आली आहे. नोंदणीकृत व परवानाधारक सार्वजनिक गणेशोत्सव मंडळे ganeshotsav.pldmka.co.in या अधिकृत पोर्टलवर ऑनलाइन अर्ज सादर करू शकतात. स्पर्धेत तालुका, जिल्हा, राज्य, राष्ट्रीय आणि आंतरराष्ट्रीय स्तरावर पारितोषिके मिळतील. पारितोषिक रचना अशी आहे –   तालुका स्तर : प्रथम ...